सुनचाँदीको मूल्य घट्यो, आज कतिमा हुँदैछ कारोबार ?

विराटनगर । नेपाली बजारमा आज पनि सुनको मूल्य घटेको छ । नेपाल सुनचाँदी व्यवसायी महासङ्घका अनुसार आज सुनको मूल्य तोलामा दुई हजार दुई सय रुपैयाँ घटेको हो ।

आज सुनको मूल्य प्रतितोला तीन लाख सात हजार सात सय रुपैयाँ कायम भएको छ । मंगलबार सुन प्रतितोला तीन लाख नौ हजार नौ सय रुपैयाँमा कारोबार भएको थियो ।

आज चाँदीको मूल्य पनि घटेको छ । आज चाँदी प्रतितोला एक सय ८५ रुपैयाँ घटेर पाँच हजार एक सय ५० रुपैयाँ कायम भएको छ । मंगलबार चाँदी प्रतितोला पाँच हजार तीन सय ३५ रुपैयाँमा कारोबार भएको थियो ।