भोजपुरमा स्कारपियो दुर्घटना हुँदा १० जना घाइते

भोजपुर । भोजपुरको बोखिममा आज बिहान स्कारपियो दुर्घटना हुँदा १० जना घाइते भएका छन् । बोखिमबाट चखेवा जाँदै गरेको प्रदेश १-०२-००२ च ६९२३ नम्बरको स्कारपियो बिहान करिब ७ः३० बजे दुर्घटना भएको हो ।

दुर्घटनामा परी १० जना यात्रु घाइते भएको भोजपुरका प्रहरी प्रवक्ता प्रहरी निरीक्षक दिपक कुमार श्रेष्ठले जानकारी दिए । ‘अहिले घाइतेहरूलाई उपचारका लागि जिल्ला अस्पतालमा ल्याइएको छ,’ प्रहरी प्रवक्ता श्रेष्ठले संगालोखबरसँग भने, ‘गम्भीर घाइतेहरूलाई रिफर गरेर पठाउँने तयारी भइरहेको छ ।’

घाइतेमध्ये चार जनाको अवस्था गम्भीर छ । उनीहरूलाई थप उपचारका लागि धरान पठाउने तयारी गरिएको हो । सो स्कारपियो धरानबाट आएको थियो । चखेवा घुम्न जाने क्रममा स्कारपियो दुर्घटनामा परेको हो ।

दुर्घटनाग्रस्त स्कारपियो सडकबाट करिब ३० मिटर तल खसेको छ ।