प्रतिनिधिसभा सदस्यका लागि इलाम–२ मा भएको उपनिर्वाचनको मतगणना जारी रहँदा नेकपा एमालेका उम्मेदवार सुहाङ नेम्वाङले अग्रता बढाइरहेका छन् । पछिल्लो मतपरिणाम अनुसार नेम्वाङले १२ हजार ६९ मत पाएका छन् ।

भोजपुरमा आज बिहान भएको बोलेरो गाडी दुर्घटनामा दुईजनाको मृत्यु भएको छ । दुर्घटनामा १२ जना घाइते भएका छन् ।

बझाङ प्रदेशसभा–१ को उपनिर्वाचनमा नेकपा एमालेका उम्मेदवार दमनबहादुर भण्डारी विजयी भएका छन् । निकटतम प्रतिस्पर्धी नेपाली कांग्रेसका उम्मेदवार अभिषेकबहादुर सिंहलाई २६६ मतको अन्तरले पराजित गर्दै उनी विजयी बनेका हुन् ।

धनकुटा-७ की प्रज्ञा बाराकोटी श्रेष्ठ मृत फेला परेकी छन् । बसपार्क नजिक माइती घरमा बस्दै आएकी २६ वर्षीया श्रेष्ठ घरमै मृत फेला परेकी हुन् ।

मोरङको सुनवर्षी नगरपालिका–२ की अञ्जिराकुमारी पोद्दारले जग्गाको विषयलाई लिएर केही व्यक्तिले दैनिक धम्क्याइरहेको बताएकी छन् । आज विराटनगरमा पत्रकार सम्मेलन गरी उनले आफ्नो परिवारलाई दैनिक धम्की आइरहेको बताएकी हुन् ।