संगालोखबर 
सिराहा । सिराहाको लक्ष्मीपुरपतारी गाउँपालिका-२ पर्सास्थित भित्री सडक खण्डमा स्कुल बसले किच्दा पाँच वर्षीया बालिकासहित दुई जनाको मृत्यु भएको छ ।
दुर्घटनामा पायोनियर एजुकेशन एकेडेमीमा अध्ययनरत ५ वर्षीया समीक्षाकुमारी साह र बसका सहचालक २५ वर्षीय ओमप्रकाश यादवको मृत्यु भएको हो ।
Advertisement
विद्यार्थीलाई घर छाडेर विद्यालयतर्फ फर्किदै गरेको को १ ख ३५९९ नम्बरको पायोनियर एजुकेशन एकेडेमीको बसले मंगलबार अपरान्ह ४ः१५ बजेतिर बालिकालाई झारेर अगाडि बढ्ने क्रममा पछाडिको चक्काले किचेको थियो ।
सप्तरीको बोधेबरसाइन नगरपालिका-८ काचन घर भएकी बालिका हाल मावली लक्ष्मीपुरपतारी-२ पर्सामा बस्दै आएकी थिइन् । प्रहरीका अनुसार सहचालक सिराहाको लहान नगरपालिकाका बासिन्दा हुन् ।
बसलाई प्रहरीले नियन्त्रणमा लिएको छ । चालक फरार रहेकाले खोजी भइरहेको प्रहरीले जानकारी दिएको छ ।
