धनकुटा । धनकुटा नगरपालिका-७ की प्रज्ञा बारकोटी श्रेष्ठ मृत फेला परेकी छन् । बसपार्क नजिक माइती घरमा बस्दै आएकी २६ वर्षीया श्रेष्ठ आइतबार साँझ घरमै मृत फेला परेकी हुन् ।
Advertisement
माइती घरको माथिल्लो तलाको सुत्ने कोठामा झुण्डिएको अवस्थामा उनको शव फेला परेको स्थानीय सुन्दरबाबु श्रेष्ठले जानकारी दिए । उनका बुवा तुलसी बारकोटीले मदनचोकमा पुस्तक पसल सञ्चालन गर्दै आएका छन् । दिउँसो बुबाले पसल जाउ भन्दा नमानेर घरमै बसेकी उनी साँझ गेट बन्द गरेर झुण्डिएको अवस्थामा फेला परेकी हुन् ।
मृतक श्रेष्ठका श्रीमान रोशनले मोटरसाइकल ग्यारेज सञ्चालन गर्दै आएका छन् । उनीहरूका ७ वर्षीय छोरा छन् ।
घटनाको जानकारी पाएपछि प्रहरी टोली पुगेर शवको मुचुल्का गरेको छ । मृतकको शवलाई पोस्टमार्टमका लागि धनकुटा जिल्ला अस्पतालमा ल्याइएको छ ।
