समाचार Archives

सांसद सुनिल शर्मा र कुबोटाबीच जापानमा भेटवार्ता

२०८१ मंसिर ०७

विराटनगर । प्रतिनिधि सभा सदस्य तथा नेपाली काँग्रेसका नेता डा. सुनिल शर्माले जापानको हाउस अफ काउन्सिलरका सदस्य सांसद कुबोटा तेत्सुयासँग भेटवार्ता गरेका छन् । टोकियोमा रहेको हाउस अफ काउन्सिलरमा सांसद शर्मा र जापानी सांसद कुबोटाबीच भेटघाट भएको हो । गैरआवासीय नेपाली संघ एनआरएन तथा नेपाली काँग्रेसका नेता चिरञ्जीवी थापाको पहलमा भएको भेटमा दुई देशको सम्बन्धलाई अझै दिगो र प्रगाढ बनाउनुपर्नेमा जोड दिइएक...

दुर्गा प्रसाईंलाई पाँच दिन हिरासतमा राख्न अनुमति

२०८१ मंसिर ०५

विराटनगर । मेडिकल व्यवसायी दुर्गा प्रसाईंलाई पाँच दिन हिरासतमा राख्न अदालतले अनुमति दिएको छ । उनलाई म्याद थपका लागि जिल्ला अदालत काठमाडौंमा उपस्थित गराइएको थियो । विद्युतीय कारोबार ऐन, २०६३ को दफा ४७ अनुसार हिजो आफ्नै निवासबाट प्रसाईँ पक्राउ परेका थिए । उनले एमाले अध्यक्ष तथा प्रधानमन्त्री केपी शर्मा ओलीबारे गम्भीर आरोप लगाउँदै सामाजिक सञ्जालबाट फेक डकुमेन्ट सार्वजनिक गरेका थिए ।

दुर्गा प्रसाईँलाई म्याद थपका लागि लगियो अदालत

२०८१ मंसिर ०५

काठमाडौं । मेडिकल व्यवसायी दुर्गा प्रसाईँलाई म्याद थप गर्न जिल्ला अदालत काठमाडौं लगिएको छ । साइबर अपराधको आरोपमा पक्राउ उनलाई केहीबेर अघि सरकारी वकिलको कार्यालयबाट जिल्ला अदालत काठमाडौंमा लगिएको हो । केन्द्रीय अनुसन्धान ब्युरो (सिआइबी) ले प्रसाईंलाई हिजो भक्तपुरस्थित निवासबाट पक्राउ गरेको थियो । उनले एमाले अध्यक्ष तथा प्रधानमन्त्री केपी शर्मा ओलीबारे गम्भीर आरोप लगाउँदै सामाजिक सञ्जालबाट फेक डक...

गलत र भ्रमपूर्ण अभिव्यक्ति प्रसारण गर्ने युट्युब च्यानललाई कारबाही

२०८१ मंसिर ०५

काठमाडौं । प्रेस काउन्सिल नेपालले गलत र भ्रमपूर्ण अभिव्यक्ति प्रसारण गरेर अराजकता फैलाएको भन्दै युट्युब च्यानललाई कारबाही गरेको छ । कारबाहीमा परेका नौ युट्युब च्यानल मध्ये दर्ता र सूचीकृत विना चलेका तीन वटालाई आवश्यक अनुसन्धान गरी कारवाही गर्न नेपाल प्रहरीको साइबर ब्युरोमा पत्राचार गरिएको छ । सूचीकृत भएका अन्य सामाजिक सञ्जाल (युट्युब च्यानल) मा भएका अप्रमाणित र एकपक्षीय सामाग्रीलाई तत्काल हटाउ...

दुर्गा प्रसाईं पक्राउ

२०८१ मंसिर ०४

विराटनगर । मेडिकल व्यवसायी दुर्गा प्रसाईं पक्राउ परेका छन् । उनलाई प्रहरीले भक्तपुरस्थित निवासबाट केही बेर अगाडि पक्राउ गरेको हो । साइबर अपराध मुद्दामा उनलाई पक्राउ गरिएको केन्द्रीय अनुसन्धान ब्युरोले जनाएको छ । सामाजिक सञ्जालमार्फत प्रसाईंले कम्बोडियाको टेलिकममा प्रधानमन्त्री ओलीको साढे ३२ अर्ब लगानी रहेको भन्दै कागजात सार्वजनिक गरेका थिए । अहिले उक्त भिडियो भाइरल भएको छ । उनलाई त्यही भिडियो...

१७ क्विन्टल गाँजासहित पक्राउ परे धनकुटाका यमजित राई

२०८१ मंसिर ०४

सप्तरी । सप्तरीको राजगढ गाउँपालिका-४ बेल्ही चपेना स्थित भित्री सडकखण्डबाट प्रहरीले १७ क्विन्टल गाँजा बरामद गरेको छ । हिजो राति पत्थरगाढाबाट झुटकीतर्फ गइरहेको टिपरलाई नियन्त्रणमा लिएर खानतलासी गर्दा गाँजा बरामद भएको हो । टिपर र चालक धनकुटाको सहिदभूमि गाउँपालिका-३ का ३३ वर्षीय यमजित राईलाई नियन्त्रणमा लिएको प्रहरीले जनाएको छ । गाँजा कहाँ लग्न लागिएको हो भन्ने खुल्न बाँकी रहेको छ । ५६ वटा बोरामा ...

पूर्वसभामुख ढुंगानाको निधनमा आज सार्वजनिक बिदा

२०८१ मंसिर ०३

विराटनगर । पूर्वसभामुख दमननाथ ढुंगानाको निधनको शोकमा सरकारले आज सार्वजनिक बिदा दिएको छ। आज बिहान प्रधानमन्त्री निवास बालुवाटारमा बसेको मन्त्रिपरिषद्को बैठकले सार्बजनिक बिदा दिने निर्णय गरेको हो । ढुंगानाको निधनमा स्वदेश र विदेशस्थित सबै सरकारी कार्यालयमा आधा झण्डा झुकाउने निर्णय भएको सरकारका प्रवक्ता एवम् सञ्चार तथा सूचना प्रविधि मन्त्री पृथ्वीसुब्बा गुरुङले जानकारी दिए । २०४८ सालको प्रतिनिधि ...

पशुलाई निर्दयी व्यवहार गरेको आरोपमा मोरङ र सुनसरीका चारजना पक्राउ

२०८१ कार्तिक २८

विराटनगर । पशुलाई निर्दयी व्यवहार गरेको आरोपमा प्रहरीले चार जनालाई पक्राउ गरेको छ । उनीहरूलाई कपिलवस्तु जिल्लाको बुद्धभूमि गाउँपालिका-२ बाट पक्राउ गरिएको हो । पूर्वपश्चिम राजमार्ग अन्तरगत पश्चिमबाट पूर्वतर्फ जाँदै गरेको बा प्र ०३-००१ ख १९९२ नम्बरको ट्रकलाई चेकजाँच गर्दा पशुलाई निर्दयी व्यवहार गरेको पाइएको थियो । पक्राउ पर्नेमा विराटनगर-३ मानगढका ३८ वर्षीय हेमु श्रेष्ठ, २७ वर्षीय रमेश श्रेष्ठ...

मनमोहन प्राविधिक विश्वविद्यालयमा कानुन पढाइ हुने

२०८१ कार्तिक २५

विराटनगर । मनमोहन प्राविधिक विश्वविद्यालयले कानुनतर्फ स्नातक र स्नातकोत्तर तहको पढाइ सुरु गर्ने भएको छ । विश्वविद्यालयले विराटनगरमा कलेज स्थापना गरेर मङ्सिरदेखि स्नातकतर्फ बिबिए एलएलबी र स्नातकोत्तरतर्फ अपराध शास्त्रमा एलएलएमको पढाइ सुरु गर्न लागेको हो । स्नातकतर्फ नेपालमै पहिलो पटक बिबिए एलएलबीको पाठ्यक्रम निर्माण गरेर पढाइ सुरु गर्न लागेको विश्वविद्यालयका उपकुलपति डाक्टर सुवासश्री पोखरेलले जा...

उदाउँदो सूर्यलाई अर्घ दिएसँगै सकियो छठ पर्व

२०८१ कार्तिक २३

विराटनगर । आज बिहान उदाउँदो सूर्यलाई अर्घ अर्पणसँगै विधिवत रूपमा छठ पर्व सकिएको छ । उदाउँदो सूर्यलाई अर्घ दिन विराटनगरसहित देशका विभिन्न स्थानका खोला। नदी र जलाशयमा भक्तजनहरू भीड लागेको थियो । बर्तालुले हिजो बेलुका अस्ताउँदो सूर्यलाई अर्घ दिएका थिए । अस्ताउँदो सूर्यको पूजा गरेका बर्तालुहरू छठस्थलमै नाचगानसहित जाग्राम बसेका थिए ।

बस र माइक्रो बस ठोक्किँदा पाँच जनाको मृत्यु

२०८१ कार्तिक २३

चितवन । चितवनको भरतपुर महानगरपालिका-२९ सत्रकिलोमा बस र माइक्रोबस ठोक्किँदा पाँच जनाको मृत्यु भएको छ । मुग्लिनबाट नारायणगढका लागि छुटेको बाग्मती प्रदेश ०६-००१ ज ०२९८ नम्बरको विद्युतीय माइक्रोबस र नारायणगढबाट मुग्लिनका लागि छुटेको बाग्मती प्रदेश ३-००१ ख २८१२ नम्बरको बस आज बिहान ठोक्किएर दुर्घटना भएको हो । दुर्घटनामा मृत्यु हुनेको परिचय खुल्न बाँकी छ । दुर्घटनामा अन्य तीन जना घाइते भएका छन् । उनीह...

छठ पर्वको मुख्य दिन आज, अस्ताउँदो सूर्यलाई अर्घ दिइँदै

२०८१ कार्तिक २२

विराटनगर । सूर्यको पूजा आराधना गरी आज छठ पर्व मनाइँदै छ । छठ पर्वको मुख्य दिन अस्ताउँदो सूर्यको पूजा आराधना गरेर अर्घ दिने गरिन्छ । भोलि बिहान उदाउँदो सूर्यलाई अर्घ दिएपछि विधिपूर्वक छठ पर्वको समापन हुन्छ । बर्तालुले आज रातभर जाग्राम बसेर भोलि बिहान उदाउँदो सूर्यलाई अर्घ दिन्छन् । कात्तिक शुक्ल चतुर्थीदेखि सप्तमीसम्म छठ पर्व मनाउने गरिन्छ । कात्तिक शुक्ल चतुर्थीका दिन स्नान गरी एक छाक खाने गरिन...

भाइटीकाको उत्तम साइत ११ः३७ बजे

२०८१ कार्तिक १८

विराटनगर । तिहारको महत्वपूर्ण दिन आज दिदीबहिनीले दाजुभाइलाई टीका लगाएर भाइटीका पर्व मनाउँदैछन् । प्रत्येक वर्ष कार्तिक शुक्ल द्वितीयाका दिन दिदीबहिनीले दाजुभाइलाई सप्तरङ्गी टीका लगाएर भाइटीका मनाउने गर्छन् । टीकाको उत्तम साइत बिहान ११ बजेर ३७ मिनेटलाई तोकिएको नेपाल पञ्चाङ्ग निर्णायक विकास समितिले जनाएको छ । दिदीबहिनीले टीका लगाइदिएपछि दाजुभाइले पनि दिदीबहिनीलाई टीका लगाइदिने चलन छ । दिदीबहिनील...

आज एकैदिन कुकुर तिहार र लक्ष्मीपूजा

२०८१ कार्तिक १५

विराटनगर । तिहारको तेस्रो दिन आज कुकुर पुजा र लक्ष्मी पूजा गरिदै छ । तिथिको घटबढका कारण आज एकैदिन कुकुर तिहार र लक्ष्मीपूजा परेको हो । दशैँपछि नेपालीहरूको दोस्रो ठूलो चाड तिहार हो । यमपञ्चक अर्थात् दीपावली पनि भनिने यो चाडमा कुकुर तिहार दोस्रो दिन पर्ने भएपनि यस वर्ष तिथिको घटबढका कारण आज तेस्रो दिन परेको नेपाल पञ्चाङ्ग निर्णायक विकास समितिले जनाएको छ । समितिका अनुसार आज बिहान कुकुर पूजा गरेर ब...

आज काग तिहार मनाइँदै

२०८१ कार्तिक १४

विराटनगर । आज काग तिहार पर्व मनाइदैछ । यमराजको दूत मानिने कागलाई मीठो खानेकुरा दिएर काग तिहार मनाउने गरिन्छ । यमराजले लोकको खबर कागका माध्यमबाट थाहा पाउने विश्वासका आधारमा कागलाई यमदूत भन्ने गरिन्छ । यमराजसमक्ष कागले राम्रो खबर लगिदियोस् भनेर कागलाई पूजा गरी खान दिई खुसी पार्ने चलन छ । काग घर छेउमा आएर कराउँदा केही खबर ल्याएको भन्ने मान्यता छ । तिथिको घटबढका कारण यसवर्ष सायंकालमा कात्तिक कृष्ण ...

रवि लामिछानेलाई थप ७ दिन हिरासतमा राख्न अनुमति

२०८१ कार्तिक ०८

विराटनगर । राष्ट्रिय स्वतन्त्र पार्टीका सभापति रवि लामिछानेलाई थप सात दिन हिरासतमा राखेर अनुसन्धान गर्न अदालतले अनुमति दिएको छ । सहकारी ठगी र सङ्गठित अपराध कसुरमा पक्राउ परेका उनीविरुद्ध जिल्ला अदालत कास्कीले आज सात दिनको म्याद थप गरेको हो । न्यायाधीश चन्द्रकान्त पौडेलको इजलासले लामिछानेलाई थप सात दिन हिरासतमा राखेर अनुसन्धान गर्न अनुमति दिएको जिल्ला अदालत कास्कीले जनाएको छ । यसअघि लामिछानेलाई...

रवि र छविलाई अदालतमा उपस्थित गराइयो

२०८१ कार्तिक ०८

काठमाडौं । सहकारीको रकम हिनामिना प्रकरणमा राष्ट्रिय स्वतन्त्र पार्टीका सभापति रवि लामिछाने र पूर्व डीआइजी छविलाल जोशीलाई जिल्ला अदालत कास्कीमा उपस्थित गराइएको छ । पोखरास्थित सूर्यदर्शन सहकारीको रकम हिनामिना गरेको भन्दै पक्राउ परेका उनीहरूलाई अदालतमा उपस्थित गराइएको हो । गत शुक्रबार काठमाडौंमा लामिछानेलाई पक्राउ गरी पोखरा लगिएको थियो । आइतबार अदालतमा उपस्थित गराएर उनलाई अनुसन्धानका लागि ६ दिनको...

रवि लामिछाने पक्राउ

२०८१ कार्तिक ०२

काठमाडौँ । राष्ट्रिय स्वतन्त्र पार्टीका सभापति एवं पूर्व उपप्रधान तथा गृहमन्त्री रवि लामिछाने पक्राउ परेका छन् । सहकारी ठगीको आरोपमा प्रहरीले उनलाई पक्राउ गरेको हो । रास्वपा पार्टी मुख्यालय बनस्थलीबाट आज साँझ सीआईबीको टोलीले लामिछानेलाई नियन्त्रणमा लिएको छ । सूर्यदर्शन सहकारीको रकम अपचलनमा संलग्न भएको आरोप उनीमाथि छ । सो विषयमा अनुसन्धान गर्न कास्की जिल्ला अदालतले प्रहरीलाई अनुमति दिएको छ । ...

रविलाई पक्राउ गर्न प्रहरी परिचालन

२०८१ कार्तिक ०२

काठमाडौँ । राष्ट्रिय स्वतन्त्र पार्टीका सभापति एवं पूर्व गृहमन्त्री रवि लामिछानेलाई पक्राउ गर्न प्रहरी टोली परिचालित भएको छ । लामिछानेलाई नियन्त्रणमा लिन केन्द्रीय अनुसन्धान ब्युरो (सीआईबी) को टोली परिचालित भएको हो । लामिछानेलाई पक्राउ गर्न अदालतले पनि अनुमति दिइसकेको छ । उनीमाथि सहकारी ठगीको आरोप छ । रवि लामिछाने पक्राउ

शनिबारसम्म यस्तो रहने छ मौसम

२०८१ कार्तिक ०१

विराटनगर । हाल देशभर पश्चिमी वायुको आंशिक प्रभाव रहेको मौसम पूर्वानुमान महाशाखाले जनाएको छ । कोशी, बागमती र गण्डकी प्रदेशका पहाडी भू-भागमा स्थानीय वायुको पनि आंशिक प्रभाव रहेको छ । मधेश, लुम्बिनी प्रदेश लगायत देशका पहाडी भू-भागमा आंशिक देखि साधारणतया बदली रहेको र बाँकी स्थानमा आंशिक बदली देखि मौसम मुख्यतया सफा रहेको महाशाखाले जनाएको छ । आज दिउँसो देशका पहाडी भू-भागमा आंशिक देखि साधारणतया बदली...

सिन्धुली बस दुर्घटना अपडेट : नौ जना घाइतेको उपचार हुँदै

२०८१ आश्विन २२

विराटनगर । काठमाडौंबाट भोजपुर आउँदै गरेको बस सिन्धुलीमा दुर्घटना हुँदा दुई जनाको मृत्यु भएको छ । मृत्यु भएका मध्ये एक जनाको पहिचान खुलेको जिल्ला प्रहरी कार्यालय सिन्धुलीले जनाएको छ । भोजपुरको हतुवागढी गाउँपालिका-१ का २६ वर्षीय बुद्धिमान तामाङको पहिचान खुलेको जिल्ला प्रहरी कार्यालय सिन्धुलीका प्रहरी नायब उपरीक्षक अनिल कुमार खडकाले संगालोखबरलाई जानकारी दिए । खोटाङ यातायात प्रालिको टिकट र बैङ्कको...

राहत एवम् पुनः निर्माण कोष निर्माण गर्न माग

२०८१ आश्विन २१

विराटनगर । नेकपा माओवादी केन्द्र कोशी प्रदेश संसदीय दलले ‘राहत एवम् पुनः निर्माण कोष’ निर्माण गर्न माग गरेको छ । माओवादी कोशी प्रदेश संसदीय दलका नेता इन्द्रबहादुर आङवो नेतृत्वको टोलीले मुख्यमन्त्री हिक्मतकुमार कार्कीलाई ज्ञापनपत्र बुझाउँदै यस्तो माग गरेका हुन् । बाढी पहिरोबाट पीडित भएकाहरूलाई राहत दिन तथा क्षतिग्रस्त संरचनाको पुनः निर्माण गर्न कोषको निर्माण गर्न आवश्यक रहेको माओवादीले जनाएको छ ...

काठमाडौंबाट भोजपुर आउँदै गरेको बस सिन्धुलीमा दुर्घटना

२०८१ आश्विन २१

विराटनगर । काठमाडौंबाट भोजपुर आउँदै गरेको बस सिन्धुलीमा दुर्घटना भएको छ । मदन भण्डारी राजमार्ग अन्तरगत सिन्धुलीको हरिहरपुरगढी गाउँपालिका-५ मा केही समय अगाडि बस दुर्घटना भएको हो । जिल्ला प्रहरी कार्यालय सिन्धुलीका प्रहरी उपरीक्षक गोविन्दराज काफ्लेका अनुसार बागमती प्रदेश ०१-००६ ख ६७८५ नम्बरको बस दुर्घटना भएको हो । दुर्घटना हुँदा दुई जनाको घटनास्थलमै मृत्यु भएको काफ्लेले जानकारी दिए । उनले संगा...

काठमाडौंबाट विराटनगर आउँदै गरेको हायस दुर्घटना हुँदा १५ जना घाइते (नामावलीसहित)

२०८१ आश्विन १८

विराटनगर । काठमाडौंबाट विराटनगरतर्फ आउँदै गरेको हायस दुर्घटनामा परेको छ । आज बिहान सिन्धुलीको कमलामाई नगरपालिका-८ सिस्नेरीस्थित बीपी राजमार्गमा हायस दुर्घटना हुँदा १५ जना घाइते भएका छन् । इलाका प्रहरी कार्यालय भिमान सिन्धुलीका अनुसार बा ५ ख ६६१८ नम्बरको हायस अनियन्त्रित भएर नालीमा पल्टिएको हो । घाइतेहरूको सिन्धुली अस्पताल र धरानस्थित बीपी कोइराला स्वास्थ्य विज्ञान प्रतिष्ठानमा उपचार भइरहेको छ ।...

आकाशमा आधा घण्टा घुमेर विराटनगर एयरपोर्टमा अवतरण भयो श्री एयरको जहाज

२०८१ आश्विन १७

विराटनगर । वर्षाका कारण अवतरण हुन नसकेपछि श्री एयरलाइन्सको विमान आधा घण्टा होल्ड भएको छ । काठमाडौंबाट विराटनगर आएको जहाज आधा घण्टा आकाशमा होल्ड भएपछि सुरक्षित अवतरण भएको हो । विराटनगर विमानस्थलका अनुसार जहाजले आकाशमा ६ फन्को लगाएको थियो । विराटनगर विमानस्थलका प्रमुख सुभास झाका अनुसार वर्षा र हावाका कारण बन्द भएको विमानस्थल करिब बिहान साढे ८ बजेपछि खुलेको थियो ।

शनिबारसम्म यस्तो रहनेछ मौसम

२०८१ आश्विन १७

विराटनगर । आज दिउँसो कोसीसहित मधेश, बागमती र गण्डकी प्रदेशका केही स्थानमा मेघगर्जनसहित वर्षाको सम्भावना रहेको छ । बाँकी स्थानको मौसम सामान्यतया सफा रहने मौसम पूर्वानुमान महाशाखाले जनाएको छ । महाशाखाका अनुसार कोसी प्रदेशको तराई क्षेत्रका थोरै स्थानमा हावाहुरीको समेत सम्भावना रहेको छ । आज राति पनि यी स्थानमा मेघगर्जनसहित वर्षा हुने महाशाखाले जनाएको छ । भोली दिउँसो कोसी र मधेश प्रदेशलगायत देशका पह...

कोसीसहित देशका विभिन्न स्थानमा वर्षा, एकदुई ठाउँमा भारी वर्षाको सम्भावना

२०८१ आश्विन १७

विराटनगर । कोसीसहित मधेश, बागमती र गण्डकी प्रदेशका विभिन्न स्थानमा अहिले वर्षा भइरहेको छ । केही स्थानमा मेघगर्जनसहित वर्षा भइरहेको र बाँकी स्थानमा सामान्यतया बदली भएको मौसम पूर्वानुमान महाशाखाले जनाएको छ । पछिल्लो २४ घण्टामा इलामको कन्याममा ६९ मिलिमिटर वर्षा मापन हुँदा पाँचथरको फिदिममा ५१ मिलिमिटर वर्षा मापन भएको छ । यस्तै झापाको गौरादहमा ५० मिलिमिटर, मोरङको बाहुनीमा ६०.४ मिलिमिटर, मोरङको सुन्द...

सुरु भयो दशैं, आज घटस्थापना

२०८१ आश्विन १७

विराटनगर । नेपालीहरूको महान चाड बडादशैं आजबाट सुरु भएको छ । हरेक वर्ष आश्विन शुक्ल प्रतिपदादेखि पूर्णिमासम्म १० दिन धुमधामका साथ मनाइने दशैंको पहिलो दिन आज घटस्थापना हो । घर-घरमा वैदिक विधिपूर्वक दियो, कलश र गणेश स्थापना गरी घटस्थापना गरिदैछ । बिहान ९ बजेर १६ मिनेटमा घटस्थापनाको शुभसाइत रहेको नेपाल पञ्चाङ्ग निर्णायक समितिले जनाएको छ । पुजा कोठा अथवा दशैं घरमा चोखो स्थानबाट बालुवा वा माटो ल्याई...

लायन्स अन्तर्राष्ट्रिय डिस्ट्रिक्टले कोशीका बाढी, पहिरो पीडितलाई सहयोग गर्ने

२०८१ आश्विन १६

विराटनगर । लायन्स क्लब अन्तर्राष्ट्रिय डिस्ट्रिक्ट ३२५ सीले कोशी प्रदेशमा १५ हजार अमेरिकी डलर बराबरको राहत वितरण गर्ने भएको छ । आपतकालीन सहयोग अन्तरगत बाढी, पहिरो र डुबानमा परेकाहरूलाई तत्काल विभिन्न आवश्यक सामग्री वितरण गरिने जनाइएको छ । डिस्ट्रिक्ट ३२५ सीका गभर्नर विकास अधिकारीका अनुसार नेपालमा एक लाख डलर बढीको राहत सहयोग स्वीकृत भएको छ । जसमध्ये १५ हजार डलर बराबरको सहयोग कोशी प्रदेशमा गरिने ...

यस्तो छ आजको मौसम, हल्कादेखि मध्यम वर्षा हुने

२०८१ आश्विन १६

विराटनगर । आज बिहानैदेखि कोशी प्रदेशका केही स्थानमा पानी परिरहेको छ । केही स्थानमा मेघगर्जनसहित हल्कादेखि मध्यम वर्षा भइरहेको जल तथा मौसम पूर्वानुमान महाशाखाले जनाएको छ । आज दिउँसो कोशी प्रदेशका केही स्थानहरूमा तथा बागमती र गण्डकी प्रदेशका थोरै स्थानहरू तथा बाँकी प्रदेशका एक/दुई स्थानमा मेघगर्जनसहित हल्कादेखि मध्यम वर्षाको सम्भावना छ । कोशी प्रदेश र बागमती प्रदेशका एक/दुई स्थानमा भारी वर्षाको ...

बाढी, पहिरो र डुबानबाट मृत्यु हुनेको सङ्ख्या १९३ पुग्यो

२०८१ आश्विन १४

विराटनगर । देशभर बाढी, पहिरो र डुबानमा परेर मृत्यु हुनेको सङ्ख्या एक सय ९३ पुगेको छ । नेपाल प्रहरीका अनुसार अझै देशभर ३१ जना बेपत्ता छन् । प्रहरीका अनुसार अविरल वर्षाका कारण विभिन्न स्थानहरूमा बाढी तथा पहिरोले सडक अवरुद्ध रहेको र बाटो खुलाउने प्रयास भइरहेको छ । बाढीपहिरो प्रभावितलाई खाद्यान्नलगायत आपतकालीन राहत सामग्री उपलब्ध गराइएको तथा घाइतेको निःशुल्क उपचार भइरहेको गृह मन्त्रालयले जनाएको छ ...