खोटाङ, २९ मंसिर । खोटाङको तुवाचुङ नगरपालिका–८ स्थित धितुङमा आगलागी हुँदा एउटा घर र मतान जलेर नष्ट भएको छ । स्थानीय मित्रमान राईको घर आगलागीमा जलेर नष्ट भएको हो ।
आगलागीबाट खरको छाना भएको तिन तले घर र एक तले मतानसमेत जलेर नष्ट भएको प्रहरीले जनाएको छ । आगलागीमा परी घर भित्रका सम्पुर्ण समान जलेर नष्ट भएका छन् । मतानमा रहेका १४ वटा चौपाया पनि जलेका छन् ।
प्रहरी र स्थानीयबासीले आगो निभाएका थिए । आगलागीबाट करिव १६ लाख ४८ हजार बराबरको क्षति भएको प्रहरीको अनुमान छ ।