पाँचथर Archives

पाँचथरबाट खुकुरी, इन्सास राइफलको गोली र बारुदसहित एक जना पक्राउ

२०८३ आश्विन ०६

विराटनगर । पाँचथरबाट धारिलो हतियार खुकुरी, इन्सास राइफलको गोली र बारुदसहित एक जना पक्राउ परेका छन् । प्रहरीले फिदिम नगरपालिका-६ सिवाका ३२ वर्षीय सुसन तुम्रोकलाई पक्राउ गरेको हो । उनलाई कुम्मायक गाउँपालिका-१ यासोक बजारबाट पक्राउ गरिएको पाँचथरका प्रहरी प्रवक्ता इन्स्पेक्टर रामचन्द्र साहले जानकारी दिए । धारिलो हतियार देखाएर धाकधम्की दिइरहेको भन्ने सूचनाका आधारमा खटिएको प्रहरी टोलीले उनलाई नियन्त्र...

पाँचथरका इन्द्रकुमार हत्या प्रकरण : आफ्नै श्रीमती र छोरा पक्राउ

२०८३ भाद्र २६

विराटनगर । पाँचथरको मिक्लाजुङ गाउँपालिका-३ का ४८ वर्षीय इन्द्रकुमार दमाईको हत्या आरोपमा प्रहरीले आमा-छोरालाई पक्राउ गरेको छ । पक्राउ पर्नेमा उनकी ४३ वर्षीया श्रीमती र १७ वर्षीय छोरा छन् । प्रहरीले पक्राउ परेकाहरूको नाम भने गोप्य राखेको छ । पाँचथरका प्रहरी प्रमुख डीएसपी अनिषकुमार कर्णले घटना शंकास्पद देखिएकाले अनुसन्धानका लागि आमा-छोरालाई नियन्त्रणमा लिइएको जानकारी दिए । ‘आमा-छोरालाई नियन्त्रणम...

पाँचथरको सिंहदेवी विद्यालयमा अध्ययनरत बालकमाथि गृहकार्य नगरेको भन्दै कुटपिट

२०८३ भाद्र ०५

पाँचथर । पाँचथरको याङवरक गाउँपालिका-१ च्याङथापुस्थित सिंहदेवी आधारभूत विद्यालयमा कक्षा ४ मा अध्ययनरत बालकमाथि कुटपिट भएको छ । गृहकार्य नगरेको भन्दै शिक्षिका चन्द्रा राईले ८ वर्षीय बालक अविरल गुरुङलाई निर्घात कुटपिट गरेकी हुन् । कुटपिटका कारण बालकको खुट्टाको पछाडिको भागमा ठूला-ठूला नीलडाम बसेको सामाजिक सञ्जालमा सार्वजनिक भएको तस्बिरमा देखिन्छ । अंग्रेजी शिक्षिका राईले गृहकार्य नगरेको भन्दै बुधबा...

प्रधानमन्त्रीलाई गाली गरेको आरोप लागेका पाँचथरका युट्युबर पोखरेल पुर्पक्षका लागि थुनामा

२०८३ आषाढ २३

पाँचथर । पाँचथरका युट्युबर रोशन पोखरेललाई जिल्ला अदालतले कारागार चलानको आदेश दिएको छ । प्रधानमन्त्री बालेन शाहलगायतका नेताहरूलाई सामाजिक सञ्जालमार्फत गाली-गलौज र अपमान गरेको आरोपमा पक्राउ परेका उनलाई जिल्ला अदालत पाँचथरका न्यायाधीश कुमार मास्केको इजलासले असार १८ गते कारागार पठाउन आदेश दिएको हो । पोखरेलविरुद्ध विद्युतीय कारोबार ऐनअन्तर्गत मुद्दा दर्ता गरिएको थियो । युट्युब, फेसबुक र टिकटक लगायत...

पाँचथरको सरस्वती माविका विद्यार्थीलाई शैक्षिक सामग्री वितरण

२०८३ आषाढ १६

विराटनगर । पाँचथरको फिदिम नगरपालिका-५ चोकमागुस्थित सरस्वती माध्यमिक विद्यालयमा अध्ययनरत विद्यार्थीहरूलाई आवश्यक शैक्षिक सामग्री प्रदान गरिएको छ । सेवा र विकासका लागि युवाको आयोजना एवं प्राज्ञिक विद्यार्थी परिषद् नेपालको समन्वयमा एक सय विद्यार्थीलाई शैक्षिक सामग्री प्रदान गरिएको हो । आर्थिक कठिनाइका कारण विद्यार्थीको अध्ययन निरन्तरतामा देखिने चुनौतीलाई न्यूनीकरण गर्ने उद्देश्यले शैक्षिक सामग्री...

तमोर नदीमा निर्माणाधीन मोटरेबल पुल बाढीले बगायो

२०८३ जेठ १०

विराटनगर । तमोर करिडोर अन्तर्गत तमोर नदीमा निर्माणाधीन मोटरेबल पुल बाढीले बगाएको छ । शुक्रबारदेखि परेको अविरल वर्षासँगै आएको बाढीले पाँचथरको आठराई त्रिवेणी गाउँपालिका-१ निघुरादिन र हिलिहाङ गाउँपालिकाको आङ्बुङ जोड्ने पुल बगाएको हो । गाउँपालिका अध्यक्ष दीपेन्द्र पोमुका अनुसार करिब एक सातादेखि पुलको ट्रस जडानको काम भइरहेको थियो । बाढीले ट्रस संरचनासहित निर्माणस्थलमा रहेका अन्य सामग्रीसमेत बगाएको छ...

पाँचथरमा पिकअप दुर्घटना हुँदा चालकको मृत्यु

२०८३ जेठ ०८

पाँचथर । पाँचथरको याङवरक गाउँपालिका-६ अर्चलेमा पिकअप दुर्घटना हुँदा चालकको घटनास्थलमै मृत्यु भएको छ । आज बिहान करिब ३ः३० बजे भएको दुर्घटनामा चालक झापाको बाह्रदशी गाउँपालिका-५ का ३५ वर्षीय गोपाल भट्टराईको मृत्यु भएको हो । पाँचथरका प्रहरी प्रमुख डीएसपी अनिषकुमार कर्णका अनुसार च्याङथापुबाट फलैंचातर्फ जाँदै गरेको प्रदेश ०१-००२ च १५६९ नम्बरको पिकअप दुर्घटना भएको हो । पिकअपमा चालकसहित तीन जना सवार थि...

पाँचथरमा चार वर्षीय बालकलाई कुटपिट गर्ने शिक्षिका पक्राउ

२०८३ जेठ ०४

विराटनगर । पाँचथरमा अंक र अक्षर लेख्न नसकेको निहुँमा चार वर्षीय बालकलाई निर्घात कुटपिट गर्ने शिक्षिकालाई प्रहरीले पक्राउ गरेको छ । फिदिम नगरपालिका-१४ स्थित न्यु लुङरुपा बोर्डिङ एकेडेमीमा कार्यरत शिक्षिका सुमित्रा सेन्दाङलाई प्रहरीले पक्राउ गरेको हो । वैशाख ३० गते बुधबार एलकेजीमा अध्ययनरत छात्र सेसेफुङ नेम्वाङलाई शिक्षिका सेन्दाङले लेख्न नजानेको भन्दै कुटपिट गर्दा बालकको ढाडभरि नीलडाम र चोट छ । ...

पाँचथरमा पिकअप दुर्घटना हुँदा एक जनाको मृत्यु, दुई जना घाइते

२०८२ चैत्र १९

विराटनगर । पााचथरको हिलिहाङ गाउँपालिका-५ बन्चरेडाँडामा पिकअप दुर्घटना हुँदा एक जनाको मृत्यु भएको छ । दुर्घटनामा हिलिहाङ-५ सुभाङका २४ वर्षीय आवास माबोको मृत्यु भएको हो । उनको उपचारका क्रममा पाँचथर अस्पतालमा मृत्यु भएको प्रहरीले जनाएको छ । दुर्घटनामा गाडी चालक झापाको बुद्धशान्ति गाउँपालिका-६ का २५ वर्षीय कृष्णबहादुर बराइली र गाडीमा सवार हिलिहाङ-५ का २४ वर्षीय सन्दिप उभरकोटी घाइते भएका छन् । उनीहर...

तमोर करिडोर : सडक कालोपत्रे भयो, पुल बन्ने अत्तोपत्तो छैन

२०८२ चैत्र १६

धनकुटा । पूर्वी पहाडमा निर्माणाधीन चीन र भारत जोड्ने द्रुतमार्ग तमोर कोरिडोर अन्तरगत मोटरेवल पुल निर्माणमा ढिलासुस्ती भएको छ । बजेट अभावसँगै ठेकेदारको ढिलासुस्तीका कारण करिडोरमा पर्ने ८ वटा मोटरेवल पुल निर्माणमा ढिलाइ भएको हो । सडक कालोपत्रे भएर सवारीसाधान सञ्चालन हुन थालेको लामो समय भइसकेको छ । धनकुटाको मूलघाटदेखि पाँचथरको गणेशचोक खण्डमा पर्ने ११० किलोमिटर सडकमध्ये हालसम्म करिब ७३ किलोमिटर काल...

पाँचथर र ताप्लेजुङमा निर्माणाधीन दुई वटा पुल भाँचिए

२०८२ चैत्र ११

पाँचथर । पाँचथर र ताप्लेजुङमा निर्माणाधीन दुईवटा पुल भाँचिएका छन् । मंगलबार राति आएको बाढीले पाँचथरको याङ्बरक गाउँपालिका-२ स्थित मेवाखोला र ताप्लेजुङको नेरुवा खोलामा निर्माण भइरहेका पुल भाँचिएका हुन् । प्राविधिकहरूका अनुसार अचानक आएको बाढीले सपोर्ट कमजोर पारेपछि पुल भाँचिएका हुन् । पाँचथरस्थित मेवाखोलामा निर्माणाधीन ४० मिटर लामो पुलको करिब ९० प्रतिशत काम सम्पन्न भएको थियो । मध्यपहाडी लोकमार्ग ...

पाँचथरमा २५ सदस्यीय नेशनल भोलेन्टियर फोर्स गठन

२०८२ माघ २५

पाँचथर । राष्ट्रिय युवा संघ नेपाल जिल्ला कमिटी पाँचथरले २५ सदस्यीय नेशनल भोलेन्टियर फोर्स गठन गरेको छ । सबै स्थानीय पालिका तथा नगरपालिका समेटेर मणि कुमार लिङ्देन कमान्डर र अर्जुन राई सह-कमाण्डर रहनेगरी फोर्स गठन गरिएको हो । नेकपा एमाले पाँचथर जिल्ला कमिटी अध्यक्ष तथा जनसंगठन समन्वय संयन्त्रका अध्यक्ष विष्णु प्रसाद सापकोटा र एमाले पाँचथर जिल्ला कमिटीका उपाध्यक्ष वीरबहादुर कुरुम्बाङले नवगठित कमिट...

पाँचथरमा एमालेले बनायो ५ हजार ३९९ सदस्यीय निर्वाचन परिचालन समिति

२०८२ माघ ११

पाँचथर । पाँचथरमा नेकपा एमाले जिल्ला कमिटीको नवौँ विस्तारित बैठकबाट ५ हजार ३ सय ९९ सय निर्वाचन परिचालन समिति घोषणा गरिएको छ । जिल्ला, पालिका, वडा, टोल तथा जनवर्गीय सङ्गठनका पदाधिकारीहरूलाई समेट्दै निर्वाचन परिचालन समिति घोषणा गरिएको हो । समितिले आगामी फागुन २१ गते हुने प्रतिनिधि सभा निर्वाचनका लागि विशेष तयारी गर्नेछ । जिल्ला कमिटी अध्यक्ष विष्णु प्रसाद सापकोटाको अध्यक्षतामा भएको बैठकमा एमाले क...

पाँचथरमा गोरुले हान्दा एक जनाको मृत्यु

२०८२ मंसिर १०

पाँचथर । पाँचथरको फिदिम नगरपालिका-१४ सानो भालुखोपमा गोरुले हान्दा एक जनाको मृत्यु भएको छ । ज्यान गुमाउनेमा ६९ वर्षीय पदमवीर राई छन् । मंगलबार साँझ करिब ५ बजे आफैँले पालेको गोरुले बाँध्ने क्रममा राईलाई हानेको प्रहरीले जनाएको छ । गोरुले हानेपछि करिब १ सय ५० मिटर तल खसेका राईको घटनास्थलमै ज्यान गएको जिल्ला प्रहरी कार्यालय पाँचथरका प्रहरी नायब उपरीक्षक अनिशकुमार कर्णले जानकारी दिए । शव पोष्टमार्ट...

पाँचथर र इलाम सीमावर्ती गोरुवाले भन्ज्याङमा ट्याक्टर दुर्घटना हुँदा एकको मृत्यु

२०८२ कार्तिक ३०

विराटनगर । पाँचथर र इलामको सीमावर्ती क्षेत्र गोरुवाले भन्ज्याङ नजिकै ट्याक्टर दुर्घटना हुँदा एक जनाको मृत्यु भएको छ । दुर्घटनामा पाँचथरको फिदिम नगरपालिका-१४ घर भएका सोमबहादुर राईको मृत्यु भएको हो । इलामको माइमझुवाबाट नेपाली हाते कागज बनाउने लोक्ताको भारी लिएर पाँचथरको लुङरुपातर्फ जाँदै गरेको प्रदेश १-०२-००३ त ३४०२ नम्बरको ट्याक्टर शनिबार राति भीरबाट खस्दा राईको घटनास्थलमै मृत्यु भएको प्रहरीले ज...

पाँचथरमा चिर्पटले हानेर छोराले गरे बाबुको हत्या

२०८२ कार्तिक १७

पाँचथर । पाँचथरको हिलिहाङ गाउँपालिका-१ मा छोराले बाबुको हत्या गरेका छन् । आइतबार ३१ वर्षीय सन्देश राईले ६९ वर्षीय बुवा युवराज राईको हत्या गरेका हुन् । जिल्ला प्रहरी कार्यालय पाँचथरका प्रमुख डीएसपी अनिष कर्णका अनुसार युवराजको शव घर नजिकै करेसाबारीमा भेटिएको थियो । बाबुसँगै बसेर मदिरा सेवन गरेका उनले के विषयमा विवाद हुँदा चिर्पट प्रहार गरे भन्ने विषयमा अनुसन्धान भइरहेको कर्णको भनाइ छ । घटनाको ...

वर्षाका कारण तमोर करिडोर र मेची राजमार्ग अवरुद्ध

२०८२ कार्तिक १४

विराटनगर । चक्रवात ‘मोन्था’ को प्रभावले निरन्तर वर्षा हुँदा आएको बाढी र पहिरोका कारण तमोर करिडोर र मेची राजमार्ग अवरुद्ध भएका छन् । पाँचथर र धनकुटाको सिमानामा पर्ने नावा खोलामा बाढी आएपछि धरान, धनकुटा, मूलघाट हुँदै पाँचथर-ताप्लेजुङ जोड्ने तमोर करिडोर अवरुद्ध भएको प्रहरीले जनाएको छ । मेची राजमार्ग अन्तर्गत इलामको राजदुवाली क्षेत्रमा पनि बाटो बन्द रहेको प्रहरीले जनाएको छ । मोन्थाको प्रभावले कोश...

तेह्रथुममा बर्षाले क्षति पुगेको सडक श्रमदानबाट मर्मत

२०८२ कार्तिक १३

धनकुटा । तेह्रथुमको छथर गाउँपालिका-१ स्थित आङदिममा वर्षाले क्षति पुगेको सडक श्रमदानबाट मर्मत गरिएको छ । क्षतिग्रस्त सडकका कारण यातायातका साधन आवत-जावत ठप्प भएपछि स्थानीय युवाहरूले श्रमदानमार्फत सडक मर्मत गरेका हुन् । गाउँपालिका र वडा केन्द्र जोड्ने, गाउँदेखि मुख्य सडकसम्म जोडने भित्री सडक खण्डमा अविरल वर्षाले क्षति पुर्याएको थियो । जसका कारण स्थानीय कृषिजन्य उत्पादन बजार लैजान समस्या भएको थियो...

पाँचथरमा भरुवा बन्दुकले हानेर छोराको हत्या, बुबा पक्राउ

२०८२ कार्तिक १०

विराटनगर । पाँचथरको मिक्लाजुङ गाउँपालिका-८ भदौरेमा भरुवा बन्दुकले हानेर बुबाले आफ्नै छोराको हत्या गरेका छन् । आइतबार अपराह्‍न ५२ वर्षीय बखतसिंह सिंगकले १७ वर्षीय छोरा सफल सिंगकको हत्या गरेका हुन् । प्रहरीका अनुसार मादक पदार्थ सेवन गरेर घर पछाडिको बारीमा बखतसिंहले छोरालाई बरुवा बन्दुक प्रहार गरेका थिए । बरुवा बन्दुकले लागेर सफलको शरीरका विभिन्न भागमा चोट लागेको थियो । उनको घटनास्थलमै मृत्यु भएको...

पाँचथरमा मोटरसाइकल खोल्सामा खस्दा एक जनाको मृत्यु

२०८२ आश्विन २८

विराटनगर । पाँचथरको फिदिम नगरपालिका-१३ मा मोटरसाइकल दुर्घटना हुँदा एक जनाको मृत्यु भएको छ । दुर्घटनामा फिदिम नगरपालिका-१३ का ४२ वर्षीय हर्क राईको मृत्यु भएको हो । आज बिहान गाउँबाट दूध सङ्कलन गरेर डेरीतर्फ फर्कँदै गर्दा मोटरसाइकल स्थानीय सेतापानी खोल्सामा खसेको प्रहरीले जनाएको छ । पहिरोले क्षति भएर मर्मत भइनसकेको सडकबाट मोटरसाइकल दुर्घटना भएको प्रहरीको भनाइ छ ।

पाँचथरको दुथेनीमा पहिरो जाँदा फेमे खोला थुनियो

२०८२ आश्विन २८

विराटनगर । पाँचथरको फिदिम नगरपालिका-१२ स्थित दुथेनीमा पहिरो जाँदा फेमे खोला थुनिएको छ । सोमबार साँझ परेको पानीका कारण झरेको पहिरोले खोला थुनिएको हो । अहिले खोलाबाट पानी बग्न थालेपछी तत्कालका लागि जोखिम कम भएको पाँचथरका प्रमुख जिल्ला अधिकारी अरुण पोखरेलले जानकारी दिए । पुनः पानी परेको खण्डमा जोखिम हुनसक्ने भएकाले त्यस क्षेत्रका स्थानीयलाई सतर्कता अपनाउन आग्रह गरिएको छ । ‘अहिले खोलाको पानी बग्न ...

पाँचथरमा पाहा मार्न जाँदा खोलामा फसेका ४ जनाको सकुशल उद्धार

२०८२ भाद्र १२

पाँचथर । पाँचथरमा बाढीका कारण खोलामा फसेका चार जना मानिसको सकुशल उद्धार गरिएको छ । याङवरक गाउँपालिका-२ स्थित ईवा खोलामा अचानक आएको बाढीका कारण खोलाको बीच भागमा फसेका उनीहरूको उद्धार गरिएको हो । फिदिम नगरपालिका-४ का १९ वर्षीय प्रतीक तामाङ, २३ वर्षीय झल्ला सम्बाहाम्फे, २८ वर्षीय शेर बहादुर मगर र ताप्लेजुङ सिदिङवाका २२ वर्षीय सन्तोष पन्धाकको उद्दार गरिएको प्रहरीले जनाएको छ । प्रहरीका अनुसार भदौ १...

२० लाख ठगीको आरोपमा रंगेलीका पुरुष चितवनबाट पक्राउ

२०८२ भाद्र ०९

विराटनगर । मोरङको रंगेली नगरपालिका-४ घर भई चितवनको भरतपुर महानगरपालिका-४ त्रिचोकमा बस्दै आएका पुरुष पक्राउ परेका छन् । २० लाख रुपैयाँ ठगीको आरोपमा ४२ वर्षीय अमित महतो भन्ने कृष्ण मुर्मुलाई प्रहरीले पक्राउ गरेको हो । जिल्ला प्रहरी कार्यालय पाँचथरका अनुसार मुर्मुले नवलपरासी घर भएका जोगबहादुर थारू र बच्चू गुरुङलाई ठगेका थिए । उनले नवलपरासी घर भएका जोगबहादुर थारू र बच्चू गुरुङसँगको मिलेमतोमा साझ...

पाँचथरमा बाढी र पहिरोका कारण ६ वटा सडक अवरुद्व

२०८२ साउन २९

विराटनगर । पाँचथरमा अविरल वर्षासँगै आएको बाढी र पहिरोका कारण ६ वटा सडक अवरुद्ध भएका छन् । पाँचथरबाट विभिन्न स्थानलाई जोड्ने मुख्य सडकसहित भित्री सडक खण्ड अवरुद्ध भएका छन् । बाढीले डाइभर्सनमा क्षति पुऱ्याउँदा मेची राजमार्गको पाँचथर खण्ड, फिदिम फालोट सडक खण्ड र फालेलुङ-५ लुदिनटारको भित्रि सडक खण्ड अवरुद्ध भएको जिल्ला प्रहरी कार्यालय पाँचथरका सूचना अधिकारी रूपेश तामाङले जानकारी दिए । यस्तै पहिरो...

पाँचथरमा विद्यालय हिँडेका दाजु-बहिनी पाँच दिनपछि मृत फेला

२०८२ साउन २०

पाँचथर । पाँचथरको याङवरक गाउँपालिका-१ को बिरुवा खोलामा दाजु-बहिनी मृत फेला परेका छन् । पाँच दिनदेखि हराइरहेका बिर्खबहादुर राईका १० वर्षीय छोरा शिशिर राई र ५ वर्षीया छोरी नानुमा भन्ने नुमा राई आज बिहान मृत फेला परेका हुन् । जिल्ला प्रहरी कार्यालय पाँचथरका सूचना अधिकारी रूपेश तामाङका अनुसार विद्यालय जान भनेर हिँडेका उनीहरू साउन १५ गतेबाट बेपत्ता भएका थिए । उनीहरूको खोजी भइरहेकोमा आज बिहान करिब ९...

पाँचथरमा ससुराली पुगेर श्रीमतीको हत्या, आरोपी पक्राउ

२०८२ साउन १६

विराटनगर । पाँचथरमा घरायसी विवादका क्रममा श्रीमानले श्रीमतीको हत्या गरेका छन् । फालेलुङ गाउँपालिका-७ आहाले घर भएका २७ वर्षीय महेन्द्र तामाङले २२ वर्षीया श्रीमती अनु राईको हत्या गरेका हुन् । प्रहरीका अनुसार घटना फिदिम नगरपालिका-१ नाम्दुमा बिहीबार राति करिब १० बजे भएको हो । विवादका क्रममा तामाङले श्रीमतीको टाउकोमा कोदालोको पासोले हानेको खुलेको प्रहरीले जनाएको छ । कोदालोको पासो प्रहारबाट गम्भीर घ...

पाँचथरमा बाँदरबाट मकै जोगाउन कर्मचारी नियुक्त

२०८२ साउन १५

विराटनगर । कृषकहरूले समयमै मलखाद र उन्नत जातको बीउ नपाउने समस्या त छँदैछ । सिँचाइको सुविधा नहुँदा आकाशे पानीको भर पर्नुपर्ने अर्को बाध्यता छ । त्यतिमात्र होइन, जसोतसो बाली लगाएपनि त्यसलाई जङ्गली जनवारबाट कसरी जोगाउने भन्ने अर्को चिन्ता पनि छ । यसैलाई मध्यनजर गर्दै पाँचथरको कुम्मायक गाउँपालिका वडा नम्बर १ ले ९ जना बाँदर हेरालु नियुक्त गरेको छ । वडाले मकैको घोगा लाग्न सुरु गरेदेखि भाँच्ने बेलासम...

मेची राजमार्ग अन्तरगत हेवाखोला डाइभर्सन सञ्चालन

२०८२ साउन ०९

पाँचथर । पाँचथरको हेवा खोलामा ५ दिनपछि डाइभर्सन सञ्चालनमा आएको छ । गत शनिबार राति आएको बाढीले क्षति पुर्याएको डाइभर्सन बिहीबार साँझबाट सञ्चालनमा आएको हो । मेची राजमार्ग अन्तर्गतको हेवा खोला डाइभर्सन मर्मत गरेसँगै यातायात र ढुवानीका साधन वारपार हुन थालेका छन् । सडक डिभिजन इलामले खोलामा पानीको मात्रा घटेसँगै डाइभर्सन मर्मत गरी सडक खुलाएको हो । डाइभर्सनबाट दुईपाङ्ग्रे, तीनपाङ्ग्रे र सबैखाले हलुक...

हेवा खोलामा पानीको सतह बढ्दा मेची राजमार्ग अवरुद्ध

२०८२ साउन ०४

विराटनगर । पाँचथरको हेवा खोलामा पानीको सतह बढेपछि मेची राजमार्ग अवरुद्ध भएको छ । पाँचथरको फिदिम नगरपालिका-४ र हिलिहाङ गाउँपालिका-७ जोड्ने हेवाखोलामा पानीको सतह बढेपछि सवारीसाधन आवत-जावत ठप्प भएको हो । ‘पानीको सतह क्रमशः घट्दै छ । पानीको बहाव पूर्णरूपमा घटेको छैन’, पाँचथरका प्रहरी प्रवक्ता रूपेश तामाङले संगालोखबरसँग भने, ‘क्षति भएको ठाउँमा जेसीबीको माध्यमबाट मर्मत गर्ने काम भइरहेको छ । तर सवारीस...

पाँचथरमा सेफ्टी ट्याङ्कीमा बेहोस भएका तीन जनामध्ये एकको मृत्यु

२०८२ साउन ०१

पाँचथर । पाँचथरको फाल्गुनन्द गाउँपालिका-५ घुर्बिसेमा निर्माणाधीन सेफ्टी ट्याङ्कीमा काम गर्ने क्रममा एक मजदुरको मृत्यु भएको छ । प्रहरीका अनुसार बेहोस भएका तीन जनामध्ये फाल्गुनन्द गाउँपालिका-५ का ३८ वर्षीय रत्न चेम्जोङको मृत्यु भएको हो । सोही ठाउँका २४ वर्षीय भीष्म चेम्जोङ र ४० वर्षीय बिरू चेम्जोङ बेहोस छन् । उनीहरूको झापास्थित बिर्तासिटी अस्पतालमा उपचार भइरहेको जिल्ला प्रहरी कार्यालय पाँचथरका सू...

पाँचथरमा २१ वर्षीय युवतीलाई बलात्कार गरेको आरोपमा पाँच जना पक्राउ

२०८२ आषाढ ३०

विराटनगर । पाँचथरको फिदिममा २१ वर्षीया युवतीलाई जबरजस्ती करणी गरेको आरोपमा पाँच जना पक्राउ परेका छन् । पक्राउ पर्नेमा झापाका २१ वर्षीय विवश खड्का, २६ वर्षीय अंकित शर्मा, पाँचथरका २१ वर्षीय अनिष योङहाङ, २४ वर्षीय सञ्जय तामाङ र २३ वर्षीय उमेश तामाङ छन् । आइतबार बिहान ४ बजे फिदिम नगरपालिका-१ स्थित बाटिका होटलमा आफूमाथि सामूहिक करणी भएको भन्दै युवतीले प्रहरीमा जाहेरी दिएकी थिइन् । सोही आधारमा उनी...