इलाम । इलाम क्षेत्र नम्बर २ को मतगणना मध्याह्नबाट सुरु गरिएको छ । मतगणना सुरु गर्ने क्रममा उक्त क्षेत्रको फाकफोकथुम गाउँपालिका वडा नम्बर १ को मतपेटिका खोलेर व्यवस्थापन गरिएको छ ।
Advertisement
फाकफोकथुममा २४ मतदान केन्द्र थिए । १६ हजार ३०२ मतदाता रहेको उक्त पालिकामा ९ हजार ६०४ मत खसेको थियो ।
उक्त पालिकाको गणनापछि चुलाचुली, माङ्सेबुङ, माई, देउमाईपछि अन्तिममा इलाम नगरपालिकाको मतगणना गर्ने तयारी रहेको मुख्य निर्वाचन अधिकृत केशवप्रसाद घिमिरेले बताए ।
सोमबार साँझसम्म मतगणनाको अन्तिम परिणाम आउन सक्ने गरी काम भइरहेको उनले बताए ।
शनिबार सम्पन्न निर्वाचनमा ६९ हजार २ ८७ मत खसेको थियो । १ लाख १५ हजार ८८९ मतदाता रहेको इलाम–२ मा इलाम नगरपालिकाका ११ वटा वडावाट २० हजार ६ सय ६५ मत खसेको थियो ।
हिजो मतदान प्रक्रिया सकिएपछि सबै केन्द्रहरुको मतपेटिका राति नै जिल्ला सदरमुकाममा संकलन गरिएको थियो ।
सदरमुकामस्थित गौतमबुद्ध सभागृहमा सुरक्षालगायत व्यवस्था पूरा गरी गणना थालिएको जिल्ला निर्वाचन कार्यालयले जनाएको छ ।
