अपडेटः भोजपुरमा स्कारपियो पल्टिँदा घाइते भएका घलेको मृत्यु, तीन जनालाई काठमाडौँ लगियो

भोजपुर । भोजपुरको बोखिममा स्कारपियो दुर्घटना हुँदा घाइते भएका एक जनाको मृत्यु भएको छ । मृत्यु हुनेमा झापाको गौरादह नगरपालिका–७ का ६५ वर्षीय झम्कबहादुर घले छन् ।

जिल्ला अस्पताल भोजपुरमा उपचारका क्रममा घलेको मृत्यु भएको भोजपुरका प्रहरी प्रवक्ता इन्सपेक्टर दिपक कुमार श्रेष्ठले जानकारी दिए । ‘घाइते मध्ये एक जनाको मृत्यु भयो, तीन जनालाई काठमाडौँ पठाइएको छ,’ इन्सपेक्टर श्रेष्ठले संगालोखबरसँग भने, ‘बाँकी केही घाइतेलाई धरान पठाउने तयारी हुदैछ ।’

बोखिमबाट चखेवा जाँदै गरेको प्रदेश १–०२–००२ च ६९२३ नम्बरको स्कारपियो आज बिहान करिब ७ः३० बजे दुर्घटना भएको हो । दुर्घटनामा घाइते भएका नौं जना मध्ये भोजपुर नगरपालिका-५ का ४१ वर्षीय रामकुमार राई र ३५ वर्षीया लाक्साडिकी सेर्पा तथा धरान-२ का ३८ वर्षीया याराना सुब्बालाई थप उपचारका लागि काठमाडौँ लगिएको छ । उनीहरूलाई प्रभु एयरको हेलिकप्टरमार्फत काठमाडौँ पठाइएको हो ।

धरानबाट घुम्नका लागि भोजपुरको चखेवा जानेक्रममा स्कारपियो दुर्घटना भएको हो । स्कारपियो सडकबाट करिब ३० मिटर तल खसेको छ ।

यसअघि प्रकाशित…