धनकुटा । नेकपा एमाले धनकुटाका सल्लाहकार समिति संयोजक जीवप्रसाद पोख्रेलको निधन भएको छ । धनकुटा नगरपालिका–६ आत्मारा निवासी पोख्रेलको आइतबार साँझ निधन भएको हो ।
नेकपा एमाले धनकुटाका प्रचार विभाग प्रमुख भेषराज कटेलले पोख्रेलको निधन भएको पुष्टि गरेका छन् । स्वास्थ्यमा समस्या देखिएपछि उनलाई एक साता अघि उपचारका लागि धरानस्थित वीपी कोइराला स्वास्थ्य विज्ञान प्रतिष्ठान लगिएको थियो । प्रतिष्ठानमा उपचारका क्रममा नेता पोख्रेलको निधन भएको हो ।
धनकुटाका अग्रज नेता पोख्रेल धनकुटा नगरपालिकाका पूर्व उपमेयरसमेत हुन् ।