- संगालोखबर सम्बाददाता

झापा । झापामा खालाले बगाउँदा एक जनाको मृत्यु भएको छ । एक जना बेपत्ता छन् । स्थानीय डुबे खोलाले बगाउँदा संखुवासभा घर भई झापाको अर्जुनधारा नगरपालिका–४ बस्ने ३० बर्षीय सुगम राईको मृत्यु भएको हो ।

श्रीमती र साथीहरुसँगै दहिझोडा सामुदायिक वनतर्फ गएका राईलाई बाटोमा रहेको खोला तर्ने क्रममा बगाएको हो । खोलाले बगाएका राईलाई साथीहरुले मृत अवस्थामा खोलाबाट निकालेर प्रहरीलाई खबर गरेका थिए ।

त्यस्तैगरी झापाको कन्काई नगरपालिकामा खोलाले बगाएर एक जना बेपत्ता भएका छन् । कन्काई–४ का २७ बर्षीय कमल मुखियालाई माई खोलाको बाढीले बगाएको हो ।

बाढीले बगाएर ल्याएको दाउरा निकाल्ने क्रममा मुखियालाई खोलाले बगाएर बेपत्ता बनाएको प्रहरीले जनाएको छ । स्थानीयबासी र प्रहरीले उनको खोजी गरिरहेका छन् ।

सत्य, तथ्य र निष्पक्ष खबरका लागि संगालोखबरको फेसबुक पेज लाइक गर्नुहोस्
Please Subscribe to Sangalo Khabar Youtube Channel.

तपाईको प्रतिक्रिया

error: Content is protected !!