उदयपुरमा चट्याङ लाग्दा एक जनाको मृत्यु
उदयपुर । उदयपुरको कटारी नगरपालिका–११ गोठडाँडामा आज चट्याङ लागेर एक जनाको मृत्यु भएको छ । मृत्यु हुँनेमा स्थानीय ४५ वर्षीया भक्तकुमारी बुढाथोकी छन् ।
बिहान ८ बजे घरमा बसिरहेका बेला वर्षासँगै परेको चट्याङले लाग्दा बुढाथोकी घाइते भएकी थिइन् । उनलाई उपचारका लागि कटारी अस्पताल लगिएको थियो । उपचारकै क्रममा उनको मृत्यु भएको जिल्ला प्रहरी कार्यालय उदयपुरले जनाएको छ ।
