संगालोखबर 
विराटनगर । झापा, सुनसरी र धनकुटाबाट प्रतिबन्धित लागूऔषध ब्राउन सुगर र गाँजासहित १० जना पक्राउ परेका छन् । बुधबार चेकजाँच क्रममा प्रहरीले लागूऔषधसहित उनीहरूलाई पक्राउ गरेको हो ।
झापाको भद्रपुर नगरपालिका-७ बस्ने प्रकाश सहनी र राहुल राजवंशी ४ ग्राम ८६ मिलिग्राम ब्राउन सुगरसहित पक्राउ परेका छन् । यस्तै बिर्तामोड नगरपालिका-१ का २९ वर्षीय मनकुमार राई र २६ वर्षीया रेखा थापा ९५० मिलिग्राम ब्राउन सुगरसहित पक्राउ परेका हुन् ।
धनकुटाको हिलेबाट ३ ग्राम ५०० मिलिग्राम ब्राउन सुगरसहित चार जना पक्राउ परेका छन् । पक्राउ पर्नेहरूमा सुनसरीको बराहक्षेत्र नगरपालिका-२ का मनिष अधिकारी र अजय साह तथा भोजपुरका सन्तोष खड्का र पवन रोका छन् ।
सुनसरीको अस्थायी प्रहरी पोस्ट सखुवागाछीले ९४० ग्राम गाँजासहित दुई जनालाई नियन्त्रणमा लिएको छ । पक्राउ पर्नेहरूमा इनरुवा नगरपालिका-५ का अर्जुन चौधरी र धनकुटाको साँगुरीगढी गाउँपालिका९ का प्रबिन राई छन् ।
उनीहरूमाथि सम्बन्धित प्रहरी कार्यालयबाट अनुसन्धान भइरहेको कोशी प्रदेश प्रहरी कार्यालय विराटनगरले जनाएको छ ।
