धनकुटा । धनकुटाको शहिदभूमि गाउँपालिकाका ४ सय भन्दा बढी परिवारलाई गरिब परिचयपत्र प्रदान गरिएको छ । ६ सय १९ गरिब घरपरिवार मध्ये हालसम्म ४ सय २८ परिवारलाई परिचयपत्र प्रदान गरिएको हो ।
Advertisement
यसअघि वडामा घुम्ती शिविर सञ्चालन गरेर गरिब परिचय पत्र प्रदान गरिएको थियो । अब, बाँकीलाई पालिकाबाटै परिचयपत्र प्रदान गर्न थालिएको गाउँपालिकाका रोजगार संयोजक सीता पौडेलले जानकारी दिइन् ।
गरिबी न्यूनिकरणका लागि सरकारले ल्याएको अवधारणा अनरुप गरिब परिचयपत्र वितरण गर्ने गरिएको छ । यो परिचयपत्र पाउने परिवारले सरकारको नीति तथा कार्यक्रम अनुसार गरिबी उत्थानका लागि विशेष सेवा सुविधा पाउने छन् ।
