मोरङ Archives - Page 7 of 61

विराटनगरमा स्कुलबाट फर्कँदै गर्दा भारतीय गाडीले दियो ठक्कर, बाबु-छोरीको मृत्यु

२०८३ जेठ ०५

विराटनगर । विराटनगर महानगरपालिका-१४ स्थित आईसीपी मोडमा आज साँझ भारतीय गाडीको ठक्करबाट साइकलमा सवार बाबु-छोरीको मृत्यु भएको छ । भारतबाट एलपी ग्यास लिएर आएको एएस ०१ एफसी ०९१९ नम्बरको ग्यास बुलेटले साँझ करिब ५ बजे साइकललाई ठक्कर दिएको हो । ठक्करबाट विराटनगर-१४ जतुवाका ४२ वर्षीय शिवचरण ठाकुर र उनकी चोरी १४ वर्षीया गरिमा ठाकुरको मृत्यु भएको मोरङका ट्राफिक प्रहरी प्रमुख प्रहरी निरीक्षक सन्तोष न्यौपान...

भारतबाट ६ बालबालिकाको उद्धार, विराटनगर ल्याएर गराइयो परिवारसँग पुनर्मिलन

२०८३ जेठ ०५

विराटनगर । विभिन्न प्रलोभनमा परेर जोखिमपूर्ण अवस्थामा पुगेका ६ जना नेपाली बालबालिकाहरूलाई भारतको बिहार राज्यबाट उद्धार गरिएको छ । नयाँ दिल्लीस्थित ‘किन इन्डिया’ नामक संस्थाको को समन्वयमा उनीहरूलाई सुरक्षित रूपमा उद्धार गरिएको हो । उद्धार गरिएका बालबालिकालाई आवश्यक कानुनी प्रक्रिया पूरा गरी विराटनगर ल्याएर नेपाल प्रहरी प्रदेश कार्यालय धरानको रोहबरमा बालबालिका खोजतलास प्रदेश समन्वय केन्द्र १०४ को...

विराटनगरको मेरिल्याण्ड कलेजमा प्रवेश परीक्षा दिनेको घुँइचो

२०८३ जेठ ०५

विराटनगर । विराटनगरको मेरिल्याण्ड कलेजमा कक्षा ११ भर्नाका लागि प्रवेश परीक्षा दिनेको घुँइचो लागेको छ । कक्षा ११ मा नौं सय जनाको कोटाका लागि सोमवार भएको प्रवेश परीक्षामा २१ सय भन्दा बढी विद्यार्थी सहभागि भएको कलेजले जनाएको छ । कलेजमा विज्ञान संकायमा २५० र व्यवस्थापन संकायमा ६५० जनाको कोटा निर्धारण गरिएको छ । २०५९ सालमा स्थापना भएको मेरिल्याण्ड कलेजमा विज्ञान, कम्प्युटर विज्ञान र व्यवस्थापन संकाय...

विराटनगरमा अचेत अवस्थामा भेटिएका पुरुषको मृत्यु

२०८३ जेठ ०४

विराटनगर । विराटनगर महानगरपालिका-१४ स्थित कोशी लोकमार्गको सडक किनारमा अचेत अवस्थामा फेला परेका पुरुषको मृत्य भएको छ । आज दिउँसो ४ बजेतिर सडक किनारमा अचेत भेटिएका पुरुषलाई उपचारका लागि कोशी अस्पताल लगिएकोमा चिकित्सकले मृत घोषणा गरेका हुन् । अन्दाजी ४०-४५ वर्षका देखिने मृतकको पहिचान खुल्न बाँकी रहेको प्रहरीले जनाएको छ । उनको पहिचान खुलाउने प्रयास भइरहेको मोरङ प्रहरीले जनाएको छ ।

सरकारविरुद्ध मोरङका सुकुम्वासी आन्दोलित, डोजर आतंक बन्द गर्न माग

२०८३ जेठ ०४

विराटनगर । सरकारले सुकुम्वासी बस्तीहरूमा विना विकल्प डोजर चलाइएको भन्दै मोरङका भूमिहीन सुकुम्वासीहरू आन्दोलित भएका छन् । आज मोरङका भूमिहीन सुकुम्वासीहरूले विराटनगरमा प्रदर्शन गरेका हुन् । संयुक्त संघर्ष समिति मोरङले प्रदर्शनसँगै जिल्ला प्रशासन कार्यालयमार्फत प्रधानमन्त्रीलाई ज्ञापनपत्र बुझाएको छ । समिति संयोजक निशा किरण राई नेतृत्वको टोलीले काठमाडौंको सुकुम्वासी बस्तीमा भएको बल प्रयोगलाई ‘अमानव...

विराटनगरको एभरेष्ट कलेजमा विद्यार्थीको आकर्षण, ६ सयले दिए प्रवेश परीक्षा

२०८३ जेठ ०४

विराटनगर । विराटनगर-५ स्थित एभरेष्ट कलेजमा कक्षा ११ मा भर्ना हुनका लागि करिब ६ सय जना विद्यार्थीले प्रवेश परीक्षा दिएका छन् । एसईई उत्तिर्ण विद्यार्थीहरूले आज बिहान ११ बजेदेखि परीक्षा दिएका हुन् । कलेजका भाइस प्रिन्सिपल टीएन भण्डारीका अनुसार ५ सय ७६ जना विद्यार्थी प्रवेश परीक्षामा सामेल भएका छन् । प्रवेश परीक्षा ११ मा विज्ञान तथा व्यवस्थापन संकायको अध्ययनका लागि रहेको उनले बताए । एभरेष्ट कलेजम...

विराटनगरमा मेगा इण्डियन एजुकेशन एक्स्पाे

२०८३ जेठ ०४

विराटनगर । भारतका उच्च शिक्षा प्रदायक शैक्षिक संस्थाहरूबारे एकै छानामुनि जानकारी गराउने उद्देश्यले विराटनगरमा ‘मेगा इण्डियन एजुकेशन एक्स्पो’ (शैक्षिक मेला) आयोजना गरिएको छ । इन्डो ग्लोबल फाउण्डेशन काठमाडाैंको आयोजना तथा विराटनगरस्थित कृष्णा एजुकेशन फाउण्डेशनको सहयोगमा शैक्षिक मेला आयोजना गरिएको हो । विराटनगरको सिटी प्यालेसमा सञ्चालित उक्त एक्स्पोमा भारतका १५ भन्दा बढी प्रतिष्ठित विश्वविद्यालय ...

विराटनगरको अर्किड कलेजमा ११ सय विद्यार्थीले दिए प्रवेश परीक्षा

२०८३ जेठ ०३

विराटनगर । विराटनगर-१० मा अवस्थित अर्किड कलेजले आज कक्षा ११ मा भर्ना हुने विद्यार्थीहरूको प्रवेश परीक्षा लिएको छ । विज्ञान, व्यवस्थापन, कम्प्युटर साइन्स र होटल म्यानेजमेन्ट पढाइ हुँदै आएको अर्किडमा भर्ना हुनका लागि ११ सय बढी विद्यार्थीले प्रवेश परीक्षा दिएका हुन् । २०५६ सालमा स्थापना भएको अर्किडमा सबै संकायमा गरेर हाल ९५० बढी विद्यार्थीहरू भर्ना गरिँदै आएको छ । किताबी ज्ञानमात्रै नभएर कलेजले वि...

विराटनगरको कान्तिपुर कलेजले लियो कक्षा ११ मा भर्ना हुने विद्यार्थीको प्रवेश परीक्षा

२०८३ जेठ ०३

विराटनगर । विराटनगर-१० मा अवस्थित कान्तिपुर माध्यमिक विद्यालयले कक्षा ११ मा भर्ना हुने विद्यार्थीहरूको प्रवेश परीक्षा लिएको छ । कलेजले आज लिएको प्रवेश परीक्षामा कोशी प्रदेशसहित मधेश प्रदेशका विभिन्न स्थानबाट आएका विद्यार्थीहरू उत्साहका साथ सहभागि भएका हुन् । विराटनगरकै अब्बल शैक्षिक संस्थाकारूपमा स्थापित भइसकेको कान्तिपुर कलेजले लिएको प्रवेश परीक्षामा विद्यार्थीहरूको उल्लेख्य सहभागिता रहेको थिय...

एसईई उत्रिर्ण विद्यार्थीलाई एभरेष्टले गर्यो अभिनन्दन

२०८३ जेठ ०२

विराटनगर । विराटनगरको एभरेष्ट सेकेन्डरी स्कुलले एसईई उत्रिर्ण विद्यार्थीहरूलाई आज अभिनन्दन गरेर बधाई तथा शुभकामना व्यक्त गरेको छ । स्कुलले कार्यक्रम आयोजना गरेर विद्यार्थीसहित उनीहरूका अभिभावकलाई पनि अभिनन्दन गरेको हो । कार्यक्रममा शिक्षा विकास तथा समन्वय इकाई मोरङका प्रमुख शालिग्राम दाहाल र विद्यालयका प्रिन्सिपल टिकाराम पुरीले अभिभावकलाई खादा र विद्यार्थीलाई खादासहित सम्मानपत्र प्रदान गरेर अभि...

अरनिकोमा प्रवेश परीक्षा दिनेको अत्यधिक भीड, सडक जाम भएपछि प्रहरी परिचालन

२०८३ जेठ ०२

विराटनगर । विराटनगरस्थित अरनिको कलेजमा कक्षा ११ को प्रवेश परीक्षा दिन आउनेको अत्यधिक भीड भएपछि नियन्त्रण र व्यवस्थापन गर्न प्रहरी नै परिचालन गर्नुपरेको छ । विद्यार्थीको प्रमुख रोजाइमा पर्ने गरेको अरनिकोमा प्रवेश परीक्षा दिन आउनेको भीडले कलेज आसपास क्षेत्रको सडक जाम भएको हो । अरनिको कलेज विज्ञान शिक्षामा मुलुककै अब्बल संस्थाका रूपमा चिनिन्छ । एसईईको नतिजा सार्वजनिक भएपछि कक्षा ११ को भर्ना खुला ग...

विराटनगरको अचिभर्स कन्सल्टिङले पाँच जना विद्यार्थीलाई निःशुल्क पढाइदिने

२०८३ जेठ ०१

विराटनगर । उच्च शिक्षा सम्बन्धी शैक्षिक परामर्श सेवा प्रदान गर्दै आएको विराटनगरस्थित अचिभर्स कन्सल्टिङ सर्भिसेसले पाँच जना विद्यार्थीलाई निःशुल्क पढाइदिने भएको छ । पढाई राम्रो भएका, गरिब, जेहनदार र अपाङ्गता भएका विद्यार्थीलाई अचिभर्स आफैले खर्च व्यहोरेर कक्षा ११ र १२ निःशुल्क पढाइदिन लागेको हो । समाजप्रतिको सामाजिक उत्तरदायित्व पुरा गर्न पाँच जना विद्यार्थीहरूलाई विराटनगरको प्रतिष्ठित कलेजमा नि...

विराटनगरमा बीमा प्राधिकरणको वार्षिकोत्सवमा रक्तदान र स्वास्थ्य शिविर

२०८३ बैशाख ३१

विराटनगर । नेपाल बीमा प्राधिकरणको ५८ औँ वार्षिकोत्सवको अवसरमा आज विराटनगरमा रक्तदान र निःशुल्क स्वास्थ्य शिविर आयोजना गरिएको छ । नेपाल रेडक्रस सोसाइटी, हिमाल आँखा अस्पताल र शान्ति फार्मेसी तथा दन्त क्लिनिकसँग सहकार्य गरेर बीमा प्राधिकरण कोशी प्रदेश कार्यालय विराटनगरले कार्यक्रम आयोजना गरेको हो । सो क्रममा ६५ जनाले रक्तदान गरेका छन् । त्यस्तै, स्वास्थ्य शिविरमा १०९ जनाको आँखा परीक्षण र ४३ जनाको...

वर्षाका कारण खेल रोकिँदा क्रिकेट युनाइटेड कप सिरिज बराबरीमा

२०८३ बैशाख ३१

विराटनगर । नेपाल क्रिकेट फाउण्डेसन को आयोजनामा विराटनगर–६ स्थित मेरिलेबोन ज्वाला क्रिकेट मैदान मा सञ्चालन भएको क्रिकेट युनाइटेड कप–२०२६ सिरिज बराबरीमा सकिएको छ । बुधबार बिहान परेको वर्षाका कारण मैदानमा पानी जम्दा सिरिज अन्तर्गत बागमती प्रदेश र इक्वालिटी कप–११ बीचको तेस्रो खेल रद्द भएको हो । खेल रद्द भएसँगै तीन खेलको सिरिज १–१ को बराबरीमा टुंगिएको आयोजकले जनाएको छ । सिरिजको पहिलो खेलमा इक्वालिट...

विराटनगरको एभरेष्ट कलेजमा जेठ ४ गते प्रवेश परीक्षा

२०८३ बैशाख ३१

विराटनगर । एभरेष्ट कलेज विराटनगरले जेठ ४ गते कक्षा ११ को प्रवेश परीक्षा लिने भएको छ । एसईईको नतिजा सार्वजनिक भएपछि कक्षा ११ मा भर्ना खुला गरेको एभरेष्टले प्रवेश परीक्षाको मिति पनि तोकेको हो । जेठ ४ गते बिहान ११ बजेदेखि प्रवेश परीक्षा लिने तय भएको कलेजका भाइस प्रिन्सिपल टीएन भण्डारीले बताए । सीमित सिटमा अध्यापन गराउने एभरेष्ट कलेजले विज्ञान र व्यवस्थापन संकायमा गरी २ सय १० जना भर्ना गर्नेछ । विज...

नोबेलमा १० बर्षभन्दा बढी समय काम गर्ने ४५ जना नर्सहरु सम्मानित

२०८३ बैशाख ३०

विराटनगर । विराटनगरस्थित नोवेल शिक्षण अस्पतालले १० वर्षभन्दा बढी समय काम गर्ने नर्सहरूलाई सम्मान गरेको छ । अन्तर्राष्ट्रिय नर्स दिवसको अवसरमा कार्यक्रम आयोजना गरेर नोबेलमा लामो समयदेखि कार्यरत ४५ जना नर्सहरूलाई सम्मान गरिएको हो । अस्पतालको सघन उपचार कक्ष, अपरेशन थ्रिएटर, आकस्मिक कक्ष लगायत विभिन्न विभागमा कार्यरत नर्सहरू सम्मानित भएका छन् । गुणस्तरीय तथा प्रभावकारी स्वास्थ्य सेवा प्रवाहमा लामो ...

मोरङको लेटाङमा बनाइयो पाँच धर्मावलम्बीको साझा धार्मिक शान्ति पार्क

२०८३ बैशाख २९

लेटाङ । मोरङको लेटाङमा पाँच प्रकारका धर्मको साझा अपनत्व झल्कने गरी धार्मिक शान्ति पार्क बनाइएको छ । धार्मिक सहिष्णुता, आपसी सम्मान र सामाजिक एकता प्रवर्द्धन गर्न हिन्दु, बौद्ध, किराँत, इसाई र इस्लाम धर्मलाई समेटेर पार्क निर्माण गरिएको हो । धार्मिक सहअस्तित्वको नमूना स्थलका रूपमा हेरिएको यो पार्कभित्र विभिन्न धर्मका प्रतीक तथा संरचनाहरू राखिएको छ । पार्क परिसरमा मदिरा सेवन, धूम्रपान, राजनीतिक गत...

विराटनगरको एभरेस्ट स्कुलमा मतदानमार्फत छानियो विद्यार्थी नेतृत्व

२०८३ बैशाख २८

विराटनगर । विराटनगर-५ स्थित एभरेस्ट सेकेन्डरी स्कुलले मतदानमार्फत शैक्षिक सत्र २०८३ का लागि विद्यार्थीहरूको प्रमुख (प्रिफेक्ट) तथा उप-प्रमुख (डेपुटी प्रिफेक्ट) चयन गरेको छ । विद्यालयले लोकतान्त्रिक अभ्यासको प्रत्यक्ष अनुभव गराउने उद्देश्यले मतदानमार्फत विद्यार्थीहरूको प्रमुख तथा उप-प्रमुख चयन गरेको हो । निर्वाचनमा पूर्ण रूपमा व्यवस्थित मतदान केन्द्र र गोप्य मतदानको व्यवस्थाबीच विद्यार्थीहरूले छ...

विराटनगर-१९ मा सुरु भयो मेयरकप फुटबल

२०८३ बैशाख २७

विराटनगर । विराटनगर महानगरपालिका वडा नं.१९ मा आइतवारबाट अन्तर वडास्तरीय मेयरकप फुटबल प्रतियोगिता सुरु भएको छ । स्थानीयस्तरवाटै राम्रा खेलाडी उत्पादन गर्ने लक्ष्यसहित विराटनगर वडा नं. १९ ले प्रतियोगिता आयोजना गरेको हो । प्रतियोगिता उद्घाटन गर्दै विराटनगरका मेयर नागेश कोइरालाले भौतिक पूर्वाधार विकाससँगै खेलकुद, शिक्षा र सामाजिक क्षेत्रको समग्र विकासमा महानगर केन्द्रित रहेको बताए । उनले खेलकुद युव...

विराटनगरमा पहिलो पाँचतारे होटल ‘लेमन ट्री प्रिमियर’ सञ्चालनमा

२०८३ बैशाख २७

विराटनगर । विराटनगरकै पहिलो पाँचतारे ‘लेमन ट्री प्रिमियर’ होटल सञ्चालनमा आएको छ । जुन नेपालमा लेमन ट्री होटल्स लिमिटेडको तेस्रो होटल हो । युवा उद्यमीहरू मनोजविक्रम शाह, कबिन श्रेष्ठ, विकास चौधरी र प्रशान्त तातेडको करिब दुई अर्ब रुपैयाँ लगानीमा विराटनगर-५ भृकुटी चोकमा होटल सञ्चालनमा आएको हो । यो होटलमा ८० वटा आधुनिक कोठा र सुइटहरूका साथै विभिन्न खानपान र सभा-सम्मेलनका सुविधाहरू रहेका छन् । विरा...

मोरङको रंगेलीमा मोटरसाइकलले ठक्कर दिँदा वृद्धाको मृत्यु

२०८३ बैशाख २७

विराटनगर । मोरङको रंगेली नगरपालिका-४ चोप्रहामा मोटरसाइकलले ठक्कर दिँदा वृद्धाको मृत्यु भएको छ । शनिबार बेलुका चोप्रहास्थित गणेश माध्यमिक विद्यालय नजिकैको भित्री पक्की सडक खण्डमा मोटरसाइकलले ठक्कर दिँदा ७३ वर्षीया कलियादेवी मण्डलको मृत्यु भएको हो । चोप्रहाबाट रंगेलीतर्फ जाँदै गरेको प्र १-०४-००३ प ००२१ नम्बरको मोटरसाइकलले बाटो काट्दै गरेकी मण्डललाई ठक्कर दिएको थियो । ठक्करबाट मण्डलको दाहिने खुट्ट...

जोगवनी नाकामा थप कडाइ, नेपाल प्रवेशका लागि परिचयपत्र अनिवार्य

२०८३ बैशाख २६

विराटनगर । भारतको जोगवनी हुँदै विराटनगर नाका भएर नेपाल प्रवेश गर्ने सबैले अबदेखि अनिवार्य रूपमा परिचयपत्र देखाउनुपर्ने व्यवस्था लागू भएको छ । सीमा सुरक्षालाई मजबुत बनाउन र अवैध गतिविधि तथा तस्करी नियन्त्रण गर्ने उद्देश्यसहित सीमा क्षेत्रमा कडाइ गरिएको हो । मोरङका प्रमुख जिल्ला अधिकारी युवराज कटेल नेतृत्वको टोलीले आज जोगवनी-विराटनगर सीमा क्षेत्रमा स्थलगत अनुगमन गर्दै नयाँ व्यवस्था कार्यान्वयनमा ...

कोशी प्रदेशका पर्यटन मन्त्री पराजुलीले सार्वजनिक गरे सय दिनका सय वटै काम

२०८३ बैशाख २५

विराटनगर । कोशी प्रदेशका पर्यटन वन तथा वातावरण मन्त्री भीम पराजुलीले आफू मन्त्री भएपछिको सय दिनको कार्यप्रगति सार्वजनिक गरेका छन् । मन्त्रालय परिसरमा आज पत्रकार भेटघाट कार्यक्रम गरेर मन्त्री पराजुलीले सय दिनमा भएका सय वटै कामको विवरण सार्वजनिक गरेका हुन् । मोरङ क्षेत्र नं.४ (ख) मा नेपाली कांग्रेसको तर्फबाट प्रदेश सभा सदस्य निर्वाचित पराजुली गत पुस २२ गते पर्यटन मन्त्री नियुक्त भएका हुन् । त्यसय...

सञ्चार क्षेत्रको विकासका लागि प्रदेश सरकारले सहयोग गर्छ : मन्त्री पराजुली

२०८३ बैशाख २४

विराटनगर । कोशी प्रदेशका आन्तरिक मामिला तथा कानुन मन्त्री इन्द्रमणि पराजुलीले सञ्चार क्षेत्रको विकासका लागि प्रदेश सरकारले सहयोग गर्ने बताएका छन् । पत्रकारिता दिवसको अवसरमा विराटनगरमा आज आयोजित पत्रकार सम्मान कार्यक्रमलाई सम्बोधन गर्दै मन्त्री पराजुलीले प्रदेशको सञ्चार क्षेत्र विकासमा सरकारले सहयोग गर्ने बताएका हुन् । अब बन्ने सञ्चार प्रतिष्ठानले पत्रकारिता र सञ्चार क्षेत्रलाई अघि बढाउन थप सघा...

कोशी प्रदेश सरकारले निजी मिडियालाई विज्ञापनमा विभेद गर्दैन : मुख्यमन्त्री कार्की

२०८३ बैशाख २४

विराटनगर । कोशी प्रदेशका मुख्यमन्त्री हिक्मत कुमार कार्कीले सञ्चारमाध्यमलाई अंकुश लगाउने कुनै पनि काम नगर्ने बताएका छन् । पत्रकारिता दिवसको अवसरमा विराटनगरमा आज आयोजित पत्रकार सम्मान कार्यक्रमलाई सम्बोधन गर्दै मुख्यमन्त्री कार्कीले निजी र सरकारी भनेर कुनै पनि सञ्चार माध्यमलाई विभेद नगर्ने बताएका हुन् । मुख्यमन्त्री कार्कीले प्रदेश र संघीय सरकार कुनैले पनि निजी र सरकारी भनेर विभेद गर्नु नेपालको ...

कोशी प्रदेश सरकारले आठ पत्रकारलाई गर्यो पुरस्कृत

२०८३ बैशाख २४

विराटनगर । राष्ट्रिय पत्रकारिता दिवसको अवसरमा आज कोशी प्रदेश सरकारले ८ जना पत्रकारलाई पुरस्कृत गरेको छ । पत्रकारिता क्षेत्रमा पुर्याएको योगदानको कदर गर्दै प्रदेश सरकारले पत्रकारहरूलाई पुरस्कृत गरेको हो । आन्तरिक मामिला तथा कानुन मन्त्रालयले कार्यक्रम आयोजना गरेर अग्रज पत्रकारहरू सिद्धराज राई (धनकुटा), विवेक गौतम (मोरङ), शेखर रेग्मी (मोरङ), सन्तोष रुचाल (धनकुटा), रेजिना गौतम (ताप्लेजुङ), मनोज श...

विराटनगरमा जारी नेपाल हव पुरुष क्रिकेट प्रतियोगिता वर्षाका कारण रद्द

२०८३ बैशाख २३

विराटनगर । दोस्रो संस्करणको नेपाल हव पुरुष टी-२० पुरुष क्रिकेट प्रतियोगिता वर्षाका कारण रद्द भएको छ । विराटनगरको मेरिलिवन ज्वाला क्रिकेट मैदानमा जारी खेल वर्षाका कारण रद्द गरिएको हो । नेपाल क्रिकेट फाउण्डेसन र कोशी प्रदेश क्रिकेट संघको आयोजनामा भइरहेको खेल आज बिहान भारी वर्षा भएर मैदानमा पानी जमेपछि रद्द गरिएको फाउन्डेसनका अध्यक्ष अभिषेक श्रेष्ठले जानकारी दिए । आजको पहिलो खेल विराटनगर हव र सिर...

विराटनगर जुटमिलको अनियमितता छानविन गर्न प्रधानमन्त्रीलाई आग्रह

२०८३ बैशाख २३

विराटनगर । नेपालको पहिलो र ऐतिहासिक उद्योग विराटनगर जुटमिलमा अनियमितता र भ्रष्टाचार भएको भन्दै स्थानीय मजदुर तथा कर्मचारीहरूले प्रधानमन्त्रीको ध्यानाकर्षण गराएका छन् । उनीहरूले मिलको वर्तमान अवस्था र विगतका आर्थिक कारोबारबारे उच्चस्तरीय छानविन आयोग गठन गर्न माग गर्दै प्रधानमन्त्री कार्यालयमा निवेदन दिएका हुन् । जुटमिलका मजदुरहरूले आज विराटनगरमा पत्रकार सम्मेलन गर्दै अनियमितताको छानबिन गर्नुपर्न...

ओभरटेक गर्ने क्रममा ३ जना सवार मोटरसाइकल ट्रकमा ठोक्कियो, धनकुटाका अनिषको मृत्यु

२०८३ बैशाख २२

विराटनगर । मोरङको सुन्दरहरैंचा नगरपालिका-७ स्थित सलकपुरमा ट्रकसँग तीन जना सवार मोटरसाइकल ठोक्किँदा एक जनाको मृत्यु भएको छ । दुर्घटनामा दुई जना घाइते भएका छन् । प्रहरीका अनुसार दुर्घटनामा मोटरसाइकल चालक धनकुटाको छथर जोरपाटी गाउँपालिका-१ का २० वर्षीय अनिष बुढाथोकीको मृत्यु भएको हो । टाउकोमा चोट लागेका उनलाई उपचारका लागि कोशी अस्पताल पुर्‍याइएकोमा चिकित्सकले १२ः१० बजे मृत घोषणा गरेका थिए । यस्तै ...

डोजर आतंक बन्द गर भन्दै मोरङका सुकुम्बासीहरू आन्दोलित

२०८३ बैशाख २१

विराटनगर । मोरङका विभिन्न स्थानमा बसोबास गर्दै आएका सुकुम्बासी, भूमिहीन र अव्यवस्थित बसोबासीहरू संगठित रूपमा आन्दोलनमा उत्रिएका छन् । सुन्दरहरैँचा, लेटाङ र पथरीशनिश्चरे लगायतका स्थानमा हिजो र आज छुट्टाछुट्टै प्रदर्शन भएका छन् । आन्दोलनले सुकुम्बासीमा बढ्दो असन्तोष र त्रासलाई सतहमा ल्याएको छ । डोजर प्रयोग गरेर बस्ती हटाइने सम्भावित सरकारी कदम, काठमाडौंमा हालै गरिएको बलपूर्वक हटाउने अभ्यास र स्था...

उच्च अदालत विराटनगरको जग्गा अतिक्रमण, खाली गराइदिन पत्राचार

२०८३ बैशाख २१

विराटनगर । उच्च अदालत विराटनगरको नाममा रहेको जग्गा अतिक्रमणमा परेको तथ्य सार्वजनिक भएको छ । उच्च अदालत विराटनगरले जग्गा खाली गराई भोगचलन गर्ने वातावरण मिलाइदिन विराटनगर महानगरपालिका र जिल्ला प्रशासन कार्यालयलाई पत्राचार गरेपछि उक्त तथ्य बाहिरिएको हो । अदालतको नाममा स्रेस्ता कायम रहेको १ बिघा भन्दा बढी जग्गामा केही व्यक्तिहरूले घरटहरा बनाएर कब्जा जमाएको अदालतले जनाउको छ । उच्च अदालत प्रशासन शाख...