झापामा हात्तीले आक्रमण गर्दा एक जनाको मृत्यु
झापा । झापामा जङ्गली हात्तीको आक्रमणबाट एक जनाको मृत्यु भएको छ । आज बिहान हात्तीको आक्रमणबाट दमक नगरपालिका-३ का ४५ वर्षीय मीनबहादुर भण्डारीको मृत्यु भएको हो ।
हात्तीले आक्रमण गर्दा भण्डारीको घटनास्थलमै मृत्यु भएको प्रहरीले जनाएको छ । झापा प्रहरीका अनुसार भण्डारीलाई राति २ बजेतिर हात्तीले आक्रमण गरेको थियो । छिमेकीको घरमा आएको हात्ती धपाउन खोज्दा उनलाई आक्रमण गरेको प्रहरीले जनाएको छ ।
