बर्जुबाट दुई सय ९५ किलो गाँजासहित एक जना पक्राउ
सुनसरी । सुनसरीको बर्जु गाउँपालिका-४ बाट गाँजासहित एक जना पक्राउ परेका छन् । इलाका प्रहरी कार्यालय दुहबी र इलाका प्रहरी कार्यालय साहेबगंजबाट खटिएको प्रहरी टोलीले २० वर्षीय शङ्कर मण्डललाई पक्राउ गरेको हो ।
उनलाई दुई सय ९५ किलो गाँजासहित नियन्त्रणमा लिएको प्रहरीले जनाएको छ । उनका सम्बन्धमा थप अनुसन्धान भइरहेको कोशी प्रदेश प्रहरी कार्यालय विराटनगरले जनाएको छ ।
