संगालोखबर 
विराटनगर । मोरङबाट सशस्त्र प्रहरीले ठूलो परिमाणमा बोइलरका चल्ला नियन्त्रणमा लिएको छ । मोरङको सुनवर्षी नगरपालिका-८ हरिश्चन्द्रगढीस्थित नेपाल-भारत सीमानाबाट अवैधरूपमा नेपाल ल्याउँदै गरेको अवस्थामा चल्ला नियन्त्रणमा लिएको हो ।
सशस्त्र प्रहरी बल नेपाल बीओपी सिक्टीबाट खटिएको टोलीले सात लाख मूल्य बराबरका सात हजार चल्ला नियन्त्रणमा लिएको छ । धानखेतको प्रयोग गरेर १४ वटा भार बनाएर चल्ला ल्याउँदै गरेका व्यक्ति सशस्त्रलाई देखेपछि भारततर्फ नै भागेका छन् ।
बरामद गरिएका चल्ला बीओपी सिक्टीमा राखिएको छ । चल्ला ओसार-पसारमा संलग्नको खोजी भइरहेको प्रहरीले जनाएको छ ।
