इलाम । इलामको माई नगरपालिका–२ दिपु डाँडामा एक युवकले सौतेनी आमाको हत्या गरेका छन् ।
Advertisement
मदिरा सेवन गरेर घर पुगेका स्थानीय २१ वर्षीय सन्देश दियालीले ३१ वर्षीया सौतेनी आमा नेत्रमाया खवासको गएराति हत्या गरेको प्रहरीले जनाएको छ ।
घरायसी विवादका क्रममा उनले सौतेनी आमालाई बाम्फोकले शरीरको विभिन्न भागमा प्रहार गरेको प्रहरीले जनाएको छ ।
बाम्फोक प्रहारले खवासको दाहिने हात छिनिएको साथै टाउकामा गहिरो चोट लागेको थियो ।
प्रहरी चौकी दानबारीबाट घटनास्थलमा खटिएको टोलीले हत्यामा संलग्न दियालीलाई पक्राउ गरेको जिल्ला प्रहरी कार्यालय इलामले जनाएको छ ।
