धनकुटा Archives - Page 2 of 40

धनकुटामा विद्यार्थी लक्षित लागूऔषध दुर्व्यसनीविरुद्ध सचेतना अभियान

२०८३ भाद्र १९

धनकुटा । लागूऔषध दुर्व्यसन रोकथाम तथा नियन्त्रणका लागि धनकुटा नगरपालिका-१० मा अवस्थित उत्तरपानी बहुप्राविधिक शिक्षालयमा सचेतना कार्यक्रम गरिएको छ । जिल्ला प्रशासन कार्यालय र जिल्ला प्रहरी कार्यालय धनकुटाको सहकार्यमा आज विद्यार्थीहरूलाई लक्षित गर्दै सचेतना कार्यक्रम गरिएको हो । धनकुटाका प्रमुख जिल्ला अधिकारी रुद्रादेवी शर्माले पछिल्लो समयमा लागूऔषधको सेवन तथा ओसारपसार बढ्दै गएपछि विद्यार्थीहरूल...

धनकुटाको पात्ले खोलामा बोलेरो र अटो ठोक्किँदा दुई जना घाइते

२०८३ भाद्र १९

धनकुटा । धनकुटामा बोलेरो र अटो एक-आपसमा ठोक्किँदा दुई जना घाइते भएका छन् । आज बिहान करिब १०ः२० बजे धनकुटा नगरपालिका-१० पात्ले खोलास्थित कोशी लोकमार्गमा दुर्घटना भएको हो । धरानबाट धनकुटातर्फ आउँदै गरेको मे १ ज ३०८२ नम्बरको बोलेरो र विपरीत दिशाबाट धरानतर्फ जाँदै गरेको कोशी प्रदेश ०२-००१ ह ०१५३ नम्बरको अटो एक-आपसमा ठोक्किएका धनकुटाका प्रहरी प्रवक्ता डीएसपी हेमन्त भण्डारीले जानकारी दिए । दुर्घटना...

धनकुटा अस्पतालमा स्थापना गरियो ब्लड बैंक, आजबाटै सञ्चालन

२०८३ भाद्र १९

धनकुटा । नेपाल रेडक्रस सोसाइटीको ६३ औं स्थापन दिवसको अवसरमा जिल्ला अस्पताल धनकुटामा आकस्मिक रक्तसञ्चार सेवा केन्द्र (ब्लड बैंक) सञ्चालनमा ल्याइएको छ । जिल्ला अस्पताल र नेपाल रेडक्रस सोसाइटी धनकुटाले संयुक्तरूपमा ब्लड बैंक स्थापना गरेका हुन् । कोशी प्रदेशका स्वास्थ्य मन्त्री इन्द्रमणि पराजुलीले आज रिबन काटेर आकस्मिक रक्त सञ्चार सेवा केन्द्रको उद्‌घाटन गरे । उद्‌घाटन समारोहमा बोल्दै मन्त्री परा...

धनकुटाबाट गाँजा र मोटरसाइकलसहित तीन जना पक्राउ

२०८३ भाद्र १८

धनकुटा । धनकुटाको भेडेटारबाट गाँजा र मोटरसाइकलसहित तीन जना पक्राउ परेका छन् । आज बिहान करिब ७ बजे बिक्रीका लागि लैजाँदै गरेको गाँजासहित प्रहरीले उनीहरूलाई पक्राउ गरेको हो । धनकुटाबाट धरानतर्फ जाँदै गरेको को २८ प ७२७७ नम्बरको मोटरसाइकलका चालक साँगुरीगढी-४ ज्यामिरेका अन्दाजी ४४ वर्षीय भीम बहादुर लिम्बु र सोही मोटरसाइकल पछाडि सवार फाक्सिब बस्ने अन्दाजी २३ वर्षीय सागर लिम्बु पक्राउ परेका छन् । यस्...

धनकुटाका औषधि पसलमा अनुगमन : एउटा सिलबन्दी, चारवटाको दर्ता प्रमाणपत्र जफत

२०८३ भाद्र १८

धनकुटा । धनकुटाको हिले बजार र पाख्रिबास क्षेत्रमा सञ्चालित औषधि पसलहरूको अनुगमनका क्रममा विभिन्न कैफियत भेटिएको छ । औषधि व्यवस्था विभाग शाखा कार्यालय विराटनगरको संयोजकत्वमा जिल्ला प्रशासन कार्यालय धनकुटा, जिल्ला स्वास्थ्य कार्यालय, प्रहरी चौकी हिले र इलाका प्रहरी कार्यालय पाख्रिबासको टोलीले गरेको संयुक्त अनुगमनमा विभिन्न कैफियत फेला परेको हो । अनुगमनका क्रममा पाख्रीबास-४ स्थित भुवन कार्की र दे...

धनकुटाको जितपुरमा निर्माणाधीन एकीकृत शहरी पूर्वाधार विकास कार्यक्रम अन्तिम चरणमा

२०८३ भाद्र १८

धनकुटा । धनकुटाको महालक्ष्मी नगरपालिकाको केन्द्र जितपुर बजारमा निर्माणाधीन एकीकृत शहरी पूर्वाधार विकास कार्यक्रम अन्तिम चरणमा पुगेको छ । बजारलाई आधुनिक, व्यवस्थित र आकर्षक शहरी केन्द्रका रूपमा विकास गर्ने उद्देश्यले सुरु गरिएको कार्यक्रम अन्तिम चरणमा पुगेको हो । पूर्वाधार विकास कार्यक्रम अन्तिम चरणमा पुगेसँगै जितपुर बजार अहिले नयाँ स्वरूप देखिन थालेको छ । सडक, नाला, पैदलमार्ग, मिनीमार्केट तथा ब...

धनकुटाको मार्गथान क्षेत्रमा रोपियो २ हजार बिरुवा

२०८३ भाद्र १७

धनकुटा । धनकुटा नगरपालिका-८ मार्गथान क्षेत्रमा पानीको मुहान संरक्षण गर्न विभिन्न प्रजातिका करिब २ हजार बिरुवा रोपिएका छन् । हिन्दकुश हिमालय क्षेत्रका लागि एकीकृत जलवायु अनुकूलन समाधान (हाईकास) परियोजना अन्तर्गत इसिमोड र सिप्रिडको संयुक्त आयोजनामा बिरुवा रोपिएको हो । पछिल्लो समय जलवायु परिवर्तनका कारण गाउँघरमा पानीका मुहान सुक्दै गएकाले मुहान संरक्षण तथा जल पुनर्भरण गर्न वृक्षारोपण गरिएको जनाइए...

धनकुटामा १ सय ५१ वटा साना तथा मझौला उद्योग बन्द

२०८३ भाद्र १७

धनकुटा । धनकुटामा गत आर्थिक वर्ष २०८२/८३ मा १ सय ५१ वटा साना तथा मझौला उद्योग बन्द भएका छन् । घरेलु तथा साना उद्योग कार्यालय धनकुटाले सार्वजनिक गरेको तथ्याङ्क अनुसार उक्त संख्यामा उद्योग बन्द भएका हुन् । कार्यालयका अनुसार गत आर्थिक वर्ष प्रशासनतर्फ जम्मा १ सय २३ तथा वाणिज्यतर्फ २८ उद्योग बन्द भएका छन् । यस्तै गत आर्थिक वर्ष १ सय ४८ वटा नयाँ उद्योग दर्ता भएका कार्यालयले जनाएको छ । जसमा वाणिज्यत...

शोकका कारण धनकुटामा मनाइएन रोपाइँ जात्रा

२०८३ भाद्र १५

धनकुटा । धनकुटामा यसवर्ष रोपाइँ (हिले) जात्रा स्थगित गरिएको छ । भोटेकोशी नदीमा आएको बाढीबाट भएको ठूलो जनधनको क्षतिले मुलुक शोकमा रहेका कारण यसवर्षको रोपाइँ जात्रा स्थगित गरिएको हो । धनकुटामा नेवारी समुदायले हरेक वर्ष गाईजात्राको भोलिपल्ट रोपाइँ जात्रा निकाल्ने गरेका थिए । मनोरञ्जन, प्रहसन तथा नगर परिक्रमा गरेर जात्रा मनाउने गरिएपनि शोकका बेला यस्तो गर्नु उपयुक्त नहुने भन्दै कार्यक्रम स्थगित गरि...

धनकुटामा पनि मनाइयो गाईजात्रा

२०८३ भाद्र १३

धनकुटा । धनकुटामा पनि आज गाईजात्रा पर्व मनाइएको छ । नेवार समुदायले एक वर्षभित्र दिवाङ्गत भएका आफन्तको सम्झनामा मानिसलाई गाईका रूपमा सिँगारी बजार परिक्रमा गराएर गाईजात्रा मनाएका हुन् । धनकुटा बजार क्षेत्रमा वर्षभरि मृत्यु भएका १२ जनाको घर परिवारले जात्रा निकालेका थिए । नगर परिक्रमा गर्दा मृत्यु भएका व्यक्ति गाईको पुच्छर समातेर वैतरणी पार हुन्छ भन्ने धार्मिक विश्वास छ । श्रीवानीस्थित कृष्ण मन...

जनैपूर्णिमामा धनकुटाको निशान मन्दिरमा धर्मावलम्बीहरूको भीड (फोटो फिचर)

२०८३ भाद्र १२

धनकुटा । आज जनैपूर्णिमा अर्थात् रक्षाबन्धन, देशभर श्रद्धा, आस्था र उल्लासका साथ मनाइँदै छ । धनकुटाको निशान भगवती मन्दिर परिसरमा पनि बिहानैदेखि वैदिक सनातन धर्मावलम्बीहरूको भीड लागेको छ । मन्दिर परिसरमा गुरु तथा पुरोहितबाट मन्त्रिएको रक्षासूत्र बाँध्न र नयाँ जनै धारण गर्न धर्मावलम्बीहरूको भीड लागेको हो । बिहानै स्नान गरी गुरु तथा पुरोहितबाट मन्त्रिएको रक्षासूत्र बाँध्ने र नयाँ जनै धारण गर्ने परम...

धनकुटाकी रोबी पनि बाढीपछि सम्पर्कविहीन

२०८३ भाद्र ११

धनकुटा । रसुवास्थित अपर त्रिशूली हाइड्रोपावरमा कार्यरत धनकुटाकी रोबी राई पनि बाढीपछि सम्पर्कविहीन भएकी छन् । बुधबार बिहान भोटेकोशीमा आएको भीषण बाढीपछि राई पनि सम्पर्कविहीन भएकी हुन् । धनकुटा नगरपालिका वडा नं.७ डाँडागाउँ घर भएकी ३२ वर्षीय रोबी अपर त्रिशूली १ मा काम गर्दै आएकी थिइन् । उनी धनकुटा नगरपालिका वडा नं.७ का पूर्व वडाध्यक्ष जङ्गबहादुरकी छोरी हुन् । बाढीपछि रोबी सम्पर्कविहीन नभएकाले खोजी...

धनकुटाको मानव सेवा आश्रममा झापाका निर्मलको मृत्यु

२०८३ भाद्र ११

धनकुटा । धनकुटा नगरपालिका-१ हिलेस्थित मानव सेवा आश्रममा आश्रित एक पुरुषको आज बिहान सुतिरहेकै अवस्थामा मृत्यु भएको छ । मृत्यु हुनेमा झापाको शिवसताक्षी नगरपालिका-१ घर भएका ६० वर्षीय निर्मल दर्नाल छन् । बोल्न नसक्ने अवस्थाका उनलाई गत असार ११ गते उक्त आश्रममा ल्याएर राखिएको थियो । प्रहरीका अनुसार विगत केही दिनदेखि स्वास्थ्य अवस्था कमजोर रहेका दर्नाल आज बिहान करिब ६ बजे सुतिरहेको ठाउँमै मृत फेला पर...

रसुवा बाढी : धनकुटावासीका आफन्त सम्पर्कविहीन भए विवरण उपलब्ध गराउन प्रशासनको अनुरोध

२०८३ भाद्र ११

धनकुटा । रसुवाको सीमा क्षेत्र रसुवागढी तथा भोटेकोशी नदीमा आएको भीषण बाढीका कारण रसुवा, नुवाकोट, धादिङ, गोरखा लगायतका जिल्लामा ठूलो मानवीय तथा भौतिक क्षति भएको छ । उक्त बाढीका कारण सम्पर्कविहीन भएका नागरिकको खोजीका लागि जिल्ला प्रशासन कार्यालय धनकुटाले पहल सुरु गरेको छ । प्रशासनले आज सूचना जारी गर्दै धनकुटा जिल्लाबाट बाढी प्रभावित जिल्लाहरूमा व्यापार, रोजगार, भ्रमण वा अन्य कामको सिलसिलामा गई हा...

धनकुटामा चिरपट प्रहार गरेर छोराद्वारा ७० वर्षीय बाबुको हत्या

२०८३ भाद्र ११

धनकुटा । धनकुटाको चौबिसे गाउँपालिका-७ ठूलोढुङ्गामा छोराले चिरपट प्रहार गरेर बाबुको हत्या गरेका छन् । आज बिहान करिब ५ः४५ बजे ३२ वर्षीय छोरा युवराज लिम्बुले चिरपट प्रहार गरेर ७० वर्षीय बाबु अमरध्वज लिम्बुको हत्या गरेका हुन् । टाउकोमा गम्भीर चोट लागेका अमरध्वजको घटनास्थलमै मृत्यु भएको धनकुटाका प्रहरी प्रमुख एसपी नारायण रंजितकारले जानकारी दिए । ‘युवराजले डिप्रेसनको दबाइ खाँदै गरेको खुलेको छ’, एस...

धनकुटामा बालिका गरिमा चौधरीको सम्झना गर्दै महिलाहरूले गरे श्रद्धाञ्जली सभा

२०८३ भाद्र ०७

धनकुटा । बाराको सिमरामा तीन वर्षीया बालिका गरिमा चौधरीको हत्या भएको घटनाप्रति विरोध जनाउदै आज धनकुटामा श्रद्धाञ्जली सभा र दीप प्रज्वलन गरिएको छ । धनकुटेली महिलाहरूले दिवङ्गत आत्माको चिरशान्तिको कामना गर्दै श्रद्धाञ्जली सभा र आपसी सद्भावको कामना गर्दै दीप प्रज्वलन गरेका हुन् । कार्यक्रममा महिलाहरूले बालिका हत्याको घटनाप्रति आक्रोश व्यक्त गरेका छन् । उनीहरूले ‘गरिमालाई न्याय देऊ, बलात्कारीलाई...

उपभोक्ताको गुनासोपछि धनकुटाको हिले र पाख्रीबासका ग्यास डिलरमा अनुगमन

२०८३ भाद्र ०४

धनकुटा । धनकुटाको हिले र पाख्रीबास बजारका ग्यास डिलर तथा बिक्री केन्द्रमा अनुगमन गरिएको छ । खाना पकाउने ग्यास अभावको गुनासो बढेपछि जिल्ला प्रशासन कार्यालय र जिल्ला प्रहरी कार्यालय धनकुटाले संयुक्त रूपमा डिलर तथा बिक्री केन्द्रको अनुगमन गरेका हुन् । बजारमा ग्यासको अभाव र बढी मूल्यमा बिक्री गरेको गुनासो बढेपछि अनुगमन गरिएको धनकुटाका सहायक प्रमुख जिल्ला अधिकारी लेखनाथ न्यौपानेले जानकारी दिए । अनुग...

सेवाग्राहीको गुनासोपछि धनकुटाका होटल तथा लजमा अनुगमन

२०८३ भाद्र ०४

धनकुटा । धनकुटा बजारको हुलाक टोलमा सञ्चालित होटल तथा लजहरूमा छड्के अनुगमन गरिएको छ । सेवाग्राहीहरूको गुनासोपछि बजारमा सञ्चालित करिब आधा दर्जन होटल तथा लजहरूमा अनुगमन गरिएको हो । अनुगमनका क्रममा होटलको भान्सा सरसफाइ नभएको, खाने कुरा व्यवस्थापन नभएको, मूल्य सूची टाँस नगरिएको र आवश्यक मापदण्ड विपरीत सञ्चालन गरिएको लगायतका कैफियत पाइएको छ । यस्तै होटलमा रहेका कोठा तथा बेड व्यवस्थापन तथा सरसफाइ नभए...

धनकुटा उद्योग वाणिज्य संघ : पदाधिकारी चयनका लागि दुई प्यानल चुनावी मैदानमा

२०८३ भाद्र ०२

धनकुटा । धनकुटा उद्योग वाणिज्य संघमा अध्यक्षसहित पदाधिकारी पदका लागि प्यानल मै प्रतिस्पर्धा हुने भएको छ । अध्यक्षमा कृष्णराज श्रेष्ठ र रामबहादुर रायासहित अन्य पदमा प्यानलनै भिड्ने भएका हुन् । निर्वाचन प्रक्रिया अघि बढेसँगै केही पदमा उम्मेदवारहरू निर्विरोध चयन भएका छन् भने अध्यक्षसहित अन्य पदमा निर्वाचन हुने भएको छ । वाणिज्य संघमा पदाधिकारीतर्फ महासचिवमा उज्वल कर्माचार्य निर्विरोध निर्वाचित भएका...

धनकुटाका ओमबहादुरको शव गौँथली भीरमा भेटियो

२०८३ भाद्र ०२

धनकुटा । धनकुटाको महालक्ष्मी नगरपालिका-२ हिलेखर्कका ३८ वर्षीय ओमबहादुर रानामगरको शव गौँथली भीरमा फेला परेको छ । साउन २९ गतेदेखि सम्पर्कविहीन भएका उनको शव सोमबार निकालिएको हो । वास्तु पूजामा सहभागी हुन साउन २९ गते घरबाट निस्किएका रानामगर सोही दिन राति ९ बजेसम्म सम्पर्कमा थिए । त्यसपछि सम्पर्कविहीन भएका उनको खोजी भइरहेको थियो । आफन्त तथा स्थानीयले खोजतलास गर्दा फेला नपरेपछि घटनाबारे प्रहरीलाई जा...

धनकुटाको मुलघाटबाट प्रतिबन्धित लागूऔषधसहित दुई जना पक्राउ

२०८३ भाद्र ०१

धनकुटा । धनकुटामा प्रहरीले मोटरसाइकलमा सवार दुई जना युवालाई प्रतिबन्धित लागूऔषधसहित पक्राउ गरेको छ । आइतबार दिउँसो ४ः३० बजे धनकुटा नगरपालिका-९ मुलघाटबाट उनीहरूलाई पक्राउ गरिएको हो । धरानबाट धनकुटातर्फ आउँदै गरेको प्रदेश १-०२-०४४ प ३५८ नम्बरको मोटरसाइकललाई शङ्कास्पद अवस्थामा रोकेर चेकजाँच गर्दा लागूऔषध बरामद भएको प्रहरीले जनाएको छ । लागूऔषध बरामद भएसँगै मोटरसाइकल चालक धनकुटा नगरपालिका-५ बालमन्द...

धनकुटाबाट लागूऔषधसहित दुई जना पक्राउ

२०८३ साउन ३१

धनकुटा । धनकुटाबाट लागूऔषधसहित दुई जना पक्राउ परेका छन् । शनिबार साँझ पाख्रीबास नगरपालिका-४ बाट उनीहरू पक्राउ परेका हुन् । पक्राउ पर्नेमा सोही स्थानका २५ वर्षीय निरज भट्टराई र १८ वर्षीय आसन बरुवाल छन् । उनीहरूलाई शंका लागेर चेकजाँच गर्दा साथबाट ट्रामाडोल १३० क्याप्सुल र स्पास्पेन १३० क्याप्सुल बरामद भएको प्रहरीले जनाएको छ । पक्राउ परेका दुवै जनालाई जिल्ला प्रहरी कार्यालय धनकुटामा राखिएको छ ।उ...

अपडेट : धनकुटामा बस दुर्घटना हुँदा तीन जना घाइते

२०८३ साउन ३१

धनकुटा । धनकुटामा आज बिहान करिब ११ः१५ बजे भएको बस दुर्घटनामा तीन जना घाइते भएका छन् । साँगुरीगढी गाउँपालिका-६ स्थित चारखोले गोलाइमा भएको दुर्घटनाका घाइतेलाई उपचारका लागि बीपी कोइराला स्वास्थ्य विज्ञान प्रतिष्ठान धरान पठाइएको छ । दुर्घटनामा तेह्रथुमको छथर गाँउपालिका-१ की अन्दाजी ११ वर्षीया नुमा लिम्बु, छथर गाँउपालिका-४ का अन्दाजी ६९ वर्षीय कविराज थापा र सोही स्थानकी अन्दाजी ५६ वर्षीया शुकमाया लि...

धनकुटाको चारखोले गोलाइमा बस दुर्घटना

२०८३ साउन ३१

धनकुटा । धनकुटामा बस दुर्घटना भएको छ । साँगुरीगढी गाउँपालिका–६ चारखोले गोलाइमा अहिले केहीबेरअघि बस दुर्घटना भएको हो । दुर्घटनामा घाइते भएकाहरूलाई उद्दार गरेर उपचारका लागि अस्पताल पठाइएको धनकुटाका प्रहरी प्रवक्ता डीएसपी हेमन्त भण्डारीले जानकारी दिए । थप विवरण आउन बाँकी छ । अपडेट : धनकुटामा बस दुर्घटना हुँदा तीन जना घाइते

धनकुटामा जलाइयो १५ सय किलो गाँजा र १८ सय थान प्रतिबन्धित ट्याब्लेट

२०८३ साउन २७

धनकुटा । धनकुटा प्रहरीले विभिन्न समयमा बरामद गरेको एक हजार पाँच सय २१ किलो गाँजा र प्रतिबन्धित लागूऔषधको एक हजार आठ ९७ थान ट्याब्लेट जलाएर नष्ट गरेको छ । जिल्ला प्रहरी कार्यालय धनकुटाले आज धनकुटा नगरपालिका-९ मुलघाटस्थित तमोर नदी किनारमा आवश्यक कानुनी प्रक्रिया पूरा गरी बरामद लागूऔषध नष्ट गरेको हो । विभिन्न युनिटले चेकजाँच तथा अनुसन्धानका क्रममा फरक-फरक समयमा बरामद गरेको गाँजा र प्रतिबन्धित औषध...

धनकुटामा कोदो खेती विस्तारका लागि वैज्ञानिक परीक्षण

२०८३ साउन २७

धनकुटा । धनकुटामा कोदो खेती विस्तारका लागि बारीमा जातीय परीक्षण सुरु गरिएको छ । आधुनिक जीवनशैली र अन्य विभिन्न कारणले लोप हुँदै गएको कोदो खेतीका लागि जातको वैज्ञानिक परीक्षण सुरु गरिएको हो । धनकुटा नगरपालिका-८ खम्बेलामा विभिन्न जातका कोदो रोपेर परीक्षण सुरु गरिएको छ । हाईकास परियोजना इसिमोडको सहयोगमा वातावरण तथा कृषि नीति अनुसन्धान, प्रसार तथा विकास केन्द्रले कोदोको विभिन्न जात रोपेको हो । खाम...

धनकुटाको नाम्जेमा सामुदायिक विद्यालय व्यवस्थापन समिति महासंघको रणनीतिक योजना तर्जुमा कार्यशाला

२०८३ साउन २६

धनकुटा । सामुदायिक विद्यालय व्यवस्थापन समिति महासंघ नेपालको आयोजना तथा शिक्षा नीति तथा अभ्यास केन्द्रको सहकार्यमा धनकुटाको साँगुरीगढी गाउँपालिका-६ स्थित नाम्जेमा क्षमता विकास तथा तीन वर्षे रणनीतिक योजना निर्माण कार्यशाला सुरु भएको छ । नाम्जे थुम्की सामुदायिक होमस्टेमा आजबाट कार्यशाला सुरु भएकाे हाे । कार्यशाला साउन २८ गते सम्पन्न हुने छ । शिक्षा विकास निर्देशानलय धनकुटाका निर्देशक कृष्ण प्रसाद...

महिलाहरूले धानेको धनकुटाको बिहीबारे हटिया

२०८३ साउन २६

धनकुटा । धनकुटामा साप्ताहिक रूपमा बिहीबारे हटिया लाग्दछ । तल्लो र माथिल्लो कोप्चे छेउमा लाग्ने बिहीबारे हटिया भर्न छिमेकी पालिकाबाट समेत मानिसहरू आउँछन् । यो हटिया विशेष गरेर महिलाहरूले नै धानेका छन् । करेसा बारीमा सिजन अनुसार उत्पादन भएका सागसब्जी, फलफूल, खाद्यान्न तथा सालको पात, दाउरा लगायत बेच्न महिलाहरूनै हटिया आउने गरेका छन् । ११ वर्षको उमेरदेखि हटिया आउन थालेकी थाममती राई अहिले ८२ वर्षकी ...

धनकुटाबाट बेवारिसे भरुवा बन्दुक बरामद

२०८३ साउन २५

धनकुटा । धनकुटाबाट प्रहरीले एक नाल बेवारिसे भरुवा बन्दुक बरामद गरेको छ । गस्तीमा खटिएको प्रहरी टोलीले आज बिहान करिब १०ः२० बजे भरुवा बन्दुक बरामद गरेको हो । साँगुरीगढी गाउँपालिका-८ हर्चुवा स्थित खहरे खोल्सीको ढुङ्गाको चेपबाट वेवारिसे भरुवा बन्दुक बरामद गरिएको धनकुटाका प्रहरी प्रवक्ता डीएसपी हेमन्त भण्डारीले जानकारी दिए । बरामद बन्दुक जिल्ला प्रहरी कार्यालय धनकुटामा राखिएको छ । बन्दुक कसले राखेक...

साउनको अन्तिम सोमबार : धनकुटाको विश्रान्तिमा भक्तजनको भिड (फोटो फिचर)

२०८३ साउन २५

धनकुटा । आज साउनको अन्तिम सोमबार, देशैभरसँगै धनकुटाका विभिन्न शिवालय मन्दिरमा बिहानैदेखि भक्तजनको भिड लागेको छ । धनकुटाको मूलघाट स्थित विश्रान्ति मन्दिर, पाख्रीबासको शिव मन्दिर र लेगुवाको नागेश्वर शिवालय मन्दिरमा भक्तजनको भिड लागेको छ । साउने सोमबारमा भगवान शिवको पुजा आराधना गर्न बिहानैदेखि भक्तजनहरूको भिड लागेको हो । विश्रान्ति मन्दिर व्यवस्थापन समितिका महासचिव जनार्दन घिमिरेका अनुसार यहाँ ...

अरुण करिडोर निर्माणले तीव्रता पायो, भोजपुर र संखुवासभासँग तराईको दूरी छोटिने

२०८३ साउन २४

धनकुटा । पहाडलाई तराईसँग जोड्ने अरुण करिडोर निर्माणको कामले तीव्रता पाएको छ । तराईबाट धनकुटा हुँदै भोजपुर र संखुवासभा जोड्ने ६५ किलोमिटर सडक निर्माणको कामले तीव्रता पाएको हो । सुनसरीको चतरास्थित कोशी पुलदेखि धनकुटाको सहिदभूमि गाउँपालिका र पाख्रिबास नगरपालिकास्थित माङ्माया डाँडासम्म सडक निर्माण भइरहेको छ । आयोजना अन्तर्गत ४५ किलोमिटर सडक तीन खण्डमा विभाजन गरी करिब एक अर्ब रुपैयाँ लागतमा निर्मा...