संगालोखबर 
सुनसरी । सुनसरीको कोशी गाउँपालिका-७ बाट बेवारिसे अवस्थामा रहेको १८ बोरा गाँजा प्रहरीले बरामद गरेको छ । आज बिहानको राति करिब २ बजे अस्थायी प्रहरी चौकी हरिपुरबाट खटिएको प्रहरी टोलीले पूर्वपश्चिम लोकमार्गको सडक किनारामा प्लाष्टिकको बोरामा राखिएको अवस्थामा गाँजा बरामद गरेको हो ।
बरामद भएको गाँजाको तौल ६ सय ३७ किलो ४५ ग्राम रहेको सुनसरीका प्रहरी प्रवक्ता डीएसपी योगराज खतिवडाले जानकारी दिए । गाँजा ओसार-पसारमा संलग्नको खोजी भइरहेको प्रहरीले जनाएको छ ।
Advertisement
यस्तै उदयपुरको अस्थायी प्रहरी पोष्ट नेपालटारबाट खटिएको प्रहरी टोलीले चेकजाँचको क्रममा दुई जनालाई गाँजासहित पक्राउ गरेको छ ।
सिराहाको लहान नगरपालिका-१७ की लिलादेवी रामलाई ६ किलो ८ सय ४६ ग्राम र लहान-८ की अस्मिता रामलाई ५ किलो ६ ग्राम गाँजासहित पक्राउ गरिएको प्रहरीले जनाएको छ ।
