बुढीखोलामा बगेर एकजनाको मृत्यु, दुईजना बेपत्ता, एकजनाको उद्धार

सुनसरी । मोरङ र सुनसरीको सीमामा पर्ने बुढीखोलामा बगेर एकजनाको मृत्यु भएको छ । दुईजना बेपत्ता भएका छन् । खोलाले चारजना बगाएकामा एकजनाको उद्धार गरिएको छ ।

प्रहरीका अनुसार मृत्यु हुनेमा मोरङको सुन्दरहरैँचा–५ की २२ वर्षीया प्रेमकला चौधरी छिन् । बेपत्ता हुनेमा सुन्दरहरैँचा–५ की ६० वर्षीया असरादेवी चौधरी र ३० वर्षीया फूला चौधरी छन् । बगेकामध्ये सुन्दरहरैँचा–५ की २२ वर्षीया स्वस्तिका चौधरीको उद्धार गरिएको गरिएको थियो ।

इलाका प्रहरी कार्यालय इटहरीका प्रहरी नायव उपरीक्षक (डीएसपी) टेकबहादुर कार्कीले संगालोखबरलाई दिएको जानकारीअनुसार खोलाले बगाएकाहरु मोरङको सुन्दरहरैँचा नगरपालिका–५ का बासिन्दा हुन् ।

बगेकामध्ये एकजनाको प्रेमकलाको शव गौरीगाउँस्थित खोला किनारमा भेटिएको कार्कीले बताए । बेपत्ता भएका दुईजनाको खोजी भइरहेको प्रहरीले जनाएको छ । इलाका प्रहरी कार्यालय इटहरीको टोली र स्थानीय बासिन्दा मिलेर बेपत्ता भएकाहरुको खोजी गरिरहेका छन् ।