संगालोखबर 
विराटनगर । उदयपुरको बेलकामा मलामी बोकेर फर्किदै गरेको बस दुर्घटना हुँदा २९ जना घाइते भएका छन् । उनीहरूलाई उपचारका लागि अस्पताल पठाइएको इलाका प्रहरी कार्यालय बेलकाका प्रहरी निरीक्षक मौसम उदासले जानकारी दिए ।
Advertisement
घाइतेमध्ये १२ जनालाई घोपा पठाइएको र अन्य १७ जनाको स्थानिय नगर अस्पतालमा उपचार भइरहेको उनले संगालोखबरलाई जानकारी दिए । उनीहरूको अवस्था सामान्यदेखि मध्यम रहेको उदासले बताए ।
आज दिउँसो प्रदेश १-०२-००१ ख ८२५३ को नम्बरको बस बेलका-८ सेतिखोलामा दुर्घटना भएको हो । बेलका नगरपालिका-५ घुम्नेबाट मलामी लिएर फर्किदै गरेको बस आफैँ अनियन्त्रित भएर दुर्घटना भएको हुनसक्ने अनुमान गरिएको छ ।
बसचालकलाई प्रहरीले नियन्त्रणमा लिएको छ । दुर्घटनाका सम्बन्धमा थप अनुसन्धान भइरहेको छ ।
यो पनि-
