संगालोखबर 
उदयपुर । उदयपुरमा भ्यानले ठक्कर दिँदा वृद्धाको मृत्यु भएको छ । दुर्घटनामा त्रियुगा नगरपालिका-७ चुहाडेकी ७४ वर्षीया कोटिमाया दनुवारको मृत्यु भएको हो ।
आइतबार कटारीबाट गाईघाट आउँदै गरेको बा. प्र. ०८-००१ ज ००७१ नम्बरको भ्यानले वृद्धालाई ठक्कर दिएको थियो ।
Advertisement
भ्यानको ठक्करबाट गम्भीर घाइते भएकी उनलाई उपचारका लागि जिल्ला अस्पताल लगिएकोमा उपचार सम्भव नभएपछि धरान लैजाँदै गर्दा बाटोमा नै मृत्यु भएको प्रहरीले जनाएको छ ।
भ्यानका चालक कटारी नगरपालिका-६ का ३८ वर्षीय घमाडे सार्कीलाई नियन्त्रणमा लिएर आवश्यक अनुसन्धान सुरु गरिएको प्रहरीले जनाएको छ ।
