मोरङको कानेपोखरीमा बस दुर्घटना, चार जनाको मृत्यु
बिराटनगर । मोरङको कानेपोखरीमा भएको सवारी दुर्घटनामा चार जनाको मृत्यु भएको छ । एक दर्जन बढी मानिस घाइते भएका छन् ।
काकरभिट्टाबाट बुटबल जाँदै गरेको ना ५ ख ५३ ८७ नम्बरको बस मे ४ प ८५११ नम्बरको मोटरसाइकललाई ठक्कार दिएपछि अनियन्त्रित भएर दुर्घटनामा परेको प्रहरीले जनाएको छ ।
अनियन्त्रित भएको बस रुखमा ठोक्किँदा तीन पुरुष र एक महिलाको मृत्यु भएको छ ।