संगालोखबर 
जनकपुर । मधेश प्रदेशमा खानेपानीको हाहाकार भएका स्थानमा दमकलबाट पानी वितरण गरिने भएको छ । वीरगञ्ज, कलैयासहितका क्षेत्रमा दमकल र ट्यांकरको सहायताले पानी वितरण गरिने जनाइएको छ ।
Advertisement
प्रदेश विपद् व्यवस्थापन कार्यकारी समितिको निर्णयअनुसार प्रदेश सरकारसँग रहेका ८ वटा दमकल आज मुख्यमन्त्री सतिश कुमार सिंहले खानेपानी संकटग्रस्त क्षेत्रमा पठाएका छन् । मुख्यमन्त्री सिंहका अनुसार खानेपानी आपूर्ति गरी जनतालाई तत्काल राहत पुर्याउने उद्देश्यले दमकल परिचालन गरिएको हो ।
खानेपानी आपूर्ति गर्न नेपाली सेना पनि खटेका छन् । दमकलहरू २४ सै घण्टा प्रभावित क्षेत्रमा परिचालित हुने र त्यसको सञ्चालन नेपाली सेनाले गर्ने जनाइएको छ ।
लामो समयदेखि पानी नपर्दा कल र बोरिङ सुक्न थालेपछी मधेशमा खानेपानीको समस्या भएको हो । यस्तै पानी नपर्दा रोपाइँमा पनि समस्या भएको छ । प्रदेश सरकारले मधेशलाई सुख्खाग्रस्त क्षेत्र पनि घोषणा गरिसकेको छ ।
