झापा । लागुओैषध कारोबारीलाई पक्राउ गर्ने क्रममा प्रहरीले झापामा सोमबार साँझ गोली चलाएको छ । नेपाल–भारत सीमा नाका पर्ने झापाको झापा गाउँपालिका–६ स्थित कामाटोली प्रहरीले साँझ करिब ६ बजेतिर तीन राउन्ड गोली चलाएको हो ।
जिल्ला प्रहरी कार्यालय झापाका एसपी मिलन केसीले लागूऔषध कारोबारीले प्रहरीमाथि आक्रमण गरेपछि गोली चलाउनुपरेको बताए । भारतबाट लागुओैषध लिएर नेपालतर्फ आइरहेका ३० वर्षीय अबदुल रसिद मियाले प्रहरीमाथि आक्रमण गरेपछि प्रतिकारमा प्रहरीले गोली चलाएको उनको भनाइ छ ।
Advertisement
मियालाई नियन्त्रणमा लिएर अनुसन्धान भइरहेको प्रहरीले जानकारी दिएको छ । सीमा नाकाबाट लागूऔषध ओसार्नेहरु सक्रिय भएपछि प्रहरीले निगरानी बढाएको छ ।
