संगालोखबर Archives - Page 102 of 139

एमाले उपाध्यक्ष बराल धनकुटा आउँदै

२०८१ भाद्र ०२

धनकुटा । नेकपा एमालेका उपाध्यक्ष गुरु बराल भोलि धनकुटा आउने भएका छन् । एमाले धनकुटाले आयोजना गरेको वृहत् पार्टी प्रवेश कार्यक्रमका लागि उनी धनकुटा आउन लागेका हुन् । एमाले जिल्ला कमिटी धनकुटाको तेस्रो पूर्ण बैठक बिहान ८ बजे श्रीवानीस्थित पार्टी कार्यालयमा हुने जनाइएको छ । त्यसपछि दिउँसो ११ बजे सामुदायिक भवनमा पार्टी प्रवेशको वृहत कार्यक्रम हुने एमाले धनकुटाका प्रचार तथा प्रकाशन विभाग प्रमुख रबिन...

सहकारीको ऋण बेलैमा चुक्ता नगरे कारबाहीः धनकुटा नगरपालिका

२०८१ भाद्र ०२

धनकुटा । धनकुटा नगरपालिकाले सहकारी संस्थाका ऋणी सदस्यहरूलाई ऋण चुक्ता गर्न आग्रह गरेको छ । ३५ दिने सूचना जारी गर्दै नगरपालिकाले तोकिएको समयमा ऋण चुक्ता नगरे सहकारी ऐनअनुसार कारबाही गरिने जनाएको छ । नगरपालिका क्षेत्रभित्र सञ्चालनमा रहेका सहकारी संस्थाहरूबाट ऋण लिएर तोकिएको समयभित्र ऋणको सावाँ र ब्याज चुक्ता नगर्दा संस्थाहरूमा तरलताको समस्या भएको नगरपालिकाले उल्लेख गरेको छ । जसका कारण सदस्यहरूको...

कुटपिट गरी श्रीमतीको हत्या

२०८१ भाद्र ०२

महोत्तरी । महोत्तरी जिल्लाको महोत्तरी गाउँपालिका–१ सोनुखडा गाउँमा एकजनाले कुटपिट गरी श्रीमतीको हत्या गरेका छन् । घरायसी विवादका क्रममा कुटपिट गरी श्रीमतीको हत्या गरेको प्रहरीले जनाएको छ । प्रहरी उपरीक्षक नकुल पोखरेलका अनुसार स्थानीय ४५ वर्षीय हबिब नदाफले ३६ वर्षीया श्रीमती रोशना खातुनलाई घरायसी विवाद हुँदा हिजो साँझ कुटपिट गरेका थिए । निर्घात कुटपिटपछि गम्भीर घाइते भएकी रोशनालाई बेलैमा उपचारक...

उद्योग परिसङ्घ युवा उद्यमी मञ्च कोशीको अध्यक्षमा रिजाल

२०८१ भाद्र ०२

विराटनगर । नेपाल उद्योग परिसङ्घ युवा उद्यमी मञ्च (सिएनआइवाइइएफ) कोशी अध्यक्षमा मुनन रिजाल निर्वाचित भएका छन् । मञ्चको प्रथम साधारणसभाबाट रिजाल अध्यक्षमा निर्विरोध निर्वाचित भएका हुन् । साधारणसभाबाट मञ्च कार्यसमितिको लर्निङ चेयरमा सुशन प्रधान, को–लर्निङ चेयरमा विशाल अग्रवाल, मेम्बरसिप चेयरमा शरद जोशी र को–मेम्बरसिप चेयरमा कुनाल साह निर्वाचित भएका छन् । त्यस्तै, स्टार्ट–अप चेयरमा रजत साहेवाला, फ...

धनकुटामा मङ्गलबार सार्वजनिक बिदा

२०८१ भाद्र ०२

धनकुटा । धनकुटा नगरपालिकाले भदौ ४ गते मङ्गलबार सार्वजनिक बिदा दिएको छ । नेवार समुदायको ऐतिहासिक, सांस्कृतिक पर्व गाईजात्रा (सापारु) को अवसरमा सार्वजनिक बिदा दिइएको नगरपालिकाले जनाएको छ । नगर कार्यपालिकाको साउन ३२ को निर्णयानुसार नगरपालिका क्षेत्रभित्रका नगरस्तरीय कार्यालय, शैक्षिक संस्था, सङ्घ संस्थाहरूमा सार्वजनिक बिदा दिएको सूचनामा उल्लेख गरिएको छ ।

विपदमा परी कोशीमा २७ जनाको मृत्यु, तीनजना बेपत्ता

२०८१ भाद्र ०२

विराटनगर । अविरल वर्षाको कारण गत जेठ २८ गतेदेखि देशका विभिन्न स्थानमा आएको बाढी, पहिरो लगायतका विपद्मा परी शनिबार दिउँसोसम्म १८१ जनाको मृत्यु भएको छ । बाढी, पहिरो लगायतका विपद्मा परी काठमाडौं उपत्यकामा ३ जना, कोशी प्रदेशमा २७ जना, मधेशमा ८ जना, बागमतीमा ३२ जना, गण्डकीमा ५५ जना, लुम्बिनीमा ३५ जना, कर्णालीमा १० जना र सुदूरपश्चिम प्रदेशमा ११ जना गरी जम्मा १८१ जनाको मृत्यु भएको हो । काठमाडौं उपत्य...

सुनको मूल्य अहिलेसम्मकै उच्च, चाँदीको मूल्य पनि बढ्यो

२०८१ भाद्र ०२

विराटनगर । सुनको मूल्य हालसम्मकै उच्च भएको छ । नेपाल सुनचाँदी व्यवसायी महासङ्घका अनुसार आज छापावाल सुनको मूल्य हालसम्मकै उच्च भएको हो । शुक्रबार १ लाख ४९ हजार ६ सय रुपैयाँ कायम भएको छापावाला सुनको मूल्य आज तोलामा १ लाख ५२ हजार ६०० रुपैयाँ कायम भएको छ । साउन २९ मा नयाँ रेकर्ड राखेको सुनको मूल्यले आज त्यसलाई पनि उछिनेको छ । साउन २९ गते सुनको मूल्य तोलामा १ लाख ५० हजार ८ रुपैयाँ कायम भएको थियो । ...

हावाहुरीले झापाका विभिन्न स्थानमा क्षति

२०८१ भाद्र ०२

झापा । हावाहुरीका कारण झापाका विभिन्न स्थानमा क्षति भएको छ । गएरातिको हुरीले कतिपय क्षेत्रमा बिजुलीका खम्बा ढालेको छ । केही स्थानमा घरका छाना समेत उडाएको जनाइएको छ । बिजुलीको खम्बा ढलेपछि मेचीनगरको धुलाबारी, धाइजन, र काँकरभिट्टा तथा आसपास क्षेत्रमा विद्युत् प्रवाह अवरुद्ध बनेको छ । हुरीले चारआलीको पाउ पाथीभरा मन्दिर नजिक राजमार्गमा सखुवाको रूख ढाल्दा एउटा कारमा क्षति पुगेको छ । चारआलीबाट बिर्ता...

साफ च्याम्पियनसिपः उद्‌घाटन खेलमा नेपाल र श्रीलङ्का भिड्दै

२०८१ भाद्र ०२

काठमाडौँ । दक्षिण एसियाली राष्ट्रहरु बीच हुने यु–२० पुरुष साफ च्याम्पियनसिप फुटबल प्रतियोगिता आज सुरु हुँदैछ । ललितपुरको सातदोबाटोस्थित अखिल नेपाल फुटबल सङ्घ (एन्फा) कम्प्लेक्सको खेल मैदानमा हुने उद्‌घाटन खेलमा नेपाल र श्रीलङ्काले प्रतिस्पर्धा गर्दैछन् । उद्‌घाटन खेल दिउँसो ३ बजे सुरू हुनेछ । नेपालले साफ यू–२० च्याम्पियनसिप आयोजना गर्न लागेको यो चौथो पटक हो । यसअघि नेपालले पहिलो संस्करण सहित सन...

जब कोशीको बाँध फुट्यो…

२०८१ भाद्र ०२

सुनसरी । आज भदौ २ गते । आजको दिनले १६ वर्ष अघिको एउटा त्रासमय घटना सम्झना गराउँछ । २०६५ भदौ २ गते कोशी नदीको पूर्वी तटबन्ध भत्किएर त्राहिमाम अवस्था सिर्जना भएको थियो । त्यसैले यो दिनलाई धेरैले अकल्पनीय घटना भएको दिनका रुपमा सम्झन्छन् । तत्कालीन पश्चिम कुशाहा गाविसस्थित कोशी ब्यारेजको उत्तरी भागमा कोशीको बाँध दिउँसो करिब साढे १ बजे फुटेको थियो । हेर्दाहेर्दै बाँधमा रहेका कैयौँ ठूला रुखहरू नदीमा व...

अनुयाले जितिन् ‘भ्वाइस किड्स’ को उपाधि

२०८१ भाद्र ०१

काठमाडौँ । अनुया तामाङले ‘भ्वाइस किड्स’ सिजन ३ को उपाधि जितेकी छन् । काठमाडौंमा शनिबार राती सम्पन्न ग्रान्ड फिनालेमा प्रतिस्पर्धीहरूलाई उछिन्दै तामाङले उपाधि जितेकी हुन् । उपाधिसँगै अनुयाले नगद १० लाखसहित गिफ्ट ह्याम्पर पाएकी छन् । कोच प्रमोद खरेलको टिमबाट अनुया र लाक्पा शेर्पा, मिलन नेवारको टिमबाट समीक्षा धिताल र रिञ्जिन डोल्मा लामा, छेवाङ लामाको टिमबाट द्वितिका प्रधान र छेसाङ तामाङ, मेलिना र...

१० औँ राष्ट्रिय खेलकुदमा कोशीलाई पहिलो बनाउने तयारी गरौंः मन्त्री राई

२०८१ भाद्र ०१

विराटनगर । कोशी प्रदेश सरकारका सामाजिक विकास मन्त्री पाँचकर्ण राईले १० औँ राष्ट्रिय खेलकुद प्रतियोगितामा अधिकतम पदक जित्ने गरी तयारीमा लाग्ने बताएका छन् । कोशी प्रदेश खेलकुद विकास बोर्डको आयोजनामा १० औँ राष्ट्रिय खेलकुद प्रतियोगिता लक्षित अन्तरक्रिया कार्यक्रम उनले यस्तो बताएका हुन् । मन्त्री राईले प्रदेशमा खेलकुद क्षेत्रका सबै सरोकारवालाहरूले एकताका साथ कोशी प्रदेशलाई पहिलो स्थानमा पुर्याउने ग...

विराटनगरका सागर घिमिरे ‘मिस्टर नेपाल-२०२४’ को फाइनलमा

२०८१ भाद्र ०१

विराटनगर । विराटनगर महानगरपालिका–१ हाम्रो चोकका ३१ वर्षीय सागर घिमिरे मिस्टर नेपाल २०२४ को फाइनलमा प्रवेश गरेका छन् । विभिन्न प्रतिस्पर्धीलाई पछि पार्दै उनले भोटिङ राउन्डमा स्थान पाएका छन् । सागरले ब्याचलर इन फुड टेक्नोलोजीमा अध्ययन गरेका छन् भने मोडलको रूपमा पनि परिचित छन् । उनले आफूलाई भोट दिएर फाइनलमा जिताउन आग्रह गरेका छन् । उनलाई ईसेवामा मिस्टर नेपाल २०२४ सर्च गरेर भोट दिन सकिने छ ।

सोलुखुम्बुको बाढी प्रभावित क्षेत्रमा रक्षामन्त्री सहितको टोली

२०८१ भाद्र ०१

सोलुखुम्बु । खुम्बु–पासाङल्हामु गाउँपालिका–५ मा बाढी प्रभावित क्षेत्रको अवस्था बुझ्न रक्षामन्त्री मानवीर राईको नेतृत्वको टोली आइपुगेको छ । टोलीमा सङ्घीय र प्रदेशसभा सदस्य लगायत छन् । थामे खोलामा लेदो सहितको बाढी एक्कासी उर्लेर आउँदा वरपरका घर, विद्यालय र स्वास्थ्य चौकीमा क्षति पुर्याएको छ । बाढीबाट निजी भवन, होटल, विद्यालय र स्वास्थ्यचौकी गरी २० घरमा क्षति पुगेको छ । बाढीबाट प्रभावित ९३ जनाला...

ट्याङ्करको ठक्करले मोटरसाइकलमा सवार दुईजनाको मृत्यु

२०८१ साउन ३२

सप्तरी । पूर्वपश्चिम राजमार्गमा पर्ने सप्तरीको कञ्चनरुप नगरपालिकामा डिजेल बोकेको ट्याङ्करले ठक्कर दिँदा मोटरसाइकलमा सवार दुईजनाको मृत्यु भएको छ । प्रहरीका अनुसार मृत्यु हुनेमा मोटरसाइकल चालक सुनसरीको हरिनगरा गाउँपालिका–३ का ४१ वर्षीय महेशकुमार मेहता र पछाडि बसेका ४२ वर्षीय जयप्रकाश मेहता छन् । जिल्ला प्रहरी कार्यालय सप्तरीका अनुसार आज दिउँसो कञ्चनपुरबाट भारदहतर्फ जाँदै गरेको डिजेल बोकेको को १ ख...

सोलुखुम्बुको थामे गाउँमा बाढी पस्यो, केही घर बगे

२०८१ साउन ३२

सोलुखुम्बु । सोलुखुम्बुको थामे खोलामा आएको बाढीले खुम्बु पासाङल्हामु गाउँपालिका–५ को थामे गाउँ प्रभावित बनेको छ । बाढीले उक्त गाउँका केही घरहरू बगाएको छ । सोलुखुम्बु र दोलखाको सीमा भएर बग्ने थामे खोलाको शिरमा रहेका केही हिमतालहरू फुट्दा थामे बस्तीका केही घर र होटलहरू बगाएको जनाइएको छ । थामेको बाढी दुधकोसीमा मिसिएसँगै दूधकोशी तटीय क्षेत्रमा जोखिम रहेकोले गाउँपालिकाले तटीय क्षेत्रका नागरिकलाई सु...

बैङ्कहरूले भदौ महिनाका लागि घटाए निक्षेपको ब्याजदर

२०८१ साउन ३२

विराटनगर । वाणिज्य बैङ्कहरूले भदौ महिनाका लागि पनि निक्षेपको ब्याजदर घटाएका छन् । २० वटा वाणिज्य बैङ्कहरूले सार्वजनिक गरेको ब्याजदर सूचनाअनुसार बैङ्क प्राइम कमर्सियलले मात्र व्यक्तिगत मुद्दती निक्षेपको ब्याजदर बढाएको छ । अन्य ७ वटा बैङ्कले ब्याजदर स्थिर राखेका छन् । स्टान्डर्ड चार्टर्ड, नबिल, ग्लोबल आईएमई, लक्ष्मी सनराइज, सिटिजन्स, माछापुच्छ्रे र कुमारीले ब्याजदर स्थिर राखेका हुन् । १२ वटा बै...

ताप्लेजुङको फक्ताङलुङमा बाढीले झोलुङ्गे पुलमा क्षति, आउजाउ प्रभावित

२०८१ साउन ३२

ताप्लेजुङ । जिल्लाको फक्ताङलुङ गाउँपालिका–६ लेलेपमा बाढीले पुल क्षतिग्रस्त बनाएको छ । पर्यटकीय सिजन सुरु हुन लाग्दा झोलुङ्गे पुल भत्किएपछि समस्या भएको छ । स्थानीय बासिन्दालाई पनि आवागमनमा कठिनाइ भएको छ । दुई दिनअघि अविरल वर्षापछि आएको बाढीले उक्त पुलमा क्षति पुर्याएको थियो । त्यस क्षेत्रमा पर्ने बाटो र उक्त पुल भएर कञ्चनजङ्घा आधार शिविरतिर आउजाउ हुने गरेको थियो । पुलमा क्षति पुगेपछि अब समस्या ह...

भक्तपुरको दुर्घटनामा ओखलढुङ्गाका व्यक्तिको मृत्यु भएको पुष्टि

२०८१ साउन ३२

ओखलढुङ्गा । भक्तपुरको गठ्ठाघर चोकनजिकै ट्रकले ठक्कर दिँदा मृत्यु भएका स्कुटर चालक ओखलढुङ्गाका व्यक्ति भएको खुलेको छ । हिजो दिउँसो ना ६ ख २१७३ नम्बरको ट्रकले बा ३९ प ८९४४ नम्बरको स्कुटरलाई ठक्कर दिएको थियो । उक्त घटनामा ओखलढुङ्गाको चिशंखुगढी गाउँपालिका–४ खहरे भन्ने स्थानमा स्थायी घर भइ काठमाडौँको कपन बस्दै आएका ६५ वर्षीय उत्तम कोइरालाको मृत्यु भएको खुलेको हो । ठक्कर दिएपछि ढलेका उनलाई ट्रक चालक...

लागूऔषधसहित ६ जना पक्राउ

२०८१ साउन ३२

विराटनगर । धनकुटा, मोरङ र झापाबाट लागूऔषधसहित ६ जना पक्राउ परेका छन् । पक्राउ परेकाहरूको साथबाट विभिन्न नामका लागूऔषध बरामद गरिएको प्रहरीले जनाएको छ । मोरङको कानेपोखरी गाउँपालिका–३ बाट २४ वर्षीय मिथलेस कुमार मण्डल, २६ वर्षीय भास्करकुमार शर्मा र २५ वर्षीय सौरभकुमार पासवानलाई पक्राउ गरिएको हो । उनीहरूको साथबाट १० ग्राम ७०० मिलीग्राम हिरोइन बरामद गरिएको छ । यस्तै, झापाको कमल गाउँपालिका–२ का ३८ वर...

झापाको काँकडभिट्टामा राष्ट्रिय चेस च्याम्पियनसिप हुने

२०८१ साउन ३२

झापा । झापाको काँकडभिट्टामा ‘छैटौँ राष्ट्रिय एमेच्योर चेस च्याम्पियनसिप’ हुने भएको छ । आगामी भदौ ७ देखि १० गतेसम्म च्याम्पियनसिप आयोजना हुने भएको हो । नाइट चेस क्लब र नेपाल बुद्धिचाल महासङ्घको आयोजनामा हुने च्याम्पियनसिपमा दुईवटा बेग्लाबेग्लै स्पर्धा हुने जनाइएको छ । ‘रेटिङ बिलो २०००’ र ‘रेटिङ बिलो १७००’ को बेग्लाबेग्लै स्पर्धा हुने महासङ्घले जनाएको छ । च्याम्पियनसिपका निर्देशक विश्‍वविजय घिमि...

नेपाल टेलिकमको सेवा आज राति चार घण्टा बन्द हुने

२०८१ साउन ३२

विराटनगर । नेपाल टेलिकमको सेवा आज राति आंशिक रुपमा प्रभावित हुने भएको छ । टेलिकमले ग्राहक सेवा प्रणाली स्तरोन्नति गर्न लागेकाले ब्यालेन्स रिचार्ज, प्याकेज खरिद र सोधपुछ सेवा प्रभावित हुने भएको हो । नेपाल टेलिकमको ग्राहक सेवा प्रणालीको नियमित स्तरोन्नति कार्य आज राति गर्दै छ । त्यसक्रममा राति ११ बजेदेखि करिब चार घण्टा सेवा प्रभावित हुने टेलिकमले सूचना जारी गरी जनाएको छ । सेवासम्बन्धी समस्याका ल...

पेट्रोलको मूल्य अब ५ रुपैयाँ सस्तो

२०८१ साउन ३१

विराटनगर । नेपाल आयल निगमले पेट्रोलियम पदार्थको मूल्य घटाउने निर्णय गरेको छ । निगम सञ्चालक समितिको बिहीबार बसेको बैठकले पेट्रोलको प्रतिलिटर ५ तथा डिजेल तथा मट्टितेलको प्रतिलिटर ३ रुपैयाँ मूल्य घटाउने निर्णय गरेको हो । भारतीय आयल कर्पोरेसनबाट मूल्य घटेर आएसँगै निगमले पनि आन्तरिक बजारमा मूल्य समायोजन गरेको हो । अब काठमाडौँमा पेट्रोलको मूल्य १६५ रुपैयाँ र डिजेल तथा मट्टितेलको मूल्य १५५ रुपैयाँ पर्...

आगामी महाधिवेशनमा सभापतिका लागि मेरो दाबीः कोइराला

२०८१ साउन ३१

विराटनगर । नेपाली कांग्रेसका नेता डा. शेखर कोइरालाले पार्टीको १५ औँ महाधिवेशनमा आफू सभापतिको दाबेदार रहने बताएका छन् । आगामी २०८२ सालमा कांग्रेसको महाधिवेशन हुने सम्भावना छ । विराटनगर विमानस्थलमा आज सञ्चारकर्मीसँग कुरा गर्दै उनले यस्तो बताएका हुन् । अघिल्लो महाधिवेशनमा पराजित निकटतम प्रतिद्वन्द्वी भएका कारण पनि सभापतिमा स्वतः आफ्नो दाबी रहने कोइरालाले बताए । देशभर भ्रमण गरेर नेता कार्यकर्ता भ...

‘विराटनगर प्रज्ञा प्रतिष्ठान’ गठन, अध्यक्षमा विवश पोखरेल

२०८१ साउन ३१

विराटनगर । विराटनगर महानगरपालिकाले भाषा, साहित्य, संस्कृति र कलाको विकास गर्ने उद्देश्यले ‘विराटनगर प्रज्ञा प्रतिष्ठान’ गठन गरेको छ । बिहीबार बसेको कार्यपालिका बैठकले वरिष्ठ साहित्यकार विवश पोखरेलको अध्यक्षतामा प्रतिष्ठान गठन गरेको हो । बैठकले सरला चापागाईंलाई उपाध्यक्ष र सदस्य सचिवमा साहित्यकार दिङ्लाली कान्छो (दिनेशराज सुवेदी) लाई मनोनयन गरेको छ । कार्यपालिका बैठकले माया पौडेल आशावादी (नृत्य...

विराटनगरमा राधाकृष्ण रथयात्राः स्वीकृति नलिइ सर्बत-पानी वितरण नगर्न आग्रह

२०८१ साउन ३१

विराटनगर । विराटनगरमा निकालिने राधाकृष्णको रथयात्राका क्रममा हुने फोहोर व्यवस्थापनमा विराटनगर महानगरपालिकाले तयारी थालेको छ । जथाभावी फोहोर हुन नदिनका लागि महानगरले सम्बन्धित संघ संस्था र व्यक्तिलाई स्वीकृति लिएर मात्रै पानी, सर्बत, प्रसाद लगायतका सामग्री वितरण गर्न आग्रह गरेको छ । रथयात्राका क्रममा सर्बत, पानी, प्रसाद लगायतको खोल, बोतल र प्लास्टिक सडकमा फ्याल्दा बजार फोहोर देखिने गरेको छ । गत...

खोटाङमा विद्यालय जाँदै गर्दा पहिरोले पुरिएर शिक्षिकाको मृत्यु

२०८१ साउन ३१

खोटाङ । खोटाङको विश्वज्योति उच्च माध्यमिक विद्यालयकी शिक्षिका सावित्रादेवी नेवारको पहिरोमा परेर मृत्यु भएको छ । बिहीबार बिहान पौने १० बजे विद्यालय जाँदैगर्दा बाटोमा पहिरोले पुरिएर शिक्षक मगरको मृत्यु भएको हो । रावाँबेसी गाउँपालिका–३ वडा कार्यालय छेउमा पहिरो जाँदा नेवारको मृत्यु भएको प्रहरीले जनाएको छ । पहिरोमा पुरिएकी उनको घटनास्थलमा नै मृत्यु भएको जिल्ला प्रहरी कार्यालय खोटाङले जनाएको छ ।

पासाङद्वारा ८ हजार मिटरभन्दा अग्ला १४ हिमाल आरोहण

२०८१ साउन ३१

काठमाडौँ । पासाङ नाम्गेल शेर्पाले आठ हजार मिटरभन्दा अग्ला १४ वटा चुचुराको सफल आरोहण गरेका छन् । ती र अरु दुईवटा हिमालको सफल आरोहण गरेर उनी आज नेपाल फर्किएका छन् । नेपाल पर्वतारोहण सङ्घले उनलाई त्रिभुवन अन्तर्राष्ट्रिय विमानस्थलमा स्वागत गरेको थियो । उनी आठ हजार मिटरभन्दा अग्ला १४ वटा र थप दुईवटा चुचुराको सफल आरोहण गर्ने नेपालका एक मात्र आरोही हुन् । उनले १६ वटा चुचुराहरूको आरोहण गर्न २२ वर्ष ल...

सार्वजनिक यातायात व्यवस्थित बनाउन गृहको १२ बुँदे निर्देशन

२०८१ साउन ३१

विराटनगर । गृह मन्त्रालयले सार्वजनिक यातायातमा अनिवार्य जीपीएस ट्र्याकिङ प्रणाली, सिसिटिभी जडान र अनलाइन टिकटको व्यवस्था गर्न व्यवसायीहरूलाई निर्देशन दिएको छ । मन्त्रालयले बुधबार यातायात व्यवसायी राष्ट्रिय महासङ्घलाई पत्र लेख्दै सिमलताल घटना अध्ययन प्रतिवेदनको सुझाव कार्यान्वयन गर्न भनेको हो । मन्त्रालयले सार्वजनिक यातायातलाई सुरक्षित र भरपर्दो बनाउन यातायात व्यवसायीलाई १२ बुँदे निर्देशन दिएको...

मिस्टर एण्ड मिस लिटल कोशीका लागि अडिसन सुरु हुँदै

२०८१ साउन ३१

विराटनगर । सातौँ संस्करणको ‘मिस्टर एण्ड मिस लिटल कोशी’ प्रतियोगिता हुने भएको छ । जय मिडिया मेनेजमेन्ट प्रालिको आयोजनामा प्रतियोगिता हुने भएको हो । प्रतियोगिताको अडिसन विराटनगर, इटहरी र धरानमा हुने भएको छ । विराटनगरमा आउँदो शनिबार, इटहरीमा भदौ ८ गते र धरानमा भदौ १५ गते अडिसन हुने जय मिडिया मेनेजमेन्ट प्रालिका अध्यक्ष जयराज रायले जानकारी दिए । छनौट चरणको अडिसनबाट छनौट भएका प्रतियोगीहरू फाइनलमा पु...

धनकुटा र तेह्रथुमलाई जोड्ने १७ किलोमिटर सडक सञ्चालनमा

२०८१ साउन ३१

धनकुटा । धनकुटा र तेह्रथुम जिल्लालाई जोड्ने १७ किलोमिटर सडक सञ्चालनमा आएको छ । कोशी प्रदेश सरकारद्वारा निर्माण गरिएको सडकको बुधबार मुख्यमन्त्री हिक्मतकुमार कार्कीले उद्‌घाटन गरेका छन् । धनकुटाको सिधुवादेखि तेह्रथुमको शुक्रबारेसम्मको डबल लेन सडक सञ्चालनमा आएसँगै ग्रामीण क्षेत्रका बासिन्दालाई लाभ मिल्ने सरकारको विश्वास छ । प्रदेश सरकार भौतिक पूर्वाधार विकास मन्त्रालय अन्तरगत पूर्वाधार विकास कार्य...