सुनसरी । मोटरसाइकल चोरीमा संलग्न तीन जना इटहरीको खनारबाट पक्राउ परेका छन् । पक्राउ पर्नेमा इटहरी उप–महानगरपालिका–२ का ४० बर्षीय सुवासचन्द्र राई, इटहरी २० का ३८ बर्षीय बलराम गुरुङ र इटहरी–१३ का २६ बर्षीय राजेश मेहेता छन् ।
जेष्ठ १२ गते मोरङको सुन्दरहरैंचा नगरपालिका–४ बाट गजेन्द्र राईको प्रदेश–१–०५–००१ प.००६१ न.को एनएस २ सय सीसीको मोटरसाईकल हराएको थियो । मोटरसाइकल हराएपछि राईले खोजतलासका लागि प्रहरीमा उजुरी दिएका थिए ।
त्यसपछि अनुसन्धान तथा खोजतलास थालेको प्रहरीले खनारबाट चोरी भएको मोटरसाइकलसहित बिहिबार राती १० बजे उनीहरुलाई पक्राउ गरेको हो । पक्राउ परेकाहरुलाई कारबाही प्रकृया अघि बढाइएको प्रहरीले जनाएको छ ।