काठमाडौं । युजवेन्द्र चहलको उत्कृष्ट बलिङको मदतमा भारतले तेस्रो टी-२० क्रिकेटमा इंग्ल्याण्डलाई ७५ रनले पराजित गरेको छ । र, यससँगै तीन म्याचको सिरिज २-१ को जितेको छ ।
भारतले दिएको २०३ रनको लक्ष्य पछ्याएको इंग्ल्याण्ड १६.३ ओभरमा १२७ रन जोड्दा अलआउट भयो ।
Advertisement
एक समय इंग्ल्याण्डको स्कोर २ विकेटको क्षतिमा ११९ रन थियो । तर, चहलको घातक बलिङका कारण इंग्ल्याण्डले आफ्नो अन्तिम ८ विकेट मात्र ८ रन जोड्दा गुमायो ।
चहलले ४ ओभरमा २५ रन दिएर ६ विकेट लिए । जसपि्रत बुमराहले ३ र अमित मिश्राले एक विकेट लिए । इंग्ल्याण्डका जोए रुटले ४२ रन जोडे भने कप्तान इयान मोर्गानले ४० र जसन रोएले ३२ रनको योगदान दिए ।
यसअघि पहिले ब्याटिङ गरेको भारतले २० ओभरमा ६ विकेट गुमाएर २०२ रन बनाए । उसका सुरेश रैनाले ६३ र महेन्द्र सिंह धोनीले ५६ रनको योगदान दिए । टी-२० मा धोनीको यो पहिलो अर्धशतक हो ।
