संगालोखबर 
काठमाडौं । स्वास्थ्य बीमा सेवा दिन आनाकानी गर्ने अस्पताल तथा स्वास्थ्य संस्थालाई कारबाही गर्ने स्वास्थ्य बीमा बोर्डले चेतावनी दिएको छ ।
बीमा कार्यक्रमअन्तर्गत सेवा प्रवाहका क्रममा केही सेवा प्रदायक स्वास्थ्य संस्थाबाट बीमित सेवाग्राहीलाई दुःख दिएको तथा सेवा प्रवाह नगरेको पाइएपछि बोर्डले सहज रूपमा स्वास्थ्योपचार गर्न गराउन आग्रह गरेको हो । अटेर गरेको खण्डमा कानुन अनुसार कारबाही गर्ने बोर्डले चेतावनी दिएको छ ।
Advertisement
स्वास्थ्य संस्थाहरूले बीमा सेवा प्राप्त गर्न अग्रिम समय लिनुपर्ने, बीमितप्रति भेदभावपूर्ण व्यवहार गरिएको तथा आवश्यक सेवा सुविधा एवं औषधि उपलब्ध नगराइएको प्रति बोर्डले ध्यानाकर्षण भएको जनाएको छ ।
स्वास्थ्य बीमा ऐन, २०७४, स्वास्थ्य बीमा नियमावली, २०७५ तथा प्रचलित कानुनविपरीतका गतिविधि नगर्न तथा नगराउन बोर्डले चेतावनी दिएको छ ।
