ताप्लेजुङलाई केन्द्रबिन्दु बनाएर भूकम्प
विराटनगर । ताप्लेजुङलाई केन्द्रबिन्दु बनाएर आज बिहान भूकम्प गएको छ । ताप्लेजुङको लेलेप र ओलाङ्चुङ्गोला आसपास केन्द्रबिन्दु बनाएर बिहान ४ः३० बजे भूकम्प गएको राष्ट्रिय भूकम्प मापन तथा अनुसन्धान केन्द्रले जनाएको छ ।
केन्द्रका अनुसार ४.८ म्याग्निच्युडको भूकम्प मापन भएको छ ।
ताप्लेजुङसहित आसपासका जिल्लामा भूकम्पको धक्का महसुस भएको थियो । हालसम्म भूकम्पबाट क्षति भएको विवरण प्राप्त भएको छैन ।
