विराटनगर । बझाङ प्रदेशसभा निर्वाचन क्षेत्र नम्बर–१ मा भएको उपनिर्वाचनको मतपरिणाम अनुसार नेकपा एमालेका उम्मेदवार दमनबहादुर भण्डारीले सुरुवाती अग्रता लिएका छन् ।
Advertisement
प्रारम्भिक परिणामअनुसार भण्डारीले १५७ मत प्राप्त गरेका छन् । निकटतम प्रतिस्पर्धी नेपाली कांग्रेसका अभिषेकबहादुर सिंहले १३२ मत पाएका छन् भने नेकपा एकीकृत समाजवादीका दिलबहादुर सिंहले ५१ मत प्राप्त गरेका छन् ।
यसैगरी, नेकपा माओवादी केन्द्रका जनकबहादुर बुढाले ४७ र राष्ट्रिय प्रजातन्त्र पार्टीका किशोरकुमार खड्काले ३ मत पाएको निर्वाचन कार्यालयले जनाएको छ ।
बझाङमा छबिसपाथिभेरा गाउँपालिकाबाट मतगणना सुरू गरिएको हो । शनिबार भएको उपनिर्वाचनमा ३० हजार ३२८ मत खसेको थियो ।
प्रदेशसभा सदस्यका लागि विभिन्न राजनीतिक दलका ११ उम्मेदवार प्रतिस्पर्धामा छन् ।
