पोखरामा कोरोना संक्रमणबाट एक वृद्धाको मृत्यु

पोखरा । कोरोना संक्रमणबाट पोखरामा एक वृद्धाको मृत्यु भएको छ । चरक अस्पतालमा उपचाररत वृद्धाको कोरोना संक्रमणबाट मृत्यु भएको स्वास्थ्य निर्देशनालय गण्डकीले जनाएको छ ।

स्वासप्रश्वासमा समस्या देखिएपछि अस्पताल भर्ना गरिएकी उनलाई असार २५ गते कोरोना संक्रमण पुष्टि भएको थियो । उनको स्वास्थ्य जटिल बन्दै गएपछि उपचारकै क्रममा साउन ४ गते आइतबार मृत्यु भएको निर्देशनालयले जनाएको छ ।

वृद्धामा उच्च रक्तचाप र मधुमेहको समस्यासमेत देखिएको निर्देशनालयको भनाइ छ । उनको जनस्वास्थ्य प्रयोगशाला गण्डकीमा पिसिआर जाँच गरिएको थियो । पछिल्लो समय फेरि गण्डकीमा कोरोना संक्रमितको संख्या बढ्न थालेको छ ।