उदयपुरको त्रियुगामा ट्याक्टर दुर्घटना हुँदा २ जनाको मृत्यु

विराटनगर । उदयपुरको त्रियुगा नगरपालिका-७ होक्सेमा ट्याक्टर दुर्घटना हुँदा दुई जनाको मृत्यु भएको छ । दुर्घटनामा त्रियुगा नगरपालिका-६ जलजलेका ४३ वर्षीय राजा हुसेन अली र सोही ठाउँकी २६ वर्षीया आशा सदाको मृत्यु भएको हो ।

उनीहरूको जिल्ला अस्पताल उदयपुरमा उपचारका क्रममा मृत्यु भएको हो । गएराति होक्सेबाट चुहाडेतर्फ आउँदै गरेको स १ त २८२५ नम्बरको ट्याक्टर अनियन्त्रित भएर दुर्घटना भएको प्रहरीले जनाएको छ ।

Advertisement

दुर्घटना लगत्तै ट्याक्टर चालक फरार भएका छन् । उनको खोजी भइरहेको उदयपुर प्रहरीले जनाएको छ ।