संगालोखबर 
विराटनगर । मोरङको ग्रामथान गाउँपालिकामा मुख्य निर्वाचन अधिकृतको कार्यालय स्थापना गरिएको छ । आगामी मंसिर १६ गते हुन लागेको उपनिर्वाचनका लागि ग्रामथानमा कार्यालय स्थापना गरिएको हो ।
Advertisement
मुख्य निर्वाचन अधिकृत उद्धवप्रसाद भट्टराईले कार्यालय स्थापनासँगै सर्वदलीय छलफल गरेका छन् । छलफलमा राजनीतिक दलले भयरहित वातावरणमा निर्वाचन सम्पन्न गर्न सहयोग गर्ने प्रतिवद्धता जनाएका छन् ।
मंसिर दुई गते उम्मेदवारको मनोनयन दर्ताको कार्यक्रम रहेको छ । मनोनयन दर्ता बिहान १० बजेबाट सुरु हुने भट्टराईले जानकारी दिए । निर्वाचन आचारसंहिता र मनोनयन दर्ताका लागि आवश्यक जानकारी समेत गराइएको थियो ।
काङ्ग्रेसबाट निर्वाचित गाउँपालिका अध्यक्ष जयप्रकाश गच्छदारको निधन भएपछि ग्रामथानमा उपनिर्वाचन हुन लागेको हो । सात वटा वडा रहेको ग्रामथानमा २६ हजार ४४ मतदाता रहेका छन् ।
यो पनि-
