काठमाडौं । नेता राजेन्द्र गौतम नेकपा एमाले प्रदेश १ को इन्चार्ज बनेका छन् । एमालेले संखुवासभाका नेता गौतमलाई पार्टीको प्रदेश १ इन्चार्जको जिम्मेवारी दिएको हो ।
Advertisement
पार्टी केन्द्रिय सचिवालयको बिहीबार बसेको बैठकले नेता गौतमलाई प्रदेश इन्चार्जको जिम्मेवारी दिने निर्णय गरेको हो । यसअघि झापाका देवराज घिमिरे प्रदेश इन्चार्ज थिए ।
प्रतिनिधि सभाको सभामुखमा निर्वाचित भएपछि घिमिरे पार्टीको सबै जिम्मेवारीबाट बाहिरिएका छन् । घिमिरे सभामुख बनेपछि रिक्त रहेको प्रदेश इन्चार्ज पदमा पार्टीले गौतमलाई जिम्मेवारी दिएको हो ।
