विराटनगर । विगत २४ घण्टाको अवधिमा प्रदेश १ मा ८५१ जना कोरोना संक्रमित थपिएका छन् । झापामा ३३९, मोरङमा २५६, सुनसरीमा १९७, उदयपुरमा २७, इलाममा ६, पाँचथर, धनकुटा र भोजपुरमा ४/४, संखुवासभामा २, तह्रथुममा १ र प्रदेश १ बाहिरका ११ जनामा संक्रमण देखिएको सामाजिक विकास मन्त्रालयले जनाएको छ ।
Advertisement
मन्त्रालयका अनुसार झापाको मेचीनगरमा १०५, विर्तामोडमा ५६, शिवसताक्षीमा ३८, कनकाईमा २७, अर्जुनधारामा २५, गौरीगञ्जमा १९, हल्दिबारीमा १७, दमक र भद्रपुरमा १४/१४, बुद्धशान्तिमा ७, कमल गाउँपालिकामा ५, बाह्रदशीमा ४, झापा गाउँपालिकामा ३, गौरादह र स्थानीय तह नखुलेका २–२ जनामा संक्रमण देखिएको छ । त्यस्तै मोरङको विराटनगरमा १४७, सुन्दरहरैंचामा ३५, रतुवामाईमा १९, उर्लाबारीमा १२, बुढीगंगामा ११, बेलबारीमा ८, कटहरीमा ५, धनपालथानमा ४, मिक्लाजुङ, रंगेली र जहदामा ३/३, पथरीशनिश्चरे र सुनबर्षीमा २/२, कानेपोखरी, ग्रामथान र लेटाङमा १/१ जनाको पीसीआर रिपोर्ट पोजिटिभ आएको छ ।
यता, सुनसरीको इटहरीमा ७०, धरानमा ५०, इनरुवामा ४६, बराहक्षेत्रमा १०, देवानगञ्जमा ७, दुहवीमा ६, रामधुनी, बर्जु र स्थानीय तह नखुलेका २/२, गढी र भोक्राहा नरसिंहमा १/१, उदयपुरको त्रियुगामा २५, चौदण्डीगढी र उदयपुरगढीमा १/१, इलामको चुलाचुलीमा २, इलाम नगरपालिका, सुर्योदय, देउमाई र स्थानीय तह नखुलेका १/१ जना संक्रमित भएका छन् । त्यस्तैगरी पाँचथरको फिदिममा ३ र स्थानीय तह नखुलेका १, धनकुटाको छथरमा २, पाख्रीबास र चौवीसेमा १/१, भोजपुरको अरुण, षडानन्द, भोजपुर नगरपालिका र स्थानीय तह नखुलेका १/१, संखुवासभामा २, तेह्रथुममा १ र प्रदेश १ बाहिरका ११ जनामा संक्रमण पुष्टि भएको हो ।
योसँगै प्रदेश १ मा कोरोना संक्रमितको संख्या ६१ हजार ७५ पुगेको छ । प्रदेश १ मा आज ९९३ जना कोरोना संक्रमणमुक्त भएका छन् । संक्रमणमुक्त हुनेमा ४०१ महिला र ५९२ जना पुरुष छन् । मन्त्रालयका अनुसार हालसम्म संक्रमणमुक्त हुनेको संख्या ४० हजार ४०६ पुगेको छ । सक्रिय संक्रमित १९ हजार ७२८ छन् ।
प्रदेश १ मा आज २ हजार ५५३ जनाको पीसीआर परीक्षण गरिएको छ । परीक्षण गरिएकामध्ये ३४७ महिला र ५०४ पुरुषको रिपोर्ट पोजिटिभ आएको छ ।
