संगालोखबर 
जनकपुर । मधेश प्रदेशका नवनियुक्त मुख्यमन्त्री कृष्ण यादवले मन्त्रीमण्डल विस्तार गरेका छन् । नेपाली काँग्रेस, जनमत पार्टी र नेकपा एकीकृत समाजवादी पार्टीबाट तीन जना मन्त्री बनेका छन् ।
जनमत पार्टीबाट महेश प्रसाद यादव, काँग्रेसबाट जंगीलाल राय र नेकपा एकीकृत समाजवादीबाट कनिश पटेल मन्त्री बनेका छन् । उनीहरूमध्ये यादवलाई अर्थ मन्त्रालयको जिम्मेवारी दिइएको छ । दुई जना मन्त्रीलाई भने कुनै विभागको जिम्मा दिइएको छैन ।
Advertisement
नवनियुक्त तीनै जना मन्त्रीहरूले आजै शपथ ग्रहण गरेका छन् । उनीहरूलाई प्रदेश प्रमुख डा. सुरेन्द्र लाभले पद तथा गोपनियताको शपथ ग्रहण गराए हुन् ।
