संगालोखबर Archives - Page 27 of 142

झापामा दुर्घटनामा परेर घाइते भएका व्यक्तिको सुनको सिक्री चोरी, दुई जना पक्राउ

२०८२ भाद्र ०३

झापा । झापामा दुर्घटनामा परेर घाइते भएका व्यक्तिको सुनको सिक्री चोरी भएको छ । शिवसताक्षी नगरपालिका-८ स्थित झिलझिले बजारमा स्कुटर दुर्घटनामा परेर घाइते भएका व्यक्तिको सिक्री चोरेको आरोपमा दुई जनालाई प्रहरीले पक्राउ गरेको छ । प्रहरीले चोरीमा संलग्न शिवसताक्षी-८ का २८ वर्षीय सुरज हलुवाई र २६ वर्षीय गोबिन हाङ लिम्बूलाई पक्राउ गरेको छ । गत साउन २९ गते कमल गाउँपालिका-६ का ३० वर्षीय मनोज लिम्बू दोमुखा...

सुनको मूल्य तोलामा १२ सय रुपैयाँ घट्यो, कतिमा हुँदैछ कारोबार ?

२०८२ भाद्र ०३

विराटनगर । आज नेपाली बजारमा सुनको मूल्य घटेको छ । नेपाल सुनचाँदी व्यवसायी महासङ्घका अनुसार आज सुनको मूल्य प्रतितोला एक हजार दुई सय रुपैयाँले घटेको हो । आज सुन प्रतितोला एक लाख ९५ हजार एक सय रुपैयाँमा कारोबार भइरहेको महासङ्घले जनाएको छ । सोमबार सुन प्रतितोला एक लाख ९६ हजार तीन सय रुपैयाँमा कारोबार भएको थियो । आज चाँदीको मूल्य पनि घटेको महासङ्घले जनाएको छ । महासङ्घका अनुसार आज चाँदी तोलामा १५ रु...

उदयपुरका कमल चौधरीको कोरियामा मृत्यु

२०८२ भाद्र ०३

विराटनगर । रोजगारीका लागि दक्षिण कोरिया पुगेका उदयपुरको चौदण्डीगढी-५ बेल्हाका कमल चौधरीको मृत्यु भएको छ । डेढ महिनादेखि कोरियाको बुसानस्थित अस्पतालमा अचेत अवस्थामा रहेको चौधरीको मृत्यु भएको हो । एक्कासि ढलेर अचेत बनेका उनको उपचारकै क्रममा मृत्यु भएको जनाइएको छ । उनी के कारणले अचेत भए भन्ने खुल्न सकेको छैन । उनले अचेत हुनभन्दा एक महिना अगाडि काम गर्दै आएको कम्पनी छाडेर काम खोजिरहेको बुझिएको छ । ...

आज कोशी र बागमती प्रदेशका केही स्थानमा भारी वर्षाको सम्भावना

२०८२ भाद्र ०३

विराटनगर । आज देशभर साधारणतया बदली रहने छ । कोशी, बागमती, गण्डकी, लुम्बिनी, कर्णाली र सुदूरपश्चिम प्रदेशका पहाड र तराईका केही स्थानहरूमा र मधेश प्रदेशको तराईका एक/दुई स्थानमा मध्यम वर्षाको सम्भावना रहेको छ । जल तथा मौसम विज्ञान विभाग मौसम पूर्वानुमान महाशाखाका अनुसार आज दिउँसो कोशी र बागमती प्रदेशका पहाडी भू-भागका एक/दुई स्थानमा भारी वर्षाको सम्भावना छ । आज राति कोशी र गण्डकी प्रदेश लगायत बाँ...

पार्टीको विधान र प्रक्रिया अनुसार सदस्यता नवीकरण भइसकेको छ : पूर्वराष्ट्रपति भण्डारी

२०८२ भाद्र ०२

विराटनगर । पूर्वराष्ट्रपति विद्यादेवी भण्डारीले पार्टीको विधान र प्रक्रिया अनुसार आफ्नो सदस्यता नवीकरण भइसकेको जिकिर गरेकी छन् । आज विराटनगर विमानस्थलमा सञ्चारकर्मीहरूसँगको कुराकानीमा उनले राष्ट्रपतिको कार्यकाल सकिएपछि आफूले विधिवत रूपमा सदस्यता नवीकरण गरेको बताएकी हुन् । उनले आफूलाई गुट चलाउन नआउने भन्दै त्यसको प्रतिवाद गरेकी छन् । आफू एमालेको सङ्गठित सदस्य र कार्यकर्ता नै रहेको बताउँदै उनले ...

धनकुटाबाट लागूऔषधसहित एक जना पक्राउ

२०८२ भाद्र ०२

धनकुटा । धनकुटाबाट लागूऔषधसहित एक जना पक्राउ परेका छन् । पक्राउ पर्नेमा सहिदभूमि गाउँपालिका-६ का २७ वर्षीय अशोक राई छन् । धनकुटा नगरपालिका-१० उत्तरपानीमा डेरा गरेर बस्दै आएका राईको कोठामा खानतलासी गर्दा लागूऔषध र प्रतिबन्धित औषधी फेला परेको प्रहरीले जनाएको छ । धनकुटा प्रहरीका अनुसार उनको कोठाबाट ट्रामोल ६ सय १० पिस, प्रतिबन्धित औषधिहरू डेकोलिक पाँच सय ९० पिस, स्पास्पेन ६० पिस, स्पाज्मो ९४ प...

३६ हजार साउदी रियालसहित सप्तरीबाट एक जना पक्राउ

२०८२ भाद्र ०२

सप्तरी । सप्तरीको राजविराज विमानस्थलबाट साउदी रियालसहित एक जना पक्राउ परेका छन् । पक्राउ पर्नेमा सप्तरीको खडक नगरपालिका-११ का ३३ वर्षीय मोहमद खुर्सिद आलम रहेका छन् । सप्तरी प्रहरीका अनुसार बुद्ध एयरको जहाजबाट काठमाडौं जान लागेका आलमलाई विमानस्थलमा खटिएको प्रहरीले चेकजाँच गर्दा स्रोत नखुलेको साउदी रियाल ३५ हजार नौ सय ७६ बरामद गरेको हो । उनले रकमको श्रोत खुलाउन नसकेपछि पक्राउ गरेर आवश्यक कानुन...

कोशीमा पहिलो पटक प्रदेश राजस्व कार्यालय स्थापना

२०८२ भाद्र ०२

विराटनगर । कोशी प्रदेश सरकारले पहिलोपटक प्रदेश राजस्व कार्यालय स्थापना गरेको छ । प्रदेशको राजस्व संकलनमा सहजीकरण गर्ने उद्देश्यले कार्यालय खोलिएको हो । प्रदेशको क्षेत्राधिकार क्षेत्रभित्र पर्ने विषयमा आवश्यक सहजीकरण गर्न र प्रदेशको राजस्वलाई वृद्धि गर्नको लागि आजदेखि सञ्चालनमा ल्याइएको हो । सुनसरीको इटहरीमा स्थापना गरिएको प्रदेश राजस्व कार्यालयको आर्थिक मामिला तथा योजनामन्त्री रामबहादुर राना ...

धरानमा स्कुटरको ठक्करबाट पैदलयात्रीको मृत्यु

२०८२ भाद्र ०२

विराटनगर । सुनसरीको धरानमा स्कुटरले ठक्कर दिँदा पैदलयात्रीको मृत्यु भएको छ । दुर्घटनामा धरान-१ की ५८ वर्षीया सरिता बिकको मृत्यु भएको हो । आइतबार दिउँसो ३ः४० बजे धरान-१ पुरानो बजार स्थित भित्री सडक खण्डमा उत्तरबाट दक्षिणतर्फ आउँदै गरेको बागमती प्रदेश ०२-०१८ प ६५२४ नम्बरको स्कुटरले बिकलाई ठक्कर दिएको थियो । स्कुटरको ठक्करबाट गम्भीर घाइते भएकी बिकको विराट नर्सिङ होम विराटनगरमा साँझ ७ः३० बजे उपच...

उर्लाबारीमा कारबाट लागूऔषध बरामद, तीन जना पक्राउ

२०८२ भाद्र ०२

विराटनगर । मोरङको उर्लाबारी-९ बाट कारमा ल्याइँदै गरेको अवस्थामा ठूलो मात्रामा लागूऔषध बरामद भएको छ । लागूऔषध बरामद भएसँगै प्रहरीले तीन जनालाई नियन्त्रणमा लिएको छ । प्रहरीका अनुसार झापाको दमक नगरपालिका-४ का ४३ वर्षीय केदार ओझा, मोरङको उर्लाबारी नगरपालिका-४ की २२ वर्षीया एन्जिला दाहाल र उर्लाबारी-७ का ३२ वर्षीय सुजन सेन्दाङ पक्राउ परेका हुन् । गोप्य सूचनाका आधारमा खटिएको प्रहरी टोलीले उनीहरूलाई आ...

रथयात्रामा शंकास्पद र अवाञ्छित गतिविधि गर्ने ५७ जना प्रहरीको नियन्त्रणमा

२०८२ भाद्र ०२

विराटनगर । ऐतिहासिक राधाकृष्ण रथयात्राका क्रममा प्रहरीले ५७ जनालाई नियन्त्रणमा लिएको छ । आइतबार विराटनगरमा निकालिएको रथयात्रामा मौका छोपेर शंकास्पद र अवाञ्छित गतिविधि गर्नेहरूलाई प्रहरीले नियन्त्रणमा लिएको हो । नियन्त्रणमा लिइएका मध्ये ४ जना महिला र ५३ जना पुरुष रहेका मोरङका प्रहरी प्रवक्ता डीएसपी कोपिला चुडालले जानकारी दिइन् । ४ जना महिलालाई भने आइतबार राति नै छाडिएको छ भने पुरुषहरूका विषयमा प...

विकास निर्माणका काममा जिल्लावासी सबैको सहयोग हुनुपर्छ : योगेश भट्टराई

२०८२ भाद्र ०१

ताप्लेजुङ । नेकपा एमालेका केन्द्रीय सचिव तथा प्रतिनिधि सभा सदस्य योगेश कुमार भट्टराईले निजी क्षेत्रले गरिरहेको विकासमा अवरोध पुर्याउन नहुने बताएका छन् । आज प्रेस चौतारी नेपाल ताप्लेजुङले सदरमुकाम फुङ्लिङमा आयोजना गरेको पत्रकार भेटघाट कार्यक्रममा बोल्दै भट्टराईले यस्तो बताएका हुन् । उनले विकास निर्माणका काममा जिल्लावासी सबैको साथ सहयोग हुनुपर्ने बताए । विकासका गतिविधिहरूले पहिचानको विषयमा खेलबा...

सुनसरीको धरानबाट ७२ किलो गाँजासहित पाँच जना पक्राउ

२०८२ भाद्र ०१

सुनसरी । सुनसरीको धरान उपमहानगरपालिका-२० ओशो पार्कस्थित जंगलबाट ७२ किलो गाँजासहित पाँच जना पक्राउ परेका छन् । आज बिहान ८ बजे अस्थायी प्रहरी चौकी अमरहाटबाट खटिएको प्रहरी टोलीले उनीहरूलाई गाँजासहित नियन्त्रणमा लिएको हो । पक्राउ पर्नेमा धरान-२० का ३० वर्षीय रूपेश राई, २० वर्षीय मिलन राई, २५ वर्षीय रंजित राई, धनकुटाको सहिदभूमि गाउँपालिका–३ घर भई इटहरी-१० बस्दै आएका ३४ वर्षीय प्रदिप राई र धरान-१३ का...

खोलाले मोटरसाइकल बगाउँदा बेपत्ता धरानकी अनिताको शव तीन दिनपछि फेला

२०८२ भाद्र ०१

सुनसरी । सुनसरीको बराहक्षेत्र-१ को दुध खोलाले मोटरसाइकलसहित बगाउँदा बेपत्ता भएकी धरान-१६ की १९ वर्षीया अनिता राईको शव फेला परेको छ । उनको शव आज बिहान बराहक्षेत्र नगरपालिका-९ राजाबासस्थित सप्तकोसी नदी किनारमा फेला परेको हो । गत शुक्रबार मदन भण्डारी राजमार्गको दुध खोलाले बुबा-छोरीलाई बगाएको थियो । स्थानीय र प्रहरीको सहयोगमा बुवा जीवन राईलाई जीवितै उद्धार गरिए पनि अनिता भने बेपत्ता भएकी थिइन् । उ...

रथयात्रामा सादा पोशाकसहितका एक हजार बढी सुरक्षाकर्मी परिचालन

२०८२ भाद्र ०१

विराटनगर । विराटनगरमा आज ५८ औं संस्करणको राधाकृष्ण रथयात्रा निकालिँदैछ । दक्षिण एसियाकै दोस्रो ठूलो दाबी गरिएको रथयात्रामा नेपालसहित भारतबाट पनि हजारौंको संख्यामा भक्तजनहरू आउँछन् । रथयात्रालाई व्यवस्थित र मर्यादित बनाउन सुरक्षा व्यवस्था कडा पारिएको छ । रथयात्राका क्रममा चोरी तथा उच्छृङ्खल गतिविधि हुने सम्भावना बढी भएकाले त्यस गतिविधिमा संलग्नलाई तत्कालै नियन्त्रणमा लिन ठूलो संख्यामा सुरक्षाकर्...

रथयात्राको पूर्वसन्ध्यामा विराटनगरमा वर्षा

२०८२ भाद्र ०१

विराटनगर । विराटनगरमा रथयात्राको पूर्वसन्ध्यामा सामान्य वर्षा भएको छ । विराटनगरमा आज दिउँसो ३ बजे ऐतिहासिक रथयात्रा निकालिँदैछ । रथयात्रा अवलोकन गर्न आउने भक्तजनहरू अत्यधिक गर्मीका कारण बेहोस हुने लगायतका समस्या हुनेगरेकोमा वर्षा भएसँगै राहत मिल्ने अनुमान छ । अहिले विराटनगरमा वर्षा भइरहेको छ । तीनपैनी स्थित राधाकृष्ण मन्दिर परिसरबाट निकालिने रथयात्राले नगरका विभिन्न भागको परिक्रमा गर्दै पुनः म...

रथयात्रा धार्मिक, सांस्कृतिक र ऐतिहासिक गौरवको प्रतीक हो : मुख्यमन्त्री कार्की

२०८२ भाद्र ०१

विराटनगर । कोशी प्रदेशका मुख्यमन्त्री हिक्मत कुमार कार्कीले विराटनगरमा हुने ऐतिहासिक रथयात्रा प्रदेशको धार्मिक, सांस्कृतिक र ऐतिहासिक गौरवको प्रतीक भएको बताएका छन् । रथयात्राको अवसरमा आज शुभकामना सन्देश जारी गर्दै मुख्यमन्त्री कार्कीले यस पर्वले प्रदेशको गौरव बढाउनुका साथै सामाजिक एकता, सहिष्णुता र साझा संस्कृतिको उदाहरण प्रस्तुत गरेको उल्लेख गरेका छन् । ‘कोशी प्रदेश विविधतायुक्त प्रदेश हो । य...

मोरङको मिक्लाजुङमा मोटरसाइकल रुखमा ठोक्किँदा चालकको मृत्यु

२०८२ भाद्र ०१

विराटनगर । मोरङको मिक्लाजुङ गाउँपालिका-३ टाँडी-रमिते भित्री सडक खण्डमा मोटरसाइकल दुर्घटना हुँदा एक जनाको मृत्यु भएको छ । मृत्यु हुनेमा मोटरसाइकल चालक उर्लाबारी नगरपालिका-४ का १७ वर्षीय आरब डाँगी छन् । दुर्घटनामा गम्भीर घाइते भएका उनलाई उपचारका लागि अरनीको अस्पताल उर्लाबारी लगिएकोमा चिकित्सकले मृत घोषणा गरेका थिए । दुर्घटनामा मोटरसाइकल पछाडि सवार सोही स्थानका १७ वर्षीय अनुप थापा घाइते भएका छन् ।...

आज विराटनगरमा राधाकृष्ण रथयात्रा निकालिँदै

२०८२ भाद्र ०१

विराटनगर । श्रीकृष्ण जन्माष्टमीको भोलिपल्ट निकालिने राधाकृष्ण रथयात्रा आज विराटनगरमा निकालिँदैछ । तीनपैनीस्थित राधाकृष्ण मन्दिर परिसरबाट दिउँसो ३ः३० बजे निकालिने रथले नगरको ९ किलोमिटर यात्रा तय गर्नेछ । विराटनगरको पहिचानसँग जोडिएको रथयात्रा नेपालसहित भारतका हजारौं भक्तजनहरू सहभागी हुन्छन् । यसपटक विगतका वर्षहरूको तुलनामा भक्तजनको संख्या बढ्ने रथयात्रा मूल समारोह समितिले जनाएको छ । ५८ औं संस्कर...

धनकुटामा रक्तदान, २७ पिन्ट रगत संकलन

२०८२ साउन ३१

धनकुटा । नेपाल विद्युत प्राधिकरण धनकुटा वितरण केन्द्रले रक्तदान कार्यक्रम आयोजना गरेको छ । प्राधिकरणको ४० औं स्थापन दिवसको अवसरमा रक्तदान गरिएको हो । ‘विद्युत दुर्घटनाबाट बच्न सचेत रहौं, समृद्धिको लागि विद्युतको सदुपयोग गरौं’ भन्ने मुल नाराका साथ गरिएको रक्तदानमा २७ पिन्ट रगत संकलन भएको छ । प्राधिकरणका कर्मचारी तथा अन्य व्यक्तिहरूले रक्तदान गरेका कर्मचारी हेमचन्द्र थापाले बताए । रक्तदानका लागि...

विराट आँखा अस्पतालमा सामाजिक सुरक्षा कोष सेवा कक्ष

२०८२ साउन ३१

विराटनगर । विराटनगरको विराट आँखा अस्पतालमा सामाजिक सुरक्षा कोष सेवा कक्ष स्थापना गरिएको छ । अस्पतालभित्र स्थापना गरिएको सेवा कक्षको आज कोशी प्रदेश सभा सदस्य भीम पराजुलीले उद्‌घाटन गरेका छन् । श्रमिक तथा निजी क्षेत्रका कामदारहरूलाई लक्षित गर्दै सामाजिक सुरक्षा कोष कक्ष स्थापना गरिएको अस्पतालले जनाएको छ । कार्यक्रममा बोल्दै सांसद पराजुलीले यसबाट श्रमिकहरूलाई ठूलो राहत मिल्ने बताए । उनले विराटनगर...

राधाकृष्णको नयाँ रथ मेयर कोइरालाद्वारा उद्‌घाटन

२०८२ साउन ३१

विराटनगर । श्रीकृष्ण जन्माष्टमीको अवसर पारेर राधाकृष्णको नयाँ रथ विराटनगर महानगरपालिकाका मेयर नागेश कोइरालाले उद्‌घाटन गरेका छन् । विराटनगर-१ स्थित राधाकृष्ण मन्दिर परिसरमा आज बिहान आयोजित कार्यक्रममा मेयर कोइरालाले नयाँ रथको पूजा गरी उद्‌घाटन गरेका हुन् । सो अवसरमा मेयर कोइरालाले राधाकृष्ण रथयात्रासँग सम्बन्धित म्युजिक भिडियोको विमोचन पनि गरेका छन् । विराटनगर महानगरपालिकाको ४४ लाख ७८ हजार लाग...

झुम्का कारागारबाट पर्खाल नाघेर भागेका कैदी बिर्तामोडबाट पक्राउ

२०८२ साउन ३१

विराटनगर । सुनसरीको झुम्का कारागारबाट पर्खाल नाघेर भागेका कैदी झापाको बिर्तामोड नगरपालिका-१० विराट पोखरी नजिकबाट पक्राउ परेका छन् । साउन २८ गते कारागारको पर्खाल नाघेर भागेका खोटाङको दिप्रुङ चुइचुम्मा गाउँपालिका-२ का २८ वर्षीय रूपक पौडेल खत्री आज बिहान पक्राउ परेका हुन् । जबर्जस्ती करणी मुद्दाका कैद भुक्तान गरिरहेका पौडेललाई सुनसरी जिल्ला अदालतले जबर्जस्ती करणी मुद्दामा पौडेललाई १३ वर्ष कैद र ५...

मोरङको बुढीगंगामा मोटरसाइकल दुर्घटना हुँदा दुई जनाको मृत्यु

२०८२ साउन ३१

विराटनगर । मोरङको बुढीगंगा गाउँपालिकामा मोटरसाइकल दुर्घटना हुँदा दुई जनाको मृत्यु भएको छ । शुक्रबार राति फरक-फरक स्थानमा भएको दुर्घटनामा दुई जनाको मृत्यु भएको हो । दुर्घटनामा एक जना गम्भीर घाइते भएका छन् । प्रहरीका अनुसार बुढीगंगा-२ अमाही बोक्ला टोलस्थित भित्री सडकखण्डमा राति १०ः१५ बजेतिर भएको दुर्घटनामा बुढीगंगा-२ कै २५ वर्षीय विकासकुमार भगतको मृत्यु भएको हो । नेमुवाबाट अमाहीतर्फ जाँदै गरेको ...

कुवेतमा तीन दिनमा ९ नेपालीको मृत्यु

२०८२ साउन ३०

विराटनगर । कुवेतमा तीन दिनमा ९ नेपालीको मृत्यु भएको छ । विषाक्त मदिरा सेवन गरेका कारण उनीहरूको मृत्यु भएको भनिएपनि यकिन कारण खुल्न बाँकी छ । केहीलाई डिस्चार्ज गरिएको छ भने केहीको उपचार भइरहेको नेपाली राजदूतावासलाई कुवेतस्थित अस्पतालले जानकारी दिएको छ । दुतावासका अनुसार मृत्यु हुनेहरूको विवरण सङ्कलन हुँदैछ । मेडिकल रिपोर्ट आएपछि मात्रै मृत्युको यकिन कारण खुल्ने जनाइएको छ । मेथानोल मदिराका कारण ...

भोजपुरमा घरेलु उद्योग दर्ता बर्सेनि घट्दै

२०८२ साउन ३०

भोजपुर । भोजपुरमा घरेलु उद्योग दर्ताको सङ्ख्या वर्षेनी घट्दै गएको छ । घरेलु उद्योग कार्यालयका अनुसार बर्सेनि घरेलु तथा साना उद्योग दर्ता घटेको हो । आर्थिक वर्ष २०७७/०७८ मा पाँच सय ९१ वटा उद्योग दर्ता भएकामा गत आर्थिक वर्षको असार मसान्तसम्म एक सय १० वटा मात्र उद्योग दर्ता भएका छन् । उद्योग दर्ता बर्सेनि घट्दो र खारेजीको सङ्ख्या बढ्दो क्रममा रहेको कार्यालयको भनाइ छ । कार्यालयको तथ्याङ्क अनुसार आ...

सुनसरीबाट नक्कली ‘व्याकुल माइला’ पक्राउ

२०८२ साउन ३०

विराटनगर । सुनसरीबाट नक्कली ‘व्याकुल माइला’ पक्राउ परेका छन् । पक्राउ पर्नेमा उदयपुरको चौदण्डीगढी नगरपालिका-२ का ६० वर्षीय मिलन कुमार राई छन् । बिहीबार दिउँसो इटहरी उपमहानगरपालिका-६ बाट उनलाई पक्राउ गरिएको सुनसरीका प्रहरी प्रवक्ता डीएसपी योगराज खतिवडाले जानकारी दिए । राष्ट्रिय गीत ‘सयौं थुङ्गा फूलका हामी...’ का असली सर्जक प्रदीपकुमार राई ‘व्याकुल माइला’ को नाममा ठगी गर्दै हिँडेको पाइएपछि उनलाई...

मोरङको पथरीमा ट्रकको ठक्करबाट महिलाको मृत्यु

२०८२ साउन ३०

विराटनगर । मोरङको पथरी शनिश्चरे नगरपालिका-१ गोरखा डिपार्टमेन्ट अगाडि ट्रकले ठक्कर दिँदा पैदलयात्री महिलाको मृत्यु भएको छ । बिहीबार साँझ करिब ७ः१० बजे उर्लाबारीबाट बेलबारीतर्फ आउँदै गरेको को १ क ९७५१ नम्बरको ट्रकको ठक्करबाट महिलाको मृत्यु भएको हो । अन्दाजी ३० वर्षीया मृतक महिलाको पहिचान खुल्न बाँकी रहेको प्रहरीले जनाएको छ । प्रहरीका अनुसार ट्रकको ठक्करबाट गम्भीर घाइते भएकी महिलालाई उपचारका लागि...

प्याब्सनका पूर्व केन्द्रीय अध्यक्ष पुरी ‘प्याब्सन रत्न’द्वारा सम्मानित

२०८२ साउन २९

विराटनगर । निजी तथा आवासीय विद्यालय अर्गनाइजेसन (प्याब्सन) का पूर्व अध्यक्ष टिकाराम पुरी ‘प्याब्सन रत्न’बाट सम्मानित भएका छन् । बुधबार काठमाडौंमा भएको एक कार्यक्रममा शिक्षा, विज्ञान तथा प्रविधि मन्त्री रघुजी पन्तले पुरीलाई सम्मान गरेका हुन् । विराटनगर-५ स्थित एभरेष्ट सेकेन्डरी स्कुलका सञ्चालक तथा प्रिन्सिपल पुरीलाई शैक्षिक तथा सामाजिक क्षेत्रमा अतुलनीय योगदान पुर्याएको भन्दै सम्मान गरिएको हो । ...

बाल संगठनलाई पुनर्जीवित गराउनुपर्छ : मुख्यमन्त्री कार्की

२०८२ साउन २९

विराटनगर । कोशी प्रदेशका मुख्यमन्त्री हिक्मत कुमार कार्कीले नेपाल बाल संगठनलाई पुनर्जीवित गर्नुपर्ने बताएका छन् । आज विराटनगरमा नेपाल बाल संगठनले आयोजना गरेको कोशी प्रदेश स्तरीय भेला तथा प्रशिक्षण कार्यक्रमलाई सम्बोधन गर्दै उनले यस्तो बताएका हुन् । मुख्यमन्त्री कार्कीले बाल संगठनलाई नयाँ ढङ्गले पुनर्जीवित गरेर अगाडि बढाउन सके बालबालिकाको क्षेत्रमा उल्लेख्य उपलब्धि हासिल गर्न सकिने बताए । उनले न...

विराटनगरकी शान्तिदेवीले पाइन् ८९ वर्षको उमेरमा नागरिकता

२०८२ साउन २९

विराटनगर । विराटनगरकी एक वृद्धाले ८९ वर्षको उमेरमा नागरिकता पाएकी छिन् । विराटनगर महानगरपालिका-८ स्वागत चोककी शान्तिदेवी शर्माले ८९ वर्षमा नागरिकता पाएकी हुन् । शान्तिदेवीले नागरिकता पाएपछि उनका ३ छोरा र बुहारीहरूले पनि नागरिकता पाएका छन् । श्रीमान योगी शर्माको १७ वर्षअघि निधन भएपछि उनलाई नागरिकता बनाउन समस्या भएको थियो । नागरिकता पाएपछि उनलाई वृद्धभत्ता लिन सहज भएको वडाध्यक्ष राम पोखरेलले बता...