झापामा खोलाले बगाएर एक जनाको मृत्यु
झापा । झापाको अर्जुनधारा नगरपालिकामा खोलाले बगाएर आज एक जनाको मृत्यु भएको छ । स्थानीय टाङटिङ खोलाले बगाउँदा अर्जुनधारा–४ का ५६ बर्षीय बिदुर पराजुलीको मृत्यु भएको हो ।
दिउँसो साँढे १२ बजे तर्ने क्रममा पराजुलीलाई खोलाले बगाएको हो । खोलाले बगाएर पराजुलीको मृत्यु भएपछि स्थानीयबासीले प्रहरीलाई खबर गरेका थिए ।
घटनाको जानकारी पाएपछि ईलाका प्रहरी कार्यालय अनारमनीबाट प्रहरी टोली घटनास्थल गएको थियो ।
