कोशी प्रदेश सेरोफेरो Archives - Page 98 of 131

किर्ते दस्तखत गरी विद्यालयको रकम झिक्ने कर्मचारी पक्राउ

२०८१ साउन १७

झापा । झापाको मेचीनगरस्थित काँकडभिट्टा माध्यमिक विद्यालयको बैङ्क खाताबाट किर्ते दस्तखतका आधारमा चेक साटेर चार लाख १८ हजार रुपैयाँ झिकेको आरोपमा कार्यालय सहयोगी रोशन मल्लिक पक्राउ परेका छन् । मेचीनगर नगरपालिका–६ का मल्लिकले नेपाल बैंक लिमिटेड काँकडभिट्टाबाट २० पटक चेक साटेर त्यति रकम निकालेको इलाका प्रहरी कार्यालय काँकडभिट्टाका प्रहरी निरीक्षक कृष्णकुमार पोखरेलले बताए । विद्यालयको बैङ्क खाता प्र...

एमालेले तोक्यो प्रदेश इन्चार्ज, कोशीमा शेरधन

२०८१ साउन १७

विराटनगर । नेकपा एमालेले सातैवटा प्रदेशका लागि इन्चार्जहरू तोकेको छ । आज बसेको एमाले सचिवालय बैठकले कोशी प्रदेशको इन्चार्जमा कोशी प्रदेशका पूर्वमुख्यमन्त्री समेत रहेका शेरधन राईलाई जिम्मेवारी दिएको छ । यसैगरी, मधेसमा लीलानाथ श्रेष्ठ, बागमतीमा राजन भट्टराई, गण्डकीमा किरण गुरुङ, लुम्बिनीमा पदमा अर्याल, कर्णालीमा गोरखबहादुर बोगटी र सुदूरपश्चिममा लेखराज भट्टलाई इन्चार्ज तोकेको छ । यसअघि एमालेले फर...

मोरङको सुनबर्सीमा दम्पतीमाथि दाउ प्रहार

२०८१ साउन १७

विराटनगर । मोरङको सुनबर्सीमा धारिलो हतियार प्रहारबाट दम्पती घाइते भएका छन् । सुनबर्सी नगरपालिका–६ मा स्थानीय ४२ वर्षीय रमेश साह र उनी श्रीमती प्रमिला साहमाथि गएराति धारिलो हतियार दाउ प्रहार भएको प्रहरीले जनाएको छ । भतिजा पर्ने २५ वर्षीय राजु साहले उनीहरूमथि आक्रमण गरेको प्रहरीको भनाइ छ । पूजा कोठाको माटो निकालेको विषयमा विवाद हुँदा दम्पतीमाथि आक्रमण भएको प्रारम्भिक अनुसन्धानबाट खुलेको मोरङ प्रह...

कोशी प्रदेशका एक हजार जनालाई रोजगारी दिने तयारी

२०८१ साउन १७

विराटनगर । प्रदेशमा रोजगारी सिर्जना गर्न प्रदेश सरकारले निक्षेप तथा कर्जा सुरक्षण कोष काठमाडौँसँग समझदारी गरेको छ । आज मुख्यमन्त्री हिक्मतकुमार कार्कीको उपस्थितिमा कोष र प्रदेश सरकारबीच समझदारी पत्रमा हस्ताक्षर गरिएको छ । प्रदेशका विभिन्न जिल्लाका गरी १२ कक्षा उत्तीर्ण करिब एक हजारजना युवालाई तालिम दिई यसै वर्ष अनलाइन रोजगारी दिने प्रदेश सरकारको तयारी छ । यो समझदारीले सरकारको उक्त योजनालाई मद्द...

धनकुटामा चट्याङ लागेर एक जनाको मृत्यु

२०८१ साउन १७

धनकुटा । धनकुटाको पाख्रीवासमा चट्याङ लागेर एक वृद्धको मृत्यु भएको छ । गएराती वर्षासँगै परेको चट्याङ लागेर पाख्रीवास नगरपालिका-६ छरछरेका ६५ वर्षीय गणेशबहादुर कार्कीको मृत्यु भएको हो । राती करिव साढे १० बजे घरमा सुतिरहेका बेला चट्याङ लागेर कार्कीको घटनास्थलमै मृत्यु भएको धनकुटाका प्रहरी प्रवक्ता डीएसपी राजबाबु महर्जनले जानकारी दिए । मृतकको शवलाई पोष्टमार्टमका लागि जिल्ला अस्पताल ल्याइएको छ । चट्...

प्रभु बैङ्कको बिर्तामोड शाखाबाट करोडभन्दा बढी रकम गायब भएपछि…

२०८१ साउन १७

झापा । झापाको बिर्तामोडस्थित प्रभु बैंकको शाखा कार्यालयमा मुद्दती खातामा जम्मा गरिएको एक करोड रुपैयाँभन्दा बढी रकम ‘गायब’ भएपछि बचतकर्ताले प्रहरीमा उजुरी दिएका छन् । मुद्दती खाताको अवधि पूरा भएपछि रकम निकाल्न बैंक जाँदा खातामा रकम नै नरहेको पाइएपछि बचतकर्ता चकित भएका थिए । उक्त बैङ्कको शाखामा बिर्तामोड नगरपालिका–७ की मञ्जु नेपालको नाममा खातामा २०२४ जनवरी १६ मा ६ महिनाका लागि एक करोड १० लाख ४३ ह...

उपचारका लागि अस्पताल लगिएका मोरङ कारागारका कैदी फरार

२०८१ साउन १७

विराटनगर । उपचारका लागि अस्पताल लगिएका जिल्ला कारागार मोरङका एकजना कैदी अस्पतालबाटै फरार भएका छन् । विराटनगर महानगरपालिका–८ घर भएका २४ वर्षीय मोहमद अहमद आज बिहान फरार भएका हुन् । पेट दुख्ने समस्या भएपछि उनलाई उपचारका लागि दुई दिनअघि कोशी अस्पतालमा भर्ना गरिएको थियो । निगरानीका लागि राखिएका प्रहरीलाई छलेर उनी अस्पतालबाटै फरार भएका थिए । कारागारका निमित्त जेलर तुलसी पौडेलका अनुसार उनको खोजी भइर...

अपाङ्गता भएका व्यक्तिलाई राजनीतिक दलमा प्रतिनिधित्व सुनिश्चित गर्न माग

२०८१ साउन १६

विराटनगर । राजनीतिक दलले अपाङ्गता भएका व्यक्तिहरूको सार्थक एवं प्रभावकारी सहभागिता तथा प्रतिनिधित्व सुनिश्चित गर्ने व्यवस्था मिलाउनुपर्नेमा जोड दिइएको छ । नेत्रहीन युवा सङ्घ मोरङले विराटनगरमा गरेको अन्तरक्रियाका सहभागीले प्रभावकारी सहभागितामा जोड दिएका हुन् । कार्यक्रममा दलहरूमा अपाङ्गता भएका व्यक्तिको सार्थक एवं प्रभावकारी सहभागिता तथा प्रतिनिधित्व हासिल गर्ने, पहुँचयुक्त निर्वाचन प्रणाल...

मुख्यमन्त्रीले ‘इगो’ साँधेको कोशीका पूर्वमुख्यमन्त्री कार्कीको आरोप

२०८१ साउन १६

विराटनगर । कोशी प्रदेशका पूर्वमुख्यमन्त्री केदार कार्की हालका मुख्यमन्त्री हिक्मतकुमार कार्कीमाथि खनिएका छन् । प्रदेशसभा सचिवालयमा आज पत्रकारहरूसँग कुरा गर्दै उनले मुख्यमन्त्री कार्कीमाथि विभिन्न आरोप लगाउँदै सङ्घर्षमा उत्रने चेतावनी पनि दिए । पूर्वमुख्यमन्त्री कार्कीले आफूले सुरुवात गरेका महत्वपूर्ण कामहरू हालका मुख्यमन्त्रीले निरन्तरता नदिएर ‘इगो’ साँधेको आरोप लगाए । उनले बजेटका विषयमा मुख्...

उर्लाबारीका युवकको हत्यामा संलग्न पक्राउ

२०८१ साउन १६

विराटनगर । मोरङको उर्लाबारी नगरपालिका–४ का २१ वर्षीय कुशल दाहालको हत्यामा संलग्नलाई प्रहरीले आज अपराह्न पक्राउ गरेको छ । उर्लाबारी–५ का ३५ वर्षीय सुभाष तामाङलाई प्रहरीले सुन्दरहरैँचा–४ बाट पक्राउ गरेको हो । को १ ख ६४७१ नम्बरको बसमा चढेर धरानतर्फ जाँदै गरेको अवस्थामा तामाङलाई पक्राउ गरिएको प्रहरीले जनाएको छ । ट्राफिक प्रहरी पोस्ट गछियाका असई किशोर निरौला नेतृत्वको टोलीले पक्राउ गरेर तामाङलाई इल...

धरानमा खानेपानी जडान शुल्क र महसुल बढाइएपछि दलहरू आन्दोलित

२०८१ साउन १६

सुनसरी । धरान उपमहानगरपालिकामा खानेपानीको जडान शुल्क र महसुल बढाइएपछि राजनीतिक दलहरूले विरोध गरेका छन् । शुल्क वृद्धिविरुद्ध उनीहरूले आन्दोलनको घोषणा गरेका छन् । धरानमा क्रियाशील १० राजनैतिक दलले खानेपानीको शुल्क र महसुल पुरानै कायम गर्न माग राख्दै यसअघि धरान खानेपानी व्यवस्थापन बोर्डमा ज्ञापनपत्र बुझाएका थिए । त्यसको सुनुवाइ नभएपछि दलहरूले चरणबद्ध आन्दोलनको घोषणा गरेका हुन् । चालु आर्थिक वर्...

श्री हस्पिटलले डिस्चार्जको नौ दिनपछि बिरामीलाई पठायो घर (फलोअप)

२०८१ साउन १६

विराटनगर । विराटनगरको हस्पिटल चोकमा रहेको श्री अस्पतालले डिस्चार्ज भएको ९ दिनपछि बिरामीलाई घर जान दिएको छ । मोरङको कानेपोखरी गाउँपालिका–३ हरकपुरका ३१ वर्षीय रञ्जित टुडु उपचार खर्च बुझाउन नसक्दा अस्पतालमा ‘बन्धक’ भएका थिए । यस विषयमा मङ्गलबार संगालोखबरले समाचार प्रकाशन गरेको थियो । रञ्जितका बुबा सर्दुल टुडुले अस्पतालले छोरालाई घर लग्न दिएको संगालो संगालोखबरलाई जानकारी दिए । ‘अस्पताल प्रशासनले त...

इटहरीका युवक काठमाडौँमा बसभित्र मृत भेटिए

२०८१ साउन १६

सुनसरी । काठमाडौँको नयाँ बसपार्कमा पार्किङ गरेर राखिएको बसभित्र सुनसरीको इटहरीका एक युवक मृत अवस्थामा फेला परेका छन् । काठमाडौँ महानगरपालिका–२६ नयाँ बसपार्कभित्रको ३ नम्बर गेट नजिक राखिएको बा २ ख २३४४ नम्बरको बसभित्र युवकको शव भेटिएको हो । प्रहरीका अनुसार मृत भेटिएका व्यक्ति सुनसरीको इटहरी उपमहानगरपालिका–१३ घर भएका ३७ वर्षीय प्रल्हाद अधिकारी हुन् । जिल्ला प्रहरी परिसर काठमाडौंका प्रवक्ता एसपी न...

झापाको काँकडभिट्टामा थुनुवाको मृत्यु

२०८१ साउन १६

झापा । इलाका प्रहरी कार्यालय काँकडभिट्टाको हिरासतमा रहेका एकजना थुनुवाको उपचारका क्रममा आज बिहान मृत्यु भएको छ । लागूपदार्थ सम्बन्धी मुद्दामा थुनामा रहेका मेचीनगर नगरपालिका–७ का २८ वर्षीय झकबहादुर खड्काको मृत्यु भएको प्रहरीले जनाएको छ । तीन दिनअघि लागूऔषधसहित पक्राउ परेका खड्काको धुलाबारीस्थित आम्दा–मेची अस्पतालमा उपचारका क्रममा मृत्यु भएको हो । उनको शव पोस्टमार्टमका लागि प्रादेशिक अस्पताल भद्र...

भोजपुरमा बाढीले बगाएर जलविद्युत आयोजनाका दुईजना कामदार बेपत्ता

२०८१ साउन १६

भोजपुर । इखुवा खोलामा आएको बाढीले बगाएर साल्पा सिलिचो गाउँपालिका–४ मा दुईजना कामदार बेपत्ता भएका छन् । बाढीले इखुवा जलविद्युत् आयोजनामा कार्यरत दुईजना कामदार बेपत्ता भएका हुन् । प्रहरीका अनुसार सुतिरहेको अवस्थामा मध्य रातितिर आएको बाढीले तीनजनालाई बगाएको थियो । एकजना भने पौडिएर बाँच्न सफल भएको प्रहरीले जनाएको छ । बाढीले बगाएर बर्दियाको बारा बर्दिया गाउँपालिका–३ का श्यामकुमार थारु र रमेश थारु ब...

मोरङको उर्लाबारीमा छुरा प्रहार गरी युवकको हत्या

२०८१ साउन १६

विराटनगर । मोरङको उर्लाबारीमा छुरा प्रहार गरी एक युवकको हत्या भएको छ । उर्लाबारी नगरपालिका–४ का २१ वर्षीय कुशल दाहालको हत्या भएको प्रहरीले जनाएको छ । छुरा प्रहारपछि गम्भीर घाइते भएका दाहाललाई स्थानीय स्वास्थ्य संस्थामा प्राथमिक उपचार गरिएको थियो । थप उपचारका लागि झापाको बिर्तामोडस्थित बी एन्ड सी अस्पताल लगिएका उनको गएराति मृत्यु भएको हो । मोरङ प्रहरीका प्रवक्ता डीएसपी ज्ञानेन्द्रबहादुर बस्नेतक...

कानुन कार्यान्वयनमा समस्या देखियोः मन्त्री राई

२०८१ साउन १५

विराटनगर । कोशी प्रदेशकी सामाजिक विकास राज्यमन्त्री सिर्जना राईले बनेका कानुन कार्यान्वयनमा विभिन्न समस्या देखिएको बताएकी छन् । लैङ्गिक हिंसा पीडितको न्यायमा पहुँच अभिवृद्धिः नीति समीक्षा तथा सुझावहरू सम्बन्धी विराटनगरमा भएको अन्तरक्रिया कार्यक्रम उनले यस्तो बताएकी हुन् । उनले पछिल्लो समय महिलाहरूले कानुनको दुरुपयोग गरेको अनुभव हुने गरेको उल्लेख गरिन् । उनले पछिल्लो समय पुरुष हिंसा बढेको भन्दै उ...

विराटनगरको श्री हस्पिटलले बिरामीलाई डिस्चार्ज दियो, घर जान दिएन

२०८१ साउन १५

विराटनगर । विराटनगरको श्री हस्पिटलमा बिरामीलाई बन्धक बनाएको छ भन्ने जानकारी आयो । जानकारी पाएपछि हस्पिटल गएर बुझ्दा एक युवा डिस्चार्ज भएको ८ दिन भइसक्दा पनि अस्पतालको बेडमै थिए । उनी रहेछन्, मोरङको कानेपोखरी गाउँपालिका–३ हरकपुरका ३१ वर्षीय रञ्जित टुडु । उनी डिस्चार्ज भएको ८ दिन भइसक्दा पनि हस्पिटलमै छन् । विराटनगरको हस्पिटल चोकस्थित श्री हस्पिटलको जेनेरल वार्डको बेड नम्बर ४ मा रहेका उनी कहिले घर...

बालिकालाई यौन दुर्व्यवहार गर्ने विद्यालयका सुरक्षा गार्ड पक्राउ

२०८१ साउन १५

झापा । बालिकालाई यौन दुर्व्यवहार गरेको अभियोगमा झापाको बिर्तामोडस्थित देवी माध्यमिक विद्यालयका सुरक्षा गार्ड पक्राउ परेका छन् । प्रहरीका अनुसार ७० वर्षीय सुरक्षा गार्ड तेजबहादुर पाण्डे उक्त अभियोगमा पक्राउ परेका हुन् । बिर्तामोड नगरपालिका–४ निवासी पाण्डे पूर्वप्रहरी हुन् । पछिल्लो समय उनी उक्त विद्यालयमा सुरक्षा गार्डको काम गर्दै आएका थिए । कराते खेल सिक्न विद्यालय पुगेकी ९ वर्षीया बालिकालाई उन...

बुबाको काजकिरिया कर्ममा बसेका छोराको मृत्यु

२०८१ साउन १५

झापा । आफ्ना दिवङ्गत बुबाको शोकमा रहेका झापाको शिवसताक्षीका एक व्यक्तिको काजकिरिया कर्ममा बसेका बेला मृत्यु भएको छ । उनको मृत्युपछि परिवारमा दोहोरो शोक थपिएको छ । शिवसताक्षी नगरपालिका–११ का ४५ वर्षीय गणेश घिमिरेको यस्तो अवस्थामा मृत्यु भएको हो । बुबाको १३ दिने कर्मका लागि बसेका उनको आठौँ दिनमा सोमबार बेलुका मृत्यु भएको हो । सवारी दुर्घटनामा परी गम्भीर घाइते भएका उनका बुबा दिलबहादुर घिमिरेको सा...

लागूऔषधसहित ९ जना पक्राउ

२०८१ साउन १५

विराटनगर । मोरङ, सुनसरी र उदयपुरबाट लागूऔषधसहित प्रहरीले ९ जनालाई पक्राउ गरेको छ । उनीहरूको साथबाट विभिन्न नामका लागूऔषध बरामद गरिएको प्रहरीले जनाएको छ । सुनसरीको बराहक्षेत्र नगरपालिका–८ की २७ वर्षीया एलिसा महतो, मोरङको रतुवामाईका २० वर्षीय असिम माझी र मोरङको रङ्गेली घर भई हाल सुन्दरहरैँचा–९ बस्ने १९ वर्षीय अभिषेक दमाइ महतरा पक्राउ परेका हुन् । यसैगरी, सुन्दरहरैँचाकै १८ वर्षीय सुशान्त विश्वकर्...

किशोरीलाई बलात्कार गरेको आरोपमा भद्रपुरका युवक पक्राउ

२०८१ साउन १५

झापा । झापाको भद्रपुरमा १६ वर्षीया किशोरीलाई बलात्कार गरेको आरोपमा एक युवक पक्राउ परेका छन् । जिल्ला प्रहरी कार्यालय झापाका अनुसार पक्राउ पर्नेमा भद्रपुर नगरपालिका–५ का २४ वर्षीय जीवन साह छन् । जिल्ला प्रहरी कार्यालयबाट खटिएको टोलीले हिजो अपराह्‍न उनलाई पक्राउ गरेको हो । साहले साहले ती किशोरीलाई अनेक प्रलोभन देखाई भद्रपुर–७ स्थित मौसम होटल एण्ड लजमा लगेर बलात्कार गरेको पाइएको प्रहरीको भनाइ छ । ...

कोशी सरकारः मन्त्रीका आकांक्षी धेरै भएपछि काङ्ग्रेसले बनायो मापदण्ड

२०८१ साउन १५

विराटनगर । कोशी प्रदेश सरकारमा सहभागी हुने निर्णय गरेको नेपाली काङ्ग्रेसबाट मन्त्री बन्ने आकांक्षीहरुको सङ्ख्या धेरै भएपछि प्रदेश समितिले टुङ्गो लगाउन सकेको छैन । मन्त्रीहरूको अन्तिम टुंगो प्रदेश समितिसँग परामर्श गरी पार्टीका केन्द्रीय सभापति शेरबहादुर देउवाले लगाउने नेताहरूले बताएका छन् । यसका लागि पार्टीको कोशी प्रदेश समितिले कोशी प्रदेश सरकारमा सहभागी हुने मन्त्रीहरूका लागि मापदण्ड बनाएर त्य...

डा. रूइत र शंकराचार्य पीठलाई नगेन्द्रप्रसाद-आशालता पुरस्कार

२०८१ साउन १५

विराटनगर । विराटनगरको नगेन्द्रप्रसाद–आशालता रिजाल प्रतिष्ठानले एकजना चिकित्सक र एउटा संस्थालाई २०८० सालका दुई पुरस्कार दिने निर्णय गरेको छ । नगेन्द्रप्रसाद–आशालता रिजाल ज्ञानविज्ञान पुरस्कार प्रसिद्ध आँखा चिकित्सक डा. सन्दुक रुइतलाई प्रदान गरिने भएको छ । यसैगरी, नगेन्द्रप्रसाद–आशालता रिजाल शिक्षा पुरस्कार झापाको शङ्कराचार्य पीठ वेदवेदाङ्ग संस्कृत पाठशालालाई प्रदान गरिने भएको छ । दुवै पुरस्कारको...

क्यानाडा पठाइदिने भन्दै लाखौँ रुपैयाँ ठगेको आरोपमा झापाका युवक पक्राउ

२०८१ साउन १५

काठमाडौँ । क्यानाडा पठाइदिने भन्दै सामाजिक सञ्जालमार्फत प्रलोभनमा पारेर लाखौँ रुपैयाँ ठगी गरेको आरोपमा झापाका एक युवक पक्राउ परेका छन् । झापाको बिर्तामोड नगरपालिका–९ घर भई ललितपुरको चाङथली बस्ने २३ वर्षीय पुरुषोत्तम भण्डारीलाई प्रहरीले पक्राउ गरेको हो । उनलाई काठमाडौँ उपत्यका अपराध अनुसन्धान कार्यालय टेकुबाट खटिएको टोलीले काठमाडौँको कोटेश्वरबाट पक्राउ गरेको हो । प्रहरीका अनुसार भण्डारीले क्यान...

केन्द्रमा जस्तै आलोपालो गरेर अघि बढ्छौंः मुख्यमन्त्री कार्की

२०८१ साउन १४

विराटनगर । कोशी प्रदेशका मुख्यमन्त्री हिक्मतकुमार कार्कीले राष्ट्रिय राजनीतिमा बनेको समीकरण अनुसारै अघि बढ्ने बताएका छन् । पछिल्लोपटक बनेको समीकरणका आधारमा अघि जाने भन्ने कुरा नेकपा एमाले र नेपाली काङ्ग्रेसबीच सहमति भएको उनको भनाइ छ । विराटनगर विमानस्थलमा आज साँझ सञ्चारकर्मीहरूसँग कुरा गर्दै मुख्यमन्त्री कार्कीले यस्तो बताएका हुन् । ‘कसरी सहकार्य गर्ने भन्ने सन्दर्भमा चाहिँ राजनीतिक कुराहरू माथ...

बसाइँ सराइले उजाडिएका धनकुटाको कुरुलेका डाँडा कृषि कर्मले हराभरा

२०८१ साउन १४

धनकुटा । धनकुटाको चौबिसे गाउँपालिका–३, कुरुलेस्थित बन्दुके डाँडा क्षेत्र बसाइँ सराइले रित्तिँदै गएको थियो । अवसरको खोजीमा स्थानीय बासिन्दा अन्यत्र जाने क्रम तीव्र बनेको थियो । तर पछिल्लो समय भारतीय मूलका अमेरिकी नागरिक राजीव गोयलले स्थानीयसँग मिलेर ‘तमोर पर्माकल्चर’ सञ्चालनमा ल्याएसँगै उजाडिएको क्षेत्र हराभरा भएको छ । अवसर र सुविधाको खोजीमा उक्त गाउँका बासिन्दा अन्यत्र गएसँगै गाउँ लगभग रित्तो ब...

धनकुटा र तेह्रथुमका कृषकलाई २ करोडभन्दा बढी अनुदान

२०८१ साउन १४

धनकुटा । भेटेरिनरी अस्पताल तथा पशुसेवा विज्ञ केन्द्र धनकुटाले कृषकलाई २ करोड रुपैयाँभन्दा बढीको अनुदान वितरण गरेको छ । धनकुटा र तेह्रथुमका कृषक तथा पशुपक्षी पालक कृषकहरूलाई अनुदान वितरण गरिएको हो । केन्द्रले आर्थिक वर्ष २०८०/८१ मा धनकुटा र तेह्रथुमका ९२ वटा पशुपालन सम्बन्धी व्यक्तिगत फार्म, समूह र सहकारीलाई २ करोड ३८ लाख ७० हजार २ सय रुपैयाँ अनुदान उपलब्ध गराइएको छ । विभिन्न ५ शीर्षकमा कृषकले ...

‘सबैलाई आयो लोकतन्त्र, हामीलाई खोई ?’

२०८१ साउन १४

विराटनगर । आफ्ना माग पूरा गराउन साउन ६ गतेबाट आन्दोलित बनेका कोशी प्रदेशका वनरक्षक कर्मचारीहरूले आन्दोलनलाई थप सशक्त बनाउने निधो गरेका छन् । उद्योग, वन तथा वातावरण मन्त्रालयमा आज पत्रकार सम्मेलन गर्दै उनीहरूले आन्दोलनलाई थप सशक्त बनाउने उद्घोष गरेका हुन् । कोशीमा ५ सय १३ जनाको दरबन्दी भएपनि हाल २५८ जना वनरक्षक कार्यरत छन् । आफूहरूका माग सम्बोधनका लागि कसैले चासो नदेखाएका कारण नियमित धर्ना दिनुप...

उर्लाबारीमा मोटरसाइकल दुर्घटना हुँदा एकजनाको मृत्यु

२०८१ साउन १४

विराटनगर । मोरङको उर्लाबारीमा मोटरसाइकल दुर्घटना हुँदा एकजनाको मृत्यु भएको छ । उर्लाबारी नगरपालिका–९ मा मे ९ प ५५७५ नम्बरको मोटरसाइकल अनियन्त्रित भइ गएराति दुर्घटना भएको प्रहरीले जनाएको छ । दुर्घटनामा मोटरसाइकलको पछाडि बसेका झापाको दमक नगरपालिका–१० का २२ वर्षीय धनराज रिजालको मृत्यु भएको जिल्ला प्रहरी कार्यालय मोरङले जनाएको छ । मोटरसाइकल चालक दमक–१० का २२ वर्षीय रोशन भट्टराई घाइते भएका छन् । उनक...

विराटनगरमा सहपाठीको कुटाइले विद्यार्थी घाइते

२०८१ साउन १४

विराटनगर । विराटनगरमा विद्यार्थीहरूबीच गएराति कुटाकुट हुँदा एकजना घाइते भएका छन् । कुटपिटबाट बाराको कलैया नगरपालिका–१३ घर भइ विराटनगर–१ मा बस्दै आएका २१ वर्षीय रवीन्द्रप्रसाद कुशवाहा घाइते भएको प्रहरीले जनाएको छ । टाउकोसहित शरीरका विभिन्न भागमा चोट लागेका उनको नोबेल शिक्षण अस्पतालमा उपचार भइरहेको मोरङ प्रहरीका प्रवक्ता डीएसपी ज्ञानेन्द्रबहादुर बस्नेतले जानकारी दिए । प्रहरीका अनुसार विराटनगर–१ स...