संगालोखबर 
काठमाडौं । भोटेकोसी बाढीमा ज्यान गुमाउने संख्या एक हजार दुई सय ५२ पुगेको छ । विनाशकारी बाढीपछि अझै चार हजार दुई सय १६ जना सम्पर्कविहीन छन् ।
राष्ट्रिय विपद् जोखिम न्यूनिकरण तथा व्यवस्थापन प्राधिकरणको पछिल्लो विवरण अनुसार एक हजार दुई ५२ शव भेटिएका हुन् । सबैभन्दा बढी चितवनमा दुई सय ५५ जनाको शव भेटिएको छ ।
त्यस्तै, रसुवामा एक सय २७, नुवाकोटमा एक सय ७७, धादिङमा ६०, गोरखामा ६९, तनहुँमा ३८, नवलपरासी पूर्वमा दुई सय १८ र नवलपरासी पश्चिममा दुई सय आठ जनाको शव भेटिएको प्राधिकरणले जनाएको छ ।
भोटेकोसी बाढीपछि चार हजार दुई १६ जना सम्पर्कविहीन छन् । सम्पर्कविहीन हुनेहरूमध्ये सबैभन्दा बढी जलविद्युत आयोजनामा कार्यरत कर्मचारी र मजदूर रहेका छन् ।
बाढीपछि सम्पर्कविहीनको खोज तथा उद्धार जारी रहेको छ । चीन, भारत र दक्षिण कोरियाको टोलीसँगै नेपाली सुरक्षाकर्मीले खोजबिन गरिरहेका छन् ।
