संगालोखबर 
बाँके । बाँकेको कोहलपुर नगरपालिका-३ शान्तिटोलमा निर्माणाधीन सेफ्टी ट्याङ्कीभित्र फसेका तीन जना मजदुरको मृत्यु भएको छ । आज बिहान दयाप्रसाद थारुको निर्माणाधीन घरको आँगनमा बनाइँदै गरेको सेफ्टी ट्याङ्कीभित्र तीन जना मजदुर फसेका थिए ।
प्रहरीका अनुसार जेसीबीको सहायताले सेफ्टी ट्याङ्की फुटाएर तीनै जनालाई बाहिर निकालिए पनि उनीहरूको मृत्यु भइसकेको थियो ।
Advertisement
मृत्यु हुनेमा कोहलपुर नगरपालिका-३ का करिब ४२ वर्षीय कालु थारु, २७ वर्षीय प्रकाश थारु र ३४ वर्षीय बिर्जा थारु छन् । घटनाको कारणबारे प्रहरीले प्रारम्भिक अनुसन्धान गरिरहेको छ ।
