संगालोखबर 
विराटनगर । आज देशका अधिकांश स्थानमा मेघगर्जन र चट्याङसहित वर्षा हुने सम्भावना छ । मौसम पूर्वानुमान महाशाखाका अनुसार दिउँसोदेखि धेरैजसो स्थानमा बदली भई हल्कादेखि मध्यम वर्षा हुन सक्ने अनुमान गरिएको हो ।
Advertisement
महाशाखाका अनुसार डडेल्धुरा, दिपायल, धनगढी, वीरेन्द्रनगर, नेपालगञ्ज, जुम्ला, घोराही, भैरहवा, सिमरा, धनकुटा, विराटनगर, धरान र जनकपुरमा हल्का वर्षाको सम्भावना छ । पोखरा, काठमाडौँ, ओखलढुङ्गा, जोमसोम, जिरी र ताप्लेजुङमा भने मध्यम वर्षा हुन सक्ने पूर्वानुमान छ ।
पोखरा, ओखलढुङ्गा र ताप्लेजुङमा वर्षाको सम्भावना सबैभन्दा बढी ६० प्रतिशत रहेको छ । काठमाडौँमा ४० प्रतिशत सम्भावना रहेको महाशाखाले जनाएको छ । धनगढी र नेपालगञ्जमा भने वर्षाको सम्भावना १० प्रतिशत मात्रै रहने अनुमान छ ।
आज सबैभन्दा बढी तापक्रम धनगढी र नेपालगञ्जमा रहने अनुमान गरिएको छ । ती क्षेत्रमा अधिकतम तापक्रम ३६ देखि ३८ डिग्री सेल्सियससम्म पुग्न सक्नेछ । दिपायल, भैरहवा र सिमरामा पनि तापक्रम ३५ डिग्री सेल्सियसभन्दा माथि रहने सम्भावना छ ।
जोमसोममा भने अधिकतम तापक्रम १९ देखि २१ डिग्री सेल्सियस रहने अनुमान गरिएको छ । काठमाडौँ उपत्यकाको अधिकतम तापक्रम २५ देखि २७ डिग्री सेल्सियसको बीचमा रहनेछ ।
राति डडेल्धुरा, दिपायल, धनगढी, वीरेन्द्रनगर, नेपालगञ्ज, जुम्ला र घोराहीमा वर्षाको सम्भावना नरहेको महाशाखाले जनाएको छ । ती क्षेत्रमा आंशिक बदली रहनेछ ।
पोखरा, काठमाडौँ र ताप्लेजुङमा भने राति पनि मेघगर्जन र चट्याङसहित मध्यम वर्षा हुन सक्ने अनुमान गरिएको छ । भैरहवा, सिमरा, ओखलढुङ्गा, धनकुटा, विराटनगर, जोमसोम, धरान, जनकपुर र जिरीमा हल्का वर्षाको सम्भावना रहेको छ ।
रातिको न्यूनतम तापक्रम जुम्लामा ७ देखि ९ डिग्री सेल्सियससम्म झर्ने अनुमान गरिएको छ । जोमसोम र जिरीमा न्यूनतम तापक्रम ९ देखि ११ डिग्री सेल्सियस रहनेछ । नेपालगञ्जमा न्यूनतम तापक्रम २५ देखि २७ डिग्री सेल्सियस तथा विराटनगरमा २४ देखि २६ डिग्री सेल्सियस रहने पूर्वानुमान छ । काठमाडौँको न्यूनतम तापक्रम १६ देखि १८ डिग्री सेल्सियस रहनेछ ।
