धनकुटा, ६ असोज । धनकुटाको महालक्ष्मी नगरपालिका–७ जीतपुरका एक ब्यक्तिको भीरबाट लडेर मृत्यु भएको छ । जीतपुर स्थित भन्ज्याङडाँडा नजिक घर भएका ४३ बर्षीय भोजबहादुर दर्जीको भीरबाट लडेर मृत्यु भएको हो ।
गाउँकै स्थानीय स्यावुने भीरबाट खसेर दर्जीको घटनास्थलमै मृत्यु भएको स्थानीय खगेन्द्रप्रसाद पौडेलले संगालोखबरलाई जानकारी दिए ।
Advertisement
दर्जी बिहान करिव ४ बजे घरबाट निश्किएका थिए ।भीरबाट खसेको अवस्थामा दिउँसो उनको शव फेला परेको हो ।
मृतकको शवलाई पोष्टमार्टमका लागि धनकुटा जिल्ला अस्पताल ल्याईएको धनकुटाका प्रहरी प्रवक्ता धनप्रसाद शिवाकोटीले जानकारी दिएका छन ।
