संगालोखबर 
विराटनगर । नेपाली बजारमा आज पनि सुनको मूल्यमा नयाँ रेकर्ड कायम भएको छ । नेपाल सुनचाँदी व्यवसायी महासङ्घका अनुसार आज प्रतितोला तीन सय रुपैयाँ बढेर सुनको मूल्यमा नयाँ रेकर्ड कायम भएको हो ।
महासङ्घका अनुसार आज सुनको मूल्य प्रतितोला तीन लाख नौ हजार तीन सय रुपैयाँ कायम भएको छ । सोमबार सुन प्रतितोला तीन लाख नौ हजार रुपैयाँमा कारोबार भएको थियो । आइतबार सुन प्रतितोला तीन लाख तीन हजार आठ सय रुपैयाँमा कारोबार भएको थियो ।
चाँदीको मूल्यमा पनि आज नयाँ रेकर्ड कायम भएको छ । आज चाँदी प्रतितोला एक सय पाँच रुपैयाँ बढेर छ हजार आठ सय ७० रुपैयाँमा कारोबार भइरहेको छ ।
सोमबार चाँदी प्रतितोला छ हजार सात सय ६५ रुपैयाँमा कारोबार भएको थियो । आइतबार चाँदी प्रतितोला छ हजार चार सय ८० रुपैयाँमा कारोबार भएको थियो ।
