विराटनगर । मोरङको रंगेली नगरपालिका–६ मलङ्गथानमा चट्याङ पर्दा आज एक जनाको मृत्यु भएको छ । चार जना घाइते छन् । मृत्यु हुँनेमा स्थानीय २३ वर्षिय नितेश राय छन् ।
घर नजिकै पिठारीको रूखमुनि गफ गर्दै बसिरहेका बेला दिउँसो १ बजे चट्याङ पर्दा उनीहरु घाइते भएका थिए । रंगेली अस्पतालमा उपचारका क्रममा रायको मृत्यु भएको हो ।
१७ बर्षीय विजय मण्डल, २५ बर्षीया संगीता यादव, २६ बर्षीय रविन मण्डल र ५५ बर्षीय अशोक मण्डल घाइते भएका छन् । रंगेली अस्पतालमा उनीहरूको उपचार भइरहेको ईलाका प्रहरी कार्यालय रंगेलीले जनाएको छ ।