मोरङको बुढीगंगामा आगलागी हुँदा २१ लाख बराबरको क्षति
विराटनगर । मोरङको बुढीगंगा गाउँपालिका-३ खवास टोलमा आगलागी हुँदा २१ लाख बराबरको क्षति भएको छ ।
आज बिहानको राति बलराम चौधरीको जस्तापाताको छानो भएको दुई तले घरमा आगलागी हुँदा सो मूल्य बराबरको क्षति भएको हो ।
आगलागीबाट घरसहित घरभित्र रहेका सम्पूर्ण सामान जलेर नष्ट भएको प्रहरीले जनाएको छ । प्रहरीले स्थानीय र दमकलको सहयोगमा राति नै आगो नियन्त्रणमा लिएको थियो । आगलागीको कारण खुल्न बाँकी छ ।
